郁郁B玩完水水, 幫佢著緊衫既時候, 係甘要反身...攪到我幫唔到佢著衫...

食完奶之後, 放佢係我張床度, 佢又係甘反身....反到嘔奶都要反...最慘既係, 佢嘔左D奶係我張床度....好臭呀~~~

係佢反到一半既時候, 若果你將佢反返正. 佢就會依依哦哦的像在責怪你多管閒事....

今日影到郁郁B表演反身~~

郁郁B遺傳到佢爸爸既踢足球既天份, 你地睇下郁郁B既腳法幾甘利害~~

郁郁B滿左四個月, 我地開始比D好稀既粥水比佢試下食(因為我發覺只係食奶7安半, 都好似唔能夠滿足到郁郁B甘..)..但估唔到既係, 郁郁B第一次食粥仔, 個樣好開心呀, 好似覺得好好味甘~

我都有哂心理準備, 就係初時喂粥仔時, 要好有耐性, 因為郁郁B未必識得食, 識得食又未必識得吞, 我都係諗住比佢試下味咋~

點知, 郁郁B第一次食粥仔, 已經好似識得食甘, 仲食左5-6啖TIM~~

跟住我就拜託阿LI, 繼續試著係兩餐之間喂小小粥仔比郁郁B食~

仲有一樣新嘗試~就係要郁郁B試下坐痰罐仔痾臭臭~當然要阿LI姐姐扶住佢啦~~

不過聽阿LI講, 郁郁B係呢方面掌握得就唔係幾好~仍須努力~~

唉, 而家D流感甘利害...真係要好小心呀~郁郁B仲有好小好小既咳咳, 不過已經好過之前好多好多嫁啦~~

希望郁郁B快D好返..唔駛再豬太郎甘啦~

太麻麻+三姑婆跟郁郁B最新的合照

郁郁B真係好鐘意呢個頸枕呢~~~因為呢個頸枕有好幾種既戴法嫁. 等郁郁B親身示範下啦~

著住由POLY舊同學仔送既衫仔影左一輯靚相~

雖然係第一次著...明明係1歲碼...但睇落都好似唔著得幾多次...真係要影相影低佢...

另一件新衫仔....第一次著..又已經好似唔口岩著甘..

但呢件衫仔真係好SHARP醒呢~

我真的覺得好開心呀!!!開心既原因唔止係郁郁B剛滿四個月就反到身.

而係近呢兩個月, 郁郁B爸爸差不多每晚都要OT到11-12點先返黎. 星期六/日都要返工..

郁郁B爸爸係甘忙既情況下, 都可以親眼看到郁郁B既第一次反身~~

所以我同郁郁B爸爸都超級開心呢~~~~~~

同埋係郁郁B學習反身既過程裡面, 我發現郁郁B既好勝心都幾強..因為見郁郁B佢係好累, 好眼訓, 佢都要不斷甘練習反身.

我曾經同反到一半就CLICK住左既郁郁B講"唔好甘心急啦~慢慢黎哪BB", 跟住將佢反返個身過黎. 佢就好唔開心就哭了..

以往郁郁B只會為了要食奶或訓覺而哭, 但今次, 佢係為左反唔到身而哭..

郁郁B現在已經唔止會為左生理上既需要得唔到滿足而感到唔開心..

我好像見到郁郁B向前踏進左一大步甘呀!

如我所料，郁郁B既體重係8.75 KG (即係19.25磅)-----超重左...一般既4個月BB應只有8KG...

身長就68 CM..超長左少少...一般既4個月BB身長應只有67 CM.

不過其他方面都好正常, 包括眼仔, 腳仔, 捉住野既都好OK.

最搞笑既係, 今早佢好似知道有得出街街甘, 異常興奮同開心~~搭緊車都唔訓覺, 去到健康院, 見到好多唔同年紀既BB, 佢就好忙甘, 左望右望...

入去見姑娘時, 又係好開心甘~~到左等見醫生既時候, 佢竟然訓著左....(本來唔駛見醫生的, 但因為郁郁B超長及超重..)

入到去見醫生度, 郁郁B仲係訓得好林, 醫生說要睇下BB既眼仔...叫我試下整一醒佢...但我點整郁郁B佢都唔醒...我都覺得好無奈...

後尾要放佢落床仔再量一次佢既身長..郁郁B就醒左係哭TIM..醫生就好玩具引睜開眼仔CHECKING. 眼仔正常~

搞左成個鐘10:15分預備離開健康院, 本想返屋企放低郁郁B, 跟住我就要返工. 但同事們又好想見郁郁B WOR~

於是我便帶埋郁郁B返公司~~(老闆仲係上海未返黎麻~)

郁郁B @ GLAMOUR~~

 郁郁B同媽咪一齊返工好開心呀~

 我好鐘意阿KID姐姐呀~

 我好鐘意同ANTIE CON玩玩呀~

 我打打字!!

我用MOUSE MOUSE~~

號外~~

今天嚇然發現~~郁郁B每一隻脾脾都有雙Y.....郁郁B真係好鍚媽咪, 將媽咪個名"YO"既Y字整係隻脾脾度....

大家一齊叫郁郁B加油啦~~~

仲有既就係, 郁郁B真係見到我地嫁啦~真係 "一見你就笑~~"

所以佢都應該好快就開始認人~要帶佢出多D街, 唔好怕陌生人先得~~

昨晚郁郁B有D鼻塞塞 & 小小咳咳, 所以我就諗住比半樽保嬰單佢食.

點知都未食咋, 係預備保嬰單既時候, 郁郁B已經哭到收唔到聲, 好似真係知道要食苦苦既保嬰單呢!!!

郁郁B為左表示好鐘意D鴨仔~~就未停過甘踢水水哪~~務必要令D鴨仔反轉哂同埋爸爸成身濕哂先會罷休~~~

大家要有心理準備, 呢段片係有成5分幾鐘嫁...

同埋, 有邊個可以數到郁郁B踢左幾多下....

仲有下面呢幾張相就係戴左媽咪既好朋友ANTIE PIKKI送既頸枕~~係MIFFY黎嫁~~好得意

呢個係頸枕的正確用法~好舒服嫁~~多謝antie pikki~

跟住, 媽咪就係度整鬼我哪...

無奈的我.......................................又覺得幾好玩wor

特別加料: 郁郁B玩飛飛~~