我會一直放到初九先上班的呢~~

其實D廠由上個星期末已經放哂假LU~所以我真好得閒~~~

故此個日記先有機會改頭換面~~係咪好有新鮮感呢~~~

我都覺得改得幾好嫁~~

明後天真係唔可以再偷懶了, 要快快手手買齊野過年先得哪....

係呢度, 雖然早左D ( 因為我驚一開始放假我就冇時間寫日記嫁哪....)先同各位朋友拜個早年~~

祝 各位 先中左今晚金多寶7300萬既六合彩~~ 過一個肥年~~

再黎就係最緊要既身體健康~大家都肥肥白白~~笑口常開~~~

以往既團年飯, 我都係返去我娘家, 剩係同我爸,媽,細佬食既.

但今年呢~自從有同堂家姐MSN呢~聯絡比以前多了~~所以我就試下問下堂家姐佢地幾天食團年飯~~

跟住就再約下我爸, 媽佢地得唔得閒一齊食~ 點知意料之外甘順利就約好左~~

甘就造就左第一次同阿叔, 阿嬸, 堂家姐及堂阿哥們一齊食團年飯啦~

昨晚我地去左雅蘭既"咸魚頭"打邊爐~~

由於上次做冬時係由我比錢的, 今次細佬應承左佢比嫁~~

不過, 今次團年飯, 當然, 又係郁郁B出盡風頭哪........

郁郁B坐係BB椅上面好開心, 因為知道就黎有得食..

餐巾都圍好了~~整裝待發啦~~

大合照~郁郁B扭計呢~~郁爸去左揸機, 冇份影~~

雖然未到新年, 但郁郁B今天收到了叔公, 叔婆, 兩位姨媽及大舅父既利是呢~~ 謝謝啊~~

買爪子, 糖果, 吉仔~

(呢D雖然都係得個擺字, 都冇物黎拜年既人會食既, )

但過年, 都要放D係度既.... 已經叫我左我媽咪分D瓜子同吉仔比我LU, 買半斤一斤都食唔哂~兩份分口岩哂~~~~

仲有未封利是呀~~今年自己儲既十元紙幣得千幾元, 唔夠派的, 所以我第一次再唱左三千元新鈔呢~~當中唔係得10元既, 有20元, 有50元的~~

但金融海嘯啊~~~~都係派多D 10元的好了~~哈~~~~

郁郁B前天沖涼時, 郁爸開個花灑嚇親呢~~

到昨晚我同郁郁B沖涼佢都唔肯坐係個盆仔到, 係甘話自己驚驚, 要我抱

而且沖完涼又哭左好耐, 攪到昨晚都係要食埋保嬰丹先訓覺..

郁郁B真係一位天生的搗蛋王！

事緣郁郁B昨天早上, 在我的床上玩玩, 郁郁B推到一個放滿錢幣既箱, 所有錢幣瀉到我和郁爸的枕頭上,

郁郁B一見D錢幣傾盆瀉下, 動作超快甘係甘拔, D錢幣本來只在枕頭上, 好快就比佢拔到成張床都有........

我真係呆左...............

我竟然生左個搗蛋王出黎.............................

好開心既係, 99 今天唔得閒黎呢~~~

當堂耳根清靜哂~~~~呼~~~~

今日家姐仔同細佬佬都有出黎食飯WOR~~

家姐仔個樣女仔返好多了呢~

細佬佬得兩個月大, 但都已經好大份甘...同郁郁B個樣唔係好似WO~~

郁爸嚇然發現郁郁B同郁媽就連S曲髮的位置, 曲既程度都一樣的呢~~

第二日同郁郁B去左好貴既搵笨樂園....郁郁B而家玩緊既叫做釣魚機....要4個代幣 = 差不多10元哪......

雖然郁郁B好努力甘想玩好呢部機,,,,但始終真正在玩的人是另有其人呢.....

跟住郁郁B玩呢個類似摩天椅既東東...

郁郁B 粒水嫁~~~好好笑..

唔好以為佢唔驚, 其實佢抄陣定, 頭先先哭住口甘想落地, 但郁爸 & 郁媽因為已經入左3個代幣, 就迫郁郁B一定要玩埋先得~~~

郁郁B而家會坐係大人既馬桶度便便,,,(但佢會攪到旁邊既廁紙反哂艇甘..)

郁郁B係甘坐落去郁爸個下盆度...我都受過郁郁B呢一招, 真係重擊黎嫁~~~

郁郁B一跟住我地, 就冇停過甘食野......食到個肚好脹....

開心到佢呀~~~有得玩騎膊馬...郁郁B而家識得要求好玩既要再黎玩嫁...

呢個樣幾似盧DAVID~~

呢張係郁郁B專有既小椅子, 郁郁B無論著鞋仔, 除鞋仔, 著衫仔, 除衫仔都會坐係呢張小椅子上的...但佢永遠唔會望住張椅坐落去嫁WOR, 郁郁B只須用個巨PAT 就可以FEEL到張椅子係邊度然後得落去....

因為呢D係郁郁B仲係我肚裡面時所影既照片~~所以而家仲點影到呀!?

第一張呢個係我有左郁郁B冇幾耐作小產而去睇醫生所拍既, 郁郁B得5週幾大咋~SIZE得0.21 CM咋(中間箭咀所示那裡)~~~幾甘細粒呀~~

郁爸當時都有一齊睇, 我地聽到郁郁B強而有力既心跳啊~~第一次有做媽媽既感動!!

第二張係做產前檢查時拍的, 但今次醫生冇叫郁爸入黎睇, 之後郁郁就係甘閙我點解唔叫佢入黎呀~~

這一張照片裡面既郁郁B已經有9週甘大啦~有2.2 CM甘大粒~已經見到個頭仔同對腳仔啦~~

我記得今次睇既時候, 係個MON度見到郁郁B個心仔係甘閃下閃下, 即係跳動緊~好得意!!

第三張呢, 也是做一般產前檢查時拍的, 郁爸也有一起看 (因為經過上一次冇入到去既經驗,郁爸點都跟住我入去~哈)

郁郁B已經有28週(4個月)甘大啦, 有6.9 CM甘大, 我同郁爸一心諗住今次就可以睇到郁郁B究竟係男仔定女仔哪~~

點知....郁郁B竟然背住我地WOR.....當時幾甘失望呀~~~郁爸仲講笑話郁郁B係賭神(因為賭神都係剩係會比人影背影嫁咋)

到出世後,先知郁郁B係甘既傻樣既...