當初只希望係儲蓄, 佢地明明話儲夠5年就可以全數拎返出黎既. 但今年年頭我去問, 佢又話起碼要儲夠10年先可以拎返個本金....

如果我而家拎返既話. 我要蝕成萬元呀....

唉....我既保險agent幫我睇過份保單. 佢話幫我轉去佢而家呢度, 就只須供多七年就以後都唔駛供. 保障到我100歲, 七年後亦可以拎返d本金出黎唔駛蝕.

我都唔知點做, 阿文就叫我長痛不如短痛. 叫我而家就好cut左呢份儲蓄. 但蝕成萬元wor...好鬼肉痛咋.....呢個短痛真係好鬼死痛呀~!

究竟我應該點做呢....唉.....好煩呀....

但如果我cut左呢份儲蓄, 我地就會多2萬幾元現金, 對我地而家黎講, 又好似會有安全感d.....

真係好激氣呀~我以後都唔會再同恆生買呢d搵笨既儲蓄保險嫁啦~~~~

後來發覺, 可能係我地開奶的方法錯左...奶粉既份量太多, 水的份量太少, 致令郁郁B少便既次數好少. 所以會瞼色才會那麼黃.

我便立刻問清楚CANDY開奶的份量方法. 由昨天開始, 正常份量既奶奶再加上係兩餐之間比郁郁B飲少許的水.

果然, 郁郁B多左好多少便. 而且, 郁郁B的臉黃真的退了很多了!!!實在太好了！

今天再去了健康院, 醫生幫佢全身檢查. 都話臉黃已開始退了！一切都好正常！

郁郁B, 對唔住呀~~係爸媽攪到你食懵左TIM~ 我地會留意, 唔會有下次哪~~你唔好怪爸爸&媽咪呀~爸爸媽咪錫返你呀!

郁郁B爸爸這兩天都負責幫郁郁B洗白白, 而且仲越來越熟手TIM~

同郁郁B沖涼時, 由大大聲甘哭, 到好享受甘玩水~~郁郁B真係好可愛呀~~

每次望住郁郁B, 我就會諗起陳奕迅既"天使的禮物"這首歌嫁啦~~

   "我想將天使的小禮物呈上一雙翅膀
　在夜空翱翔一趟　陪你看城市亮光
　我想將這張咀親你額角好比高貴銅像
　誰認識這大人物　霓虹燈  因他更亮　誰來景仰"

郁郁B真的是上天賜給我同阿文有如天使一般的禮物, 我們一定會好好的珍而重之！(唔計佢扭計既時候..)

我覺得這幾天其實最辛苦的就是郁郁B爸爸呢. 因為佢係負責當夜更, 要負責喂郁郁B零晨3點個餐先可以訓.

而我就主要負責日更哪. 不過, 郁郁B爸爸放假都只係放埋今個星期, 下個星期郁郁B爸爸要返工. 得返我一個都唔知可唔可以應付到哪.....

原來照顧一個BB真係要好多好多既精力嫁....我而家先明白到, 真係好鬼死辛苦呢...再加上郁郁B好似食極都唔飽甘既....

今日去了健康院, 醫生話郁郁B的臉色有少許黃呢. 所以明天會再去一趟健康院, 如果真係有嚴重左既話, 就可能要去醫院照燈嫁啦..

令我地有D擔心呀..希望明天會有所好轉哪...我都唔想郁郁B要去照燈...

但另一方面, 郁郁B出院既時候體重稍為回縮到7.4磅度(出世時係有7.5磅), 到今日磅重有7.9磅, 醫生話郁郁B有少許超重呀...

唉...郁郁B好似無論係我肚裡面定出左世..都係背負住"超重"呢兩個字.... 

呢張就係我地第一張既全家福哪~~

說真的, 生產過程真的是無法想像的痛(因為我足足用了差不多個半鐘先成功把郁郁B彈出來). 但見到郁郁B出世的一刻, 所有的痛楚都忘記掉了！

 相信大家一定好心急想睇下郁郁B呢個百厭豬係咩樣既呢~~以下是郁郁B的既自我介紹:

大家好~我就係郁郁B哪~我係男仔, 你睇我呢個拳手既造型幾有型~~~~

 我一出世就識得電人嫁啦~

呢一招就係我在媽咪肚裡面成日都練習既 "虎鶴雙型拳"啦~

仲有呢招 "螳螂拳"

你睇我幾甘可愛~~你地覺得我似爸爸多D定似媽咪多D呢?

唔好睇少我, 我有成3.43KG, 即係都有成7.5磅嫁~~~

仲有呀, 我既生日係11月8日, 同媽咪生日剛好調轉, 媽咪係8月11日生日嫁~

我都係唔講甘多, 我又要食奶啦~~我一日食好多餐嫁, 不過我通常10分鐘就可以食哂D奶奶, 仲有一坐起就落到隔, 媽咪都讚我叻叻呀~~下次再同你地傾過啦~~~BYE~~