| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
|
|
|
 
2008 年 12 月 15 日 星期一 
|
好有聖誕氣氛的一年   |
|
我覺得今年聖誕節真係好有氣氛呢~~~
因為, 距離聖誕節仲有一個星期, 但我地已經同郁郁B影左好多關於聖誕裝飾的相片了~
我地主要出沒既地方都係APM, 因為夠近呀麻~
郁郁B係APM, 人生第一次跟聖誕老人合照呢~~
郁爸好鐘意用連環快拍黎影郁郁B, 郁郁B個樣每張都唔同...
郁郁B唔肯乖乖影相...同郁郁B影相真係好辛苦嫁..
郁郁B同佢最鐘意既薑餅人 FAMILY 合照呢~
郁郁B話 :點解我好似周物都唔聚材甘嫁...
原來係因為薑餅仔係甘昅住所以唔聚材~
一轉返去屋住, 睇下郁郁B 食MUM MUM既情況
HI~~BABY~
我已經識得自己拎住隻匙, 但未識放入口咋~
要阿LI姐姐幫手LO
咀角有粒飯
NO PROBLEM啦~~冇左~
仲可以扮可愛TIM~
跟住,,有D之前拍既短片係未POST過既, 而家就一次過POST埋比大家睇下啦:
郁郁B怕雪人公仔
郁郁B識得好乖甘自己返床仔訓, 但這次就有少少意外發生....
|
|
|
|
|
2008 年 12 月 12 日 星期五
|
平田救世軍都唔收郁郁B哪....  |
|
唉...........我都真係唔知點算了.........
又係話學位所限, 所以暫時未能取錄郁郁B WOR...唯有做住後備先.....
好灰呀~~~~~~~~~~~~~~~~
明明郁郁B上次面試時都做到哂老師叫佢做既野嫁啦.....都要做後備....
冇哪, 藍田會開N班既幼兒園都冇哪......... |
|
|
|
|
2008 年 12 月 11 日 星期四
|
唉,,,真係好心 "UP"  |
|
西貢高流灣發現被遺棄一歲男童
西貢高流灣發現被遺棄一歲男童
 (星島)12月10日 星期三 22:09
黃大仙警區重案組正調查一宗西貢男童被遺棄的案件。該男童於中午被一名五十歲外籍男子在高流灣一條小徑發現。男童被發現時沒有受傷，他被送往將軍澳醫院檢驗。
該名中國籍男童約一歲大，瘦身裁，短黑髮、圓面形及大眼晴，被發現時身穿藍色及黃色長袖外套、黑色褲及綠色襪，並以一件成人尺碼藍色外套包裹著，身旁有一個載有小童用品及衣物的紙袋。
唉,,,,,每次睇到呢D遺棄BB既新聞, 真係覺得好心UP..睇到上段新聞形容"約一歲大, 瘦身裁, 短頭髮, 圓面型及大眼睛"
我眼前就好似出現在一個好可愛既BB樣, 但表情就好可憐的......
呢個被遺棄既BB跟郁郁B差唔多甘大的...
點解D人可以甘忍心...自己既BB都可以遺棄, 他的父母這樣做, 跟謀殺自己的BB有什麼分別???
如果捉到遺棄這位BB的人 (父母), 應該控告他們意圖謀殺罪！！絕對不能輕判！！
在這件事裡面, 唯一可以慶幸的是, BB被人發現時候, 仍然是活著的...
一個一歲既BB, 只是剛剛識行, 行都行得唔穩, 是還未可以自己照顧到自己的,
在荒山野嶺, 沒有叉錯腳跌落山, 沒有跌落水澗, 沒有被野狗咬, 可以說是萬幸...但
其實, 一歲的BB, 已經知道很多野, BB好可能已經明白到自己被父母遺棄.....
之前, 有些人說, 當小朋友知道有"死亡"呢樣野, 童年就結束
這個一歲的BB, 知道自己竟然會被父母遺棄, 他的童年是不是在1歲就要結束??
被給予自己生命的父母遺棄 ！
點解要比一個甘細既小朋友知道一D甘殘酷既事實???
我覺得甘樣係對這位小朋友最傷害的事
願郁郁B到小學仍然相信有聖誕老人..
|
|
|
|
|
2008 年 12 月 10 日 星期三
|
冇幼兒園肯收郁郁B  |
|
上星期六,我地再同郁郁B去了平田救世軍INTERVIEW
比我預期中好WOR~~
第一個考篤積木 (即係有D有洞既積木, 要郁郁B將舊積木篤落支棍仔度)
我以為郁郁B實唔得嫁啦....點知試多幾次, 郁郁B又竟然做到WOR~~~
第二個考入錢箱 (即係將D圓型膠既錢,入落個錢箱裡面)
我又係以為郁郁B實做唔到....因為郁郁B一味掛住洗D錢錢, 入極都入唔到個錢箱度....試左好耐~~終於做到了~~~好叻啊~~~
第三個就係拎蘋果或橙比媽媽
唉.........我原來真係冇物希望嫁啦~佢又係一拎起D咩就放入口既...
