星期六中午約在堂家姐的同學仔上新屋度睇裝修D野, 呢位同學仔係同堂家姐一樣, 都係讀室內設計既, 而且讀完出黎又做埋裝修既, 希望佢報既價錢會好D哪~

裝修工程14/07就一定要開始嫁哪, 唔係既話就趕唔切係8月尾搬入去...到時就真係要訓天橋底嫁哪...

好想快D搬呢~~新屋無論係個廚房, 睡房同個廳都大左好多~~~真係好開心呀~~

終於唔駛再比郁爸話屋企好細哪~~

我地既新屋係藍田, 就係郁爸由細到大都係個度住既屋企的對面樓咋~

郁爸今次都好滿意呢個新屋企嫁~

記得以前每逢大節日, 好似聖誕, 新年甘, 郁爸屋企都會有一大班朋友上黎玩既~

再加埋三叔既朋友呢, 每晚都好熱鬧嫁~~

而且C TING媽媽又係住係隔離樓, 我地又可以出車了 (出BB車)~~~~

所以~好想快D搬到過去呢~~

去完新屋, 我地就馬上起行入去馬鞍山郁郁B契媽AGNES既屋企呀~

今日既節目係BBQ + 帶郁郁B去游泳池游水水~

今日出席既仲有AGNES + 男友大澤 + FANNY(契媽姐姐) + AGNES 媽媽 + FIONA & FRIENDS + CARMEN ..

真係熱到想死呢~~好彩我地有帶游泳裝備~~~我地就帶左郁郁B去會所既泳池游水哪~

郁郁B坐著珍妹送既浮島好開心甘漂流呢~ (要稍後先補到D相比大家睇)

郁郁B一D都唔怕呢~~仲玩得好開心~

小插曲:

當我帶住郁郁B去更衣室換衫時, 可能那個是會所的更衣室, 裡面是沒有椅子或可讓BB訓低換衫既地方, 但我又無可能放郁郁B係地下嫁...

跟住, 超聰明既我, 就先幫郁郁B除左條片片, 換左短褲仔之後呢, 就將郁郁B坐係個洗手盆裡面~

也真的是挺安全的呢~~~我就安心換泳衣哪~

有另一位抱住個BB女既媽咪入左黎, 見到郁郁B係洗手盆度玩緊水龍頭. 就講左一句:

"呀, 甘樣又幾好WOR!" 跟住就將佢個BB女放係郁郁旁邊的洗手盆裡面, 那位媽咪都開始換泳衣呀甘...

我換完泳衣出去泳池與郁爸會合時, 講左呢件事比郁爸知, 都笑到佢眼淚水都標埋呀~

仲好好太陽TIM~~

所以就可以照原定計劃去海灘啦~~

今次除左有郁爸同郁媽, 仲有三叔, GRACE姐姐同牛牛契爺~

搭左好耐車, 終於黎到海灘哪~~係車到訓到蒙蒙地..

飲下水水先~~

其實係想玩下個水樽

D水水甘凍, 爸爸夾硬要人落水WOR..

點解甘多凍水嫁...我洗白白時既都係好舒服既溫水黎嫁

郁郁B神情好緊張

爸爸好衰, 要人沖凍水白白..

牛牛契爺~~我換埋泳衣既~~我都唔想再去個D甘凍既水水~

係沙灘上玩下仲好~

你睇我件泳衣幾型~

水泡怪想食我個PAT PAT呀~~~救命呀~

郁爸一聽到郁郁B既呼救, 馬上前來把郁郁B救離水泡怪既魔圈~

呢件泳衣著得我好SLIM呀~~哈

我可以參考港男呀~~

第一次係海灘上飲奶奶~~

媽媽呀, 而家都唔係好曬咋~~~點解你要帶帽呀~

媽媽, 睇黎你都好開心WOR~~

我面對住無敵海景, 食奶都食得好開心~仲有D眼訓TIM~

郁郁B係沙灘草席度噓噓呢~~ (因為冇著片片麻)

郁郁B走光相1

郁郁B走光相2

之後, 郁郁B大多數時間都係沙灘上訓覺....

仲訓到好林TIM...

訓到我地走既時候, 都未醒, 要媽媽抱住佢行條好長好斜既樓梯....

