十,九,八,七,六,五,四,三,二,一......好勁呢~~

就係呢個時候, 突然間聽到有一聲 "砵",,

我地發現呢一聲係由郁郁B發出的, 望一望佢個樣, 定左企係度, 塊面紅哂.....

"你唔係而家痾呀......."

哈~哈~~~郁郁B竟然係火箭升空的一刻痾屎~你駛唔駛較到甘準呀, 數到一就痾~笑死人啦~~~

另

而家幫郁郁B抹鼻涕係一件好艱辛既事, 因為郁郁B非常十分極之不合作呀~

今早我同阿LI夾手夾腳甘用吸管把郁郁B既鼻涕吸出黎, 但郁郁B極大力地爭札~

好不容易先吸到一D鼻涕出黎.

跟住...奇怪既事就出現左...

我同郁郁B講 "黎啦, 媽咪抱抱!"

一般黎講, 郁郁B就會馬上遞哂手方便你抱

但係, 吸完鼻涕後叫抱抱, 郁郁B竟然唔理我, 冇遞手, 唔比我抱呀~~~

佢嬲左媽咪呀~~~~~~

不過唔夠20秒後, 郁郁B又比返我抱了~

我地又轉一轉台, 去返郁郁B台先~

郁郁B: 媽咪又話同我出街街買鞋仔既, 攪左成大半粒鐘都未出得門口, 攪到我幾自閉....

郁媽 : 同你出街有好多野要執嫁..好快得哪..同埋, 完全唔覺你會自閉LOR

郁郁B : 唉, 究竟仲要等幾耐嫁...又夾硬迫人地著D唔口岩既鞋,,,成隻腳趾同腳跟都突哂出黎哪..

郁媽 : 著住一陣咋, 陣間你都坐車仔哪~

郁郁B : 媽咪呀, 唔係要我甘既貓樣出街呀~~成個八虎甘~

郁媽 : 甘物好勁!?~有8個老虎~~~(爛gag)

郁郁B : 終於買完鞋仔返黎啦, 要著呢件JAY CHOW外套先襯到我對新鞋嫁~

郁媽 : 你似路宿者多d..

郁郁B:仲要帶埋帽先似JAY CHOW嫁

郁媽 : 帶埋帽仲似路宿者...

郁郁B :媽咪~~你睇下我著住對鞋曉飛啦~~~~~

郁媽 : 你甘重點飛得起呀...

2008年9月某一天, 約左三叔上黎幫郁郁B理個髮, 點知...郁郁B好似知道自己個頭最中間個攝係佢個LOGO, 所以唔比三叔幫佢剪WOR~~最後剩係比三叔剪下耳仔邊既頭髮咋...

郁郁B : 邊個剪我中間個攝頭髮, 我就食哂佢D野~

有片為證, 郁郁B真係唔比人剪頭髮嫁~~

郁郁B果然流著跟郁爸一樣對足球很有熱誠既血~你地睇下郁郁B見到郁爸係佢面前踢波, 開心到好似執到金甘..

郁郁B對於食方面, 學野真係好快...我都估唔到佢甘快識得自己"搶"支奶....有奶食, 個頭撞埋櫃桶都冇哭到....

大家睇完呢段短片, 就會知道我地平時看住郁郁B係幾甘累....因為佢真係由屋頭玩到屋尾嫁....睇少眼都唔得....

估唔到郁郁B都幫我賀下大太后壽辰呀~~
郁郁B都知道媽咪受了不知幾多太后既氣, 所以就趁今天流埋鼻涕送比太后做回禮！
叻仔~~媽咪個心涼返哂~~

不過郁郁B你都實在要快D好返哪, 你又甘肥, 又要流鼻涕,我唔想見到你變成一條甘肥既鼻涕蟲哪~~

以前既所有鞋仔已經冇一對口岩著哪...

唉,,,覺得最浪費既就係C WAI同佢老公送的那對好令既ADIDXS波鞋...ONLY著過一次...影過一次相甘大把...