點知, 老師叫佢拎個蘋果比媽媽, 唔知郁郁B係咪撞手神, 佢真係拎到個"蘋果", 係蘋果比我呢~~~~~~
開心到我大嗌了出來呢~~~
雖然郁郁B做到了三樣既測試, 但由於跟郁郁B同年既BB實在太多了~~真的好擔心學校會唔會收郁郁B呢...
要等兩個星期先有結果呢.....
唉~~~~~~~~~~
如果連呢間都唔收既話, 藍田區我都唔知仲可以搵邊間了.....
做咩郁郁B甘開心呢~~
郁郁B個樣好滿足甘WOR~~
原來佢飲緊健康X房既飲品~~~哈~~衰豬,幫人賣廣告, 但冇廣告費收既~
我今日著成甘去INTERVIEW OK麻?
先考苦力推車
再考推SUPER MARKET買送車
我呢兩樣野都PASS啦~
收唔收我咋~~~~
面完試好累呀~~要去食MUM MUM呀~~~
好野~有野食~~
依~有野睇~
郁郁B要唱一首歌~~
就係, 對面的女孩看過來~~
看過來~看過來~~
這裡的表演很精彩~~
哎呀~比媽媽捉到, 冇得唱了...
我好掛住D女孩呀~爸爸~~
郁爸話: 等我帶你去一個地方忘記D女孩啦~
就係遊樂場啦~~~
仲有得行樓梯TIM~
媽媽話陪我SIR滑梯, 但佢個樣好似仲驚過我WOR~~
去完遊樂場, 我地又去左睇燈飾呀~~
我似唔似D名人比人偷拍到甘呢~~呵呵~~
今年最IN潮童~~拎LV的~~哈
做人要企得高, 望得遠先得呀~~
郁郁B好似剩係掛住D女孩而無心機同爸媽影相呢...
第二日去埋APM, 郁郁B見到之前陪自己沖涼既鴨仔長大個甘多好安慰, 特登走去打個招呼.
APM個景細就細D, 但影相都好令呀~
呢件褸係新買比郁郁B的, 搵左好耐先有郁郁B既SIZE咋~~
真失敗~特擊都影唔到郁郁B既姑姑~
|
|
|
|
|
2008 年 12 月 3 日 星期三
|
郁郁B好唔聽話呀 |
|
而家既郁郁B, 真係好唔聽話呀~~~~仲做盡郁媽 & 郁爸唔鐘意佢做既野:
- 磨牙仔
- 夜晚唔肯訓覺, 扭計扭好耐
- 唔比佢掂既野, 佢就係都要係你面前掂比你睇
昨晚甘, 我10點入房同佢訓覺, 最終攪到12:30都仲未訓到.......救命呀~~~~點解佢會甘唔聽話嫁, 我氹又試過, 閙又試過, 佢都係唔聽既...
郁爸就冇我甘好氣, 總之郁郁B一曵曵唔聽話, 例如已叫佢唔好再磨D牙仔, 但佢照樣唔理你係度磨, 郁爸就會好惡甘閙郁郁B, 有時仲會掌佢咀仔TIM....
我真係唔識點樣教先口岩. 我好懷疑究竟我地甘惡甘話比佢知唔口岩既野, 甘樣既做法口岩唔口岩, 但同郁郁B講道理, 佢又好似當你傻瓜甘唔理你.....
唉.................................................
啟思個度已經寄左信黎話因為學位所限, 所以唔收郁郁B, 主要原因係郁郁B出生的月份好尷尬, 係11月, 郁郁B足左兩歲既時候, 人地已經開左學, 邊有位比郁郁B插班呀....老師就叫我不如10年9月先入去讀N1, 但那時, 郁郁B都已經兩歲零十個月了.....這麼大才讀N1我又覺得唔好, 因為基本上郁郁B夠左2歲零8個月就已經可以讀K1了, 仲駛鬼讀N班咩....
無辦法, 唯有今個星期六去見埋救世軍幼兒園哪.
我見郁郁B係屋企真係好悶的, 所以我才想郁郁B可以返N班, 學下自立, 學下同人相處, 總好過每天剩係對住四幅牆呀..
郁郁B爆拆又流鼻水.....爆拆就易處理呀, 塗些俄羅立英雪花糕就好快好返, 但傷風流鼻水就好耐都斷到尾了...
郁郁B真係冇時停呢..
今個星期六, 再同郁郁B去睇聖誕燈飾呀~~~
|
|
« | 66 | 67 | 68 | 69 | 70 | 71 | 72 | 73 | 74 | 75 | ... | 174 | »
|
