點解? 因為媽咪呢排係公司成日做錯野呀, 報錯成份, 寫錯顏色名, 款號調轉....全部都係可避免的CARELESS MISTAKES..

媽咪真係好冇用呀...又唔係第一日先做, 竟然都會犯呢D錯誤...

媽咪係咪冇比個心去做? 媽咪自己都唔知呀, 我已經有DOUBLE CHECK, 唔係左手黎右手去的了, 明知呢幾款辦既款號一定要攪清楚的, 仲對左三次以上先安心寄出去的...但最後都係調轉左款號呀...

點解媽咪會甘失敗嫁...

太后已講明, 話若果再有呢D錯野發生, 就有機會換人

媽咪真係好想一句就答: 你唔駛換人哪, 我辭職好了!!!

可能佢地都忍得我耐的了, 由2001年到而家, 所有我做錯過既野佢地都記在內心深處!

郁郁B, 媽咪應該點做呀? 媽咪都想好似你甘, 有MUM MUM就萬事足呀...

仲要下午2點先到, 老闆book了今晚食飯, 但時間係9:00 pm

我同阿kid都打定輸數, 今晚都唔知幾點先走得嫁啦~

點知~呢班客總算有返d良心~7點度就攪掂~甘我都係8點就走人啦~

可以早d返去見下郁郁B, 同郁爸食飯啦~

最近, 郁郁B除了好鐘意玩"BU咋"之外, 就係"BU唧", 同埋, 郁郁B識得講"正~~!!!" 不過佢既發音似"掟~~~!"多D

早上, 郁媽剛剛睡醒, 行出房門去洗手間洗面刷牙

郁郁B一見郁媽起身了

就走埋去按著NOW的解碼器

因為郁郁B知道郁媽每早起身後第一件事, 就係睇下新聞, 睇下今天既天氣及氣溫

洗完面刷完牙, 郁媽就返入房畫返個樣 

當我整裝完畢, 行出房門

郁郁B就會拍拍梳化

示意叫我坐低

郁媽就問: 跟住點啊

郁郁B就指一指個鞋櫃

郁媽:好啦~甘你幫媽咪拎對鞋出黎啦~

然之後, 郁郁B就會打開鞋櫃既門

係鞋櫃裡面取出郁媽的鞋子, 放係地下

郁媽把鞋子穿好 : 好啦~媽咪要去返工啦~~

郁郁B就走去把NOW解碼器關掉

郁媽就把電視也關掉 : 郁郁B你開門比媽咪吧~

郁郁B就熟練地把大門打開(當然事先姐姐把門鎖UNLOCK哪)

跟住郁媽就會跟郁郁B親親咀

就離開屋企起程去返工哪~~

以下就係郁郁B拎鞋比郁媽既片段啦~

有一晚, 發現郁郁B既尿片剩返幾片咋~~~幣~~唔記得買尿片TIM~~~~

於是立即同郁爸, 郁郁B一起落去樓下既超市買尿片啦~

一買完之後, 郁郁B就爭著要幫手拎尿片......拖哂地都要照幫手拎....

於是, 郁爸出招, 拎出一包薯片叫郁郁B幫忙拎住, 尿片就由郁爸自己拎返,,,甘樣先返到屋企咋

但返到屋企後, 郁郁B就係甘將個兩包尿片搬黎搬去....都唔知佢想點...

搞到我既魚生飯都冇埋....變左大快活既鑊仔牛柳.....認真麻麻地....

又要等半年了...

明天, 個客會黎我地公司, 希望佢快d走, 唔好阻住我地收工哪...

雖然係悶左幾粒鐘, 但見完客之後, 老闆帶左我地去紅磡火車站隔離個間酒店既日本餐廳食飯

老闆一坐低就話個度既定食好抵食

我睇下個餐牌, 一個定食都成200元wo, 甘都叫抵食...?

老闆都叫定食, 我就諗住照跟哪

點知, 阿KEN竟然睇完哂個MENU之後, 就甘ORDER左個魚生飯 (定魚MENU裡面係冇呢個魚生飯既)

睇住阿KEN個魚生飯魚生多到滿瀉甘.....仲食得不知幾甘滋味..

反觀我的定食...得幾舊飯, 幾舊唔記得係咩既野, 總之食完都唔係好飽甘既..

重點都唔係呢度,

重點係, 返到公司, 阿KEN就係甘話我蠢~~因為個魚生飯成300幾元的~~~佢話我竟然唔跟佢點魚生飯, 卻走去食個百多元既定食~反正都係老闆請既~~

係甘笑我..

我亦覺得我自己真係蝕得好緊要！因為真係無物幾何有機會去個度食飯, 仲要唔駛自己錢去食!!!!!

終於, 皇天不負有心人!!!

半年之後, 明天！！我又有機會跟佢地出去見客啦~

唔知係咪都會去返個度食LUNCH呢~~~~~~

係既話, 唔駛諗~~~唔該~~~~我要魚生飯!!!!!!!!! 

上年, 郁郁B ONLY得6個月, 仍然都係一舊飯甘.

不過, 事隔一年, 郁郁B當然長大左好多哪~~

你地睇下郁郁B企係欄杆上面幾甘威武 (郁郁B受過專業訓練, 請其他小朋友切勿模仿)

郁郁B跟最鐘意既巴士合照

一大早, 我地就去了深水埗搵郁郁B既太公 (即係我既外公)飲茶~

飲完茶, 就去了通州街公園度玩玩~~WAH~估唔到通州街公園係甘大既~~

今天是母親節, 我當然要搵埋我既母親, 即係郁郁B既婆婆黎應下節啦~

其實咩節都好, 都係最細既郁郁B最開心~有得去公園, 盪鞦韆仲有公公扶到實一實

郁郁B有公公照住, 點頑皮, 點反斗都冇有怕~~

玩到唔願走呀~~當BB有自我意識就會開始扭計, 而唯一既解決辦法就係 "強行帶走"

公公又扶住哪, 四個大人服侍郁郁B玩...其實今天應該是郁郁B節先口岩..

公公(在後面)無時無刻都扶住.....郁爸就在前面扶住..

去完公園玩, 我地行返去大角咀, 仲去返以前我地成日去食既車仔麵度食多餐TIM~~

仲經過以前塘尾道既舊屋呢~~~重遊舊地~~~好懷念呢~~~

跟住我地就搭返巴士返屋企啦~~今晚仲去過去郁郁B既太麻麻度食晚飯的

平時郁郁B好珍惜搭巴士望街既時間, 但今天郁郁B玩到筋疲力竭, 竟然係巴士都累到想訓..

唔駛三秒已經訓著左LU~~~

母親節真的很忙呢..