所以郁媽今天隻手勁累.....

郁郁B好明顯你好動的一群哪. 相對郁郁B的堂家姐, 雖然大郁郁B兩個月, 但就好怕醜, 好痴爸爸.

以下呢段片, 就係記錄左郁郁B嚇親家姐仔哪...

好耐冇影過郁郁B既出浴照哪, 因為而家通常都係由阿LI姐姐同佢沖涼既~

郁郁B真係大隻左好多哪...

郁郁B可以坐係個盆度哪~

不過仍然好鐘意攪D毛巾

幫佢沖涼分分鐘仲濕過郁郁B..

郁郁B識自己用毛巾摭住姑姑呢~哈~~

呀~~呢個摭唔到TIM~

唔緊要~媽咪幫你後期加工~(呢個相好有偷拍FEEL呢)

公公生日呢~~祝公公福如東海~壽比南山~~郁郁B會乖乖~~~

我地已經搵到新居了~~~地點係爸爸細個住既地區~~藍田呢~~

第二時無論是去公公婆婆屋企, 定去太麻麻屋企, 都只係要25元的士咋~~好近嫁~~~

而且地方仲大左好多TIM~~

個度既空氣好好嫁~~D學校又好~(如果郁郁B入到既話)

我地應該8月尾就要搬嫁哪~~

但新屋個度要裝修~~時間都好緊迫嫁~~~~~~~

希望來得及哪~~~

大家又好掛住郁郁B呢~~

即刻整張郁郁B性感相比你地睇下~

呢張唔性感LU..

郁郁B: 媽媽, 你仲唔起身, 我地要去睇新屋哪..

郁郁B : 睇新屋之前, 約左芯瑜飲茶茶嫁. 你唔好唔記得呀.. (註:芯瑜是郁爸同事的女兒, 比郁郁B大一歲到)

郁郁B : 媽媽, 你再唔起身我就扮牛奶仔嫁啦..

郁媽 : 係哪, 係哪, 起身哪...怕左你...

郁郁B的側面....都係好肥...

今日好猛大陽, 郁郁B帶埋CAP帽出去~

郁郁B : 好野, 有得出街街~~

郁郁B : 有車黎未嫁??

郁郁B : 等車等到人都老了...

郁郁B :芯瑜, 你好嗎~~你大個左好多呢, 令女左呢~~~你仲食唔食青椒嫁??哈哈哈~~

郁郁B : 芯瑜你真係越大越令女呢~~有冇人話過你似MADEM MA呀??

芯瑜 : 邊個係MADEM MA???

郁郁B : 物你冇睇法證先鋒既咩??

郁郁B : 法證先鋒好好睇嫁, 我覺得我自己好似阿SAM LOR ~~你話呢~

芯瑜 : 我覺得你似高SIR多D LOR...

郁郁B: ................

個兩條白色線就係牙仔黎嫁啦~~~郁郁B出左兩隻牙仔出黎呀~~~

2008年4月的其中一個星期六, 我突發奇想, 返完半天工, 放工時在旺角廣東道街市的排檔買了個普通的啷啷, 打算掛係郁郁B的腳環上(我都唔知點解會有呢個諗法的, 就只係突然間想郁郁B郁動時會有啷啷聲...)

返到屋企, 我就把啷啷掛上郁郁B腳環上.
恐怖既事就係呢日開始發生了....

第一次

我跟郁郁B玩到約6點幾, 我覺得好累, 於是就走去訓晏覺的,

我獨自在房裡訓覺. 房門是開著的
我記得我訓既時候係5:30 PM左右

訓到甘上下, 我都醒醒地, 聽到屋企的電話響, 下意識估到是郁爸打返黎話比我聽收工 (因FEEL到個天都黑齊甘LU)
當我正想起身去聽電話時, 突然間係腳位置聽到一把男人聲叫我的中文全名!
之後, 我就成個人唔郁得甘, 咩聲都聽唔到, 但意識是肯定清醒的！
眼望住房門口好光(出面開住燈), 想嗌救命又嗌唔出聲!! (阿LI應該係廳度既, 所以我想向阿LI求救)
我好驚呀!!我從未遇過呢D事嫁, 都唔知應該怎樣做, 只有心裡面不斷地想反身甘掙扎。
唔知掙扎左幾耐, 發覺身體郁到了, 立即起身衝了出廳, 坐在梳化上, 整個人都在標冷汗甘...
阿LI告訴我, 剛才真的有電話, 是郁爸打來的....
但我剛才在房間裡動彈不到時, 完全聽不到阿LI跟郁爸講電話....
實在令我更覺心寒....唔知呢D就係比鬼札.....

