但今天收到阿文麻麻既消息, 就係佢地男家個邊有個老人家剛過左身, 所以我地既雙滿月就要暫時擱置.

變成侷住要攪百日宴, 甘即係應該會係2月16日(星期六)擺..

令我好煩既就係. 那時候剛剛係農曆新年既初十, 又係星期六, 酒樓一定好貴....唉................

郁郁B~~你快D指幾個號碼等媽咪中六合彩幫你大攪啦~~~~~~~~~

冇錢真係好煩呀~~~~~~~

我地趁今天早上就去了幫郁郁B拎出世紙哪~~

原來而家D出世紙已經同我地個D完全唔同哂嫁啦. 我地個D出世紙係打橫既, BB名字既資料都係手寫既.

但而家既出世紙就係打直既, 而且成張都係電腦打印既. 同張結婚證書好似嫁, 仲有個好靚既公文袋信封比你代住張出世紙嫁~

郁郁B既中文名係由睇相佬幫佢改既. (睇相佬就郁郁B既時辰八字起左80個名比我地揀, 郁爸就係呢80個名裡面揀左個最好聽既做郁郁B既名哪)

郁郁B既中文名就係---栢僑

中文名由郁爸揀了, 英文名就由我決定--DANIEL(因為我一向都好想郁郁B叫做彥祖的, 但既然中文名冇得叫彥祖, 甘起碼英文名都跟吳彥祖一樣叫DANIEL啦~)

幫郁郁B拎完出世紙, 返到屋企喂埋中午奶, 再洗埋白白, 我地就出發去藍田拜祖先

之後就上了麻麻度吃晚飯.

我地仲約埋大牛同阿泰上黎一路玩十三張, 一路睇歡樂滿東華TIM.

睇黎郁郁B都係旺郁爸多D, 玩左成晚十三張, 我輸左30元, 但郁爸就嬴了近300元呀!!!佢一家嬴三家呀!!!

但今年既卡拉之星就令我有點失望哪...阿猛丁哥同魯振順都冇份...唉...

但明天都要帶郁郁B去拜祖先.

所以, 郁爸 & 郁媽就係今晚出去吃飯, 跟郁郁B預早慶祝滿月哪~

我地又係去左我好鐘意既一平安麵館啦~~

已經好耐冇去過哪. 最後一次去既時候已經係8月既事, 當時仲陀住郁郁B跟麗俄吃我的生日飯呢~~

今日我地仲影左滿月全家福TIM呀~~(如果郁爸肯把胡鬚剃掉的話就更加好哪...)

仲有我跟郁郁B既親密照~

P.S.: 相中既日期係唔口岩既, 應該係12月7日先正確。

我個PAT PAT比之前足足大了4"....唉......

我係十分之鐘意我以前個D褲嫁..唔通真係要買過哂...真係好唔願意呀!!!!!!!!

究竟有咩運動係可以減PAT PAT嫁~我一定要著返以前既牛仔褲!!!!一定要!!!

我真係接受唔到自己有甘大個PAT PAT呀!!!!!!!

今日既郁郁B(大家睇厭未呢~?我就一定唔會厭嫁啦~~~哈)

昨天下午, 郁郁B又重師故技, 係食飽飽, 換左片, 扭眼訓甘係甘哭.

我就狠下心腸, 一於唔理佢, 由佢哭..佢真係可以哭得好淒涼~~~

同埋好鬼長氣, 佢足足哭了大半個鐘頭, 先不支倒地甘訓著....

我真係估唔到郁郁B可以甘鬼長氣.....不過都好, 佢哭完半個鐘後, 好似發洩哂佢所有既精力甘, 訓得好淋呢~

一直到晚上都冇再扭計呢~~~

好溫馨的場面呢..

郁郁B性感既豬唇~