所以我同郁爸都決定, 盡量唔會買太貴既鞋仔比郁郁B, 因為實在太快唔口岩著了~

最後我地買左一對應該著起來很舒服的深藍色鞋仔比郁郁B, 都只係69元咋~~

郁郁B著住呢對鞋仔都行到嫁~

買完鞋仔, 我地就去了百佳買送哪~~

星期日我地舉行左家好月圓之夜~我整左炒年糕同煎餃子~~

郁郁B第一次坐超市既車車, 可惜郁郁B太八掛, 成日要向前望, 唔甘於望住既係我, 係甘向後扭哂身甘望 所以冇幾耐就頂佢唔順, 放返郁郁B去BB車度坐了......

註:郁郁B著住新買既鞋仔呢~

差不多一個星期都冇再發燒的, 但昨晚黑格比來臨既同時, 郁郁B在深夜時份又再發燒啦..

不過幸好這次都只係38度左右, 唔算太高燒..

郁郁B依然活躍...一點都唔似病..

由於今個月為左郁郁B已請過兩次假...我真係唔可以,亦唔容許再請假去睇住郁郁B..

所以, 唯有多打幾次電話返屋企, 問下阿LI BB仲有冇發燒..

幸好, 我返工之後, 郁郁B都冇再發燒了, 仲好頑皮甘玩玩...我跟阿LI在講電話時, 郁郁B仲要搶電話TIM...但搶到之後又唔出聲WOR~

我前晚呀~發夢夢見郁郁B叫我"媽媽~~~"呀~~~~
可惜, 當訓醒左對住郁郁B時, 佢都好似冇意欲想開口叫我"媽媽"既...

剩係識得講"MUM MUM..." (佢一見到我同郁爸食野, 佢就係甘講 "MUM MUM"然後就行過黎想食埋一份嫁哪..)

郁郁B你快D好返啦~~郁媽同郁爸都擔心你呀~~~~~

郁郁B又黎高山青龍??? 哈~~~ (郁爸整嫁,,唔關我事啊~)

後面睇都好ROCK~~~ROCK'n ROLL FIRE NEVER 熄~~~~

郁郁B好似唔係甘鐘意個頭甘ROCK WOR~~

郁郁B鐘意扮女仔多D???? 如果你係女仔既話, 對脾甘粗實冇人鐘意你哪.....

郁郁B似唔似女仔??人地話如果第一個B個樣似女仔, 甘第二個B就會係女仔WOR~~

郁郁B發誓要係一個月內拍爛呢個新既電視櫃.... (你拍到幾爛我都唔會買過另外一個嫁~死左條心啦~)

只有郁郁B發到真係好高燒 (39度以上) 先會有甘溫馨既畫面

P.S. 由於打風既關係, 我地改左今個星期六 27/09/08 先同郁郁B去影相相呢~~
       甘樣仲好呢~可以一齊係屋企出發, 慳唔少的士錢~~~

昨晚三叔, C TING, 佢地上黎食飯, 食完飯玩下13張 (例牌)

我好似羸左成300元啦~~~勁~~~

今日打風呢~~我就想佢再夜d先打啦~過左7:30先打啦~因為我book了今晚7:30同郁郁B去BABY FACE STUDIES影相呀~~~

好難BOOK嫁~~早成個幾月前BOOK嫁啦~~
求你比我影埋先掛啦~~~~~~~

另外一件很開心既事就係~~德德B出左世啦~~重7磅既肥B呢~~~
恭喜哂GRACE & 德 做爸爸媽媽啦~~~~
等GRACE出左院,我地就會帶埋郁郁B去探德德B嫁啦~~~
恭喜~恭喜~~~郁郁B又多一個細佬仔啦~~

甘耐冇見郁郁B~郁郁B學識左行路呀~~

仲要放哂手甘行~~~我真係好開心呀~

以下呢段片, 大家會見到我見到郁郁B識行去我度, 好似我仲開心D甘~~

但其實次前佢都有失敗過嫁~~郁郁B好有再接再厲的癠奮鬥心呢~~

郁郁B一聽到音樂就會跳舞~~~好搞笑嫁~~~~