於是, 我馬上打給朋友講返頭先既情況, 有一位去開佛堂既朋友, 就帶了我去佛堂, 仲比左張有觀音像既卡比我

之後, 我都唔敢再郊晏覺.
但過左差不多一個月的其中一個星期六, 我見都好似冇再發生甘. 
而且又真的好累, 好想訓覺...於是忍唔住走去訓晏覺..

第二次....

訓覺時間係下午4:30左右,
今次我仲同郁郁B一齊訓 (唔知點解, 氹郁郁B訓覺時, 自己都特別想訓..)
氹氹下自己都訓著左.
訓左一陣, 差唔多想起身既時候,
又係突然間成身都唔郁得, 世界變得好寧靜甘...一粒聲都冇...
我好想轉身少少望下旁邊既郁郁B有冇事...但一點都郁唔到
今次我跟足那位去佛堂既朋友教我, 心中默唸佛經..
點知係我耳邊就聽到一把男人聲說"唔好再唸哪, 唔好再唸哪,  唔好再唸哪....."
跟住把聲好似越來越遠甘, 到把聲消失左, 我就郁得返哪....
我即刻望下訓係旁邊既郁郁B有冇事...好彩, 郁郁B仍然係訓得好林甘樣冇醒到..

經過呢次, 原來佛堂給予的那張卡都無效呢....我就更加擔心
訓又訓得唔好, 郁爸又唔信我, 話我疑神疑鬼, 我既精神就黎崩潰啦~~~

於是, 佛堂那位朋友就介紹我去見一個懂得睇呢D既人
他說因為我剛有親人離世, 所以會有呢D靈異事發生, 跟住就比左D符我, 讓我放係枕頭底.
又幫我扎左吉時, 叫我去觀音廟拜拜, 甘就會冇事..
我跟足他的說話去做了, 但......

第三次....

那天早上9:30, 我已去到紅磡的觀音廟拜拜, 拜完之後諗住冇事
返到屋企, 郁爸係廳度打機, 我就坐在梳化的另一面訓覺,
又係訓到甘上下, 本來係聽到郁爸打機聲既, 但突然間全部靜哂, 全身又唔郁得,
我又知道, 佢又札我了........
於是我又唸佛經....隔左一陣我又郁得返...
點解, 拜哂觀音都冇用????
究竟我要點樣做先放過我呀~~~~~
我又冇做過咩壞事, 點解要搞我呀~~~

另一個朋友, 就帶我去見一個懂得請神的靈媒
我一向都驚異界既野, 恐怖片我都唔會去睇既,
靈媒就更加未見過哪....真係嚇死我呀...
靈媒叫我寫低我個名同屋企地址, 之後就同我講.
你招惹左D污糟野返屋企呀....好幾個月哪....係咪帶左D有聲既野返屋企?..
你招惹左兩隻返屋企, 一男一女..
你今年犯太歲, 時運低, 所以佢地物黎搞下你LOR
你買D生果, 糖, 餅及衣紙, 請佢地走哪..
(當時靈媒既 "反應"係不斷打喊路, 打隔甘既, 係好得人驚嫁...., 我驚到係甘捉實我朋友既手呀...)

因為我唔識得拜神, 所以我就請求靈媒黎我屋企幫我拜拜
好好彩佢第三天就有空可以到來我家
靈媒初踏入我家, 反應又黎....嚇死我呀...
靈媒仲話上手業主既祖先都未走呀.....
今次會一次過送佢地走..
拜神既過程成3個鐘嫁.....
郁郁B都要迴避
拜完神之後, 靈媒就好肯定甘同我講已經請走哂佢地哪...

呢件事就係甘樣告一段落了..TOUGH WOOD到現在都未再札過我了..
希望大家睇完我呢個故事, 以此為介, 唔好隨便買啷啷返屋企呀...