好彩只係返半日..好快就可以返去再訓過.

但都唔係訓得好耐, 因為陣間會有人黎睇樓呀.

係呀, 我地試下放盤, 睇下個反應點. 因為我地開既價都幾高嫁.

原來我地2005年搬左黎呢度, 都已經三年哪. 兩小口子~地方好見使, 我好鐘意呢度嫁, 交通同買送都勁方便, 但自從郁郁B係度之後呢, 佢D野越來越多呢, 又BB車, 又食飯椅...地方好似變得越來越細甘.

所以我地都諗緊要換個大D既地方先得哪..

但都要先賣左而家呢度先可以搵地方既. 所以慢慢黎, 唔駛急~

如果今次搬屋, 應該冇甘辛苦哪~因為有阿LI幫我手清潔麻~~哈~~~~

但其實, 我都有D唔捨得而家呢度哪, 因為住左係度甘耐, 樣樣都好順利, 好開心~

係呢度結婚, 擺酒, 生郁郁B...

不過, 人總要向前看...當郁郁B慢慢每天的在長大...呢度就真係唔夠地方比佢郁嫁啦..

我地都順期自然, 由上天安排我地點樣哪~

昨晚KAR & KELLY上左黎探郁郁B, 玩到郁郁B好累頂哪, 因為佢夜晚個覺訓得好琳呢~~

今既就到我POLY既舊同學仔啦

佢地好大部份都未見過郁郁B真人嫁~~今次佢地可以大開眼界~~見識下佢既真重量哪~~

我同阿文諗住幫郁郁B開個儲蓄戶口, 把以後每年既利是錢都儲埋佢~就好似我細個甘樣, 我媽咪都係幫我開左個戶口黎幫我儲利是錢既~~

郁郁B又大粒左哪. 昨晚量度過..佢有70 CM長啦~~

而且佢講野既咀型都同之前唔同左, 好似真係在模仿我地講野甘樣...仲勁多野講, 同埋勁大聲TIM....

呢幾日都影左好多相

 郁郁B第一年既新年點樣過~~你準備好未呀~~~

年初一著龍袍~~呢件龍袍就係郁郁B既麻麻送比佢既...但個企領頂住左郁郁B塊面珠仔...

年初一~收爸爸媽咪既第一封大利是~

年初二~頭戴住既粉綠色冷帽係爸爸細個都戴過既古董~

年初四~有C TING MA MA贊助既ADIDAS衫仔...由郁郁B個肚波勁大, 使ADIDAS既圖案好突出..郁郁B就係著住呢件初仔入去將軍澳阿文兄弟德叔叔既屋企度玩啦~佢果度有隻八哥狗狗, 成日都追住抱住我既媽咪嫁..好驚呀~~

年初五~~爸爸要返工LU, 呢張龍椅係媽咪係金瑪國際既同事送比我嫁~~你睇我坐得幾舒服~~

年初六~比媽咪影到我食手仔既罪證TIM....

 我好開心甘就渡過左一個好開心既新年啦~~媽媽仲會陪我陪到初十二先正式返工TIM~~~

各位叔叔姨姨, 姐姐哥哥~~新年快樂啊~~~呵呵呵呵~!!!!

過時過節都改左放半日哪~~~好開心呀~可以快D返去見到郁郁B~~同佢洗白白~~

今晚將會平靜地渡過~係自己屋企煮飯仔食~

明天訓醒先去阿奶奶, 阿麻度拜年~

我放到初十先返工, 阿文就放到初五~~

可以天天都對住郁郁B啦~~勁開心~

YO娘家的團年飯

昨晚約了老爸及媽咪及羅拔去大角咀既稻香食團年飯~稻香果然有D水準呀~好味道~但就貴左D哪~成70元一個送, 但就好細碟~

不過都預左嫁啦~年尾麻~

雖然郁郁B冇份食, 但都有份參與~~仲同公公婆婆影相相TIM~~

甘就過左一個好開心既團年晚上哪~

今次連羅拔既肥妹都有黎.

今晚6點即走~~快D去買齊D野過年先得~

中午去過一趟百佳...勁多人呢....唉..D野勁貴...

今年有郁郁B同我地過第一個新年~一定好開心嫁啦~~

睇返D相, 郁郁B出世個時, 同而家個樣完全唔同哂甘..(如果唔係有眼角既紅胎記, 仲以為係另外一個BTIM...)

而家既郁郁B(有4個Y,分別是夾底兩個及大脾兩個)                  剛出世冇耐既郁郁B(第一次凝望住我呀~~)

係呢度, 我+郁郁B+阿文同大家拜個年先~

祝大家身體健康~~萬事如意~~心想事成~~~青春常駐~~~~

但表面看上去, 郁郁B又冇咩唔妥甘WOR..一樣食得, 玩得, 扭得, 訓得...食奶既份量又冇少到..

點都好, 星期日一早, 我帶郁郁B去睇醫生, 醫生話可能郁郁B隻手仔污糟, 又成日食手仔, 所以食左D污糟野, 有少少腸胃炎哪...

醫生話只要郁郁B仲係跟平時一樣食得, 玩得, 訓得就冇問題, 甘可能我地太緊張!?

醫生開左D止瀉藥比郁郁B, 昨天比左兩次藥郁郁B食, 都真係好似痾少左甘, 希望佢快D好返哪...

唉, 郁郁B好鐘意食手仔呀....點算呀...

佢睇準係我地冇手阻止佢既時候, 就會瘋狂甘食手仔, 食到"什什"聲TIM呀~~~

好似係幫佢換緊尿片既時候哪, 幫緊佢著衫既時候哪...

打佢隻手仔, 叫佢唔好食手仔, 佢仲笑, 以為我同佢玩....唉, 真係冇佢辦法...

郁郁B終於介到夜奶哪~~~

上個星期開始, 我地發現BB夜晚個覺訓得長左, 有時晚上9點食完奶, 本應係1點就會醒左要食奶, 但佢就一覺訓到5點先食. 於是我地就試下將郁郁B晚上最後既一餐奶安排係11點幾-12點先食, 佢就真係一覺訓到8先起身食奶哪~~

好野~~郁郁B終於成功介左食夜奶既習慣哪~~~好開心呀~~即係話佢又大個左好多哪~~~

去年今日出發去日本HONEY MOON~~

2007年2月4日-9日, 我地就去了日本東京旅行, 去完旅行返黎, 就發現有左郁郁B哪~~~