不過, QC走左之後, 公司一直都冇再請人返黎...

所以, 唯有郁媽出山, 而家落貨季節, 我就起碼一星期上去大陸一次查貨, 有好多時, 一星期甚至要上去兩天...

對住呢埋衫, 我腦裡面只係諗住, 幾時可以返屋企見郁爸同郁郁B呀~~~~~~~

拿, 呢D結頭鬆出來, 係唔接受嫁~所以我要貼箭頭紙(即係雞紙), 等D工人翻工執好佢先好出貨

有條LUREX 金銀線走左出黎, 一樣唔接受嫁~~

個結頭誇張到呢~~又比我撩到一件衰野出黎啦~

我一個人就要睇甘多衫啦~~好似有300幾件, 幾甘壯觀呢~

查完既貨放在門口等運到

呢邊仲有~大陸廠既OFFICE大就夠大哪, 但都冇人甘既...

我就係呢度查貨嫁啦...

我諗我公司甘賤, 都唔方會請人嫁哪....

我唯有為了郁郁B, 頂硬上住先哪,,唔係可以點WO?????

上大陸有一度好, 就係唔駛對住D太后, 唔好既就係, 會好夜先返到屋企LO

因為間廠係深圳坐車上去都要坐足兩個鐘嫁...

今日郁媽返左大陸查貨, 返到屋企已經8點幾, 郁爸又要OT, 於是就決定今晚唔煮飯,

我就食返昨晚買好好味既"藍莓芝士蛋糕"

郁郁B見到當然雙眼發光甘不斷嗌"MUM MUM MUM MUM...."

郁媽已經不斷跟郁郁B解釋, 冇錯, 呢個係MUM MUM, 不過係媽咪既MUM MUM, 唔係郁郁B既WOR~

點知, 郁郁B一於唔理, 係甘要食, 郁媽唔比佢食...郁郁B竟然拉住郁媽隻手, 連郁媽都食唔到...

都唔知佢係邊度學呢招玉石俱焚, 一拍兩散既....

終於, 當然係郁媽讓步, 比哂係蛋糕面既藍莓比郁郁B食.....

不過今次我冇得去參與郁郁B呢件盛事呢....因為, 唉, 又係我公司LO, 邊請到假呀....

所以由郁爸帶郁郁B去~

根據郁爸所講, 郁郁B一點協場都冇, 通場飛, 要郁爸係甘嗌住, 捉住

郁郁B足足影了45分鐘才完成, 換左三套衫, 都係D休閒服

 郁郁B既相有機會放係SHE.COM嫁~等我留意住, 一見到既話就通知大家啦~

不過, 就算佢地冇採用到郁郁B既相放上網, 佢地都會比返D相既COPIES我, 但就要到7月份先有,

郁媽就同大家一起忍耐一下吧~~~

前幾天, 郁媽買左榴槤布甸返屋企食...

郁郁B又係例牌走埋黎, 係甘叫 "MUM MUM......."

試問做阿媽既, 點忍心唔比個仔食呀~

甘我就比左少少榴槤布甸比郁郁B食下..

點知, 郁郁B就欲罷不能, 不斷要求我比佢食, 比慢D就大叫MUM MUM~~~~

我同郁郁B一齊食完榴槤, 榴槤既香氣留在我們我喉嚨定中間~~~

慢慢讓我回味~~~

但係, 唔好榴槤既郁爸, 就係度大嗌" 你呢隻大榴槤同小榴槤唔好行埋我度呀~~~~~~~~~~"

就係甘樣, 我同郁郁B就變左 大榴槤 同小榴槤啦~~~~呵呵~~~

間唔中有得上去大陸, 雖然係累D, 但唔駛見到D 太后, 都係值得既~

佢地唔駛旨意我真係會放個"HEART"係公司呀~~

因為我個心, 一早已經比左郁爸+郁郁B呀~~~白痴!!!!!

我真係好想知道, 係咪所有老闆罵人時, 都會罵人地冇比個心去做既呢??

好彩我到星期一先要返去那個地獄~~

呢兩天, 我咩都唔諗嫁啦~煮到埋黎先食~~

郁郁B歲半紀念卡, 係咪好似呢~~特別係D曲髮~~法官大人甘樣~