媽咪就講左一句 "你細佬都係照板煮碗啫"

我馬上就反駁 "我幾時有掉個佢D野呀?"

我諗一陣, 我明白媽咪既意思哪 "你係話我之前掉左你D舊報紙, 舊書個件事呀?"

媽咪就話"係"

我即刻覺得非常之傷心, 那時候係想幫佢執走D已經變黃既舊書, 舊報紙. 佢連自己都未必記得有呢D報紙/書. 再唔清走D野. 唔通想火燭個時燒得快D??我那時候都有係佢面前同佢解釋, 冇用既要掉. 積左十幾廿年, 又變黃哂, 又駐蟲..仲唔執走D, 間屋根本就連坐既地方都冇!!!!

但原來我當時所講既每一句說話都係癈話!!佢一直怪我!!

媽咪一直覺得羅拔掉我D證書, 我D相片. 係我掉佢D野既報應!!我應有此報既..佢個乖仔羅拔只係幫佢報左大仇!!

我係呢個時候, 只有回應一句 "甘我冇野好講"

跟住我就話我要返工要走先

在人來人往的APM, 我都忍唔住崩潰地哭起上來..

我個心好痛...好痛...

人地話同老公閙交, 可以返娘家....我..可以去邊...???

郁郁B係我肚裡面足9個月啦~~~~~~~~

郁郁B而家應該有45 CM長啦~~

重量: 65.5 KG(比上個月都係重左1KG左右, 好理想!!)

但個肚仍然都係同上個月一樣得41"

今個月最特別既係, 天氣開始變得乾燥, 攪到我係上個星期到今早..總共流左三次鼻血.....唔知同陀緊B有冇關係...但實在太密哪..

我唯有試下盡量比平時再飲返多D水哪...希望唔好再甘DRY哪~~

呢幾日都好忙, 因為上司阿KEN又上在去上海, 我個組得返我同阿KID, 又有客黎要招乎, 直頭係忙到頭都出煙....

但阿KEN星期五下午就會返到黎, 我只要捱埋明天, 星期五早上我又要去做產前檢查, 時間勁快過~~~

跟住, 下個星期我就要開始交低D野比阿KEN 同阿KID啦~~因為我主要返埋下個星期左右就要開始放產假, 每天期待郁郁B既誕生啦~

印印個度, 我諗住今個星期六去一趟入境處, AGENT話我親身去一趟入境處既話, 批VISA會快好多嫁WOR~~

我好快就要跟我的辦公桌分開10個星期哪~~~~

佢地話似阿文...但我一點都唔覺得. 呢個世界上, 我可以好肯定甘講, 只有郁郁B係會似阿文既!!!!!!

 阿文話: 一D都唔似~~

RUBY既寶貝--姮姮~

郁郁B~~連姮姮都好鐘意你呀~~哈~~

我就諗到一個好好既方法黎舒緩.

就係再一次睇返我同郁郁b爸爸結婚當天既DVD哪(郁郁B爸爸一定又會話 : 下. 又睇, 你厭唔厭嫁...)

我再睇多一百次, 一千次都唔會厭呀~~~~~~~~~

碟裡面有一首配樂, 真係好鐘意佢既歌詞, 就係彭羚既: 小玩意

今天共處，你將光陰停住。
還學陳舊文藝戲口吻細聲說：「做我內子。」
想講願意，還是不好意思。
回贈同類橋段女主角那一句：「讓你做主。」

你用無限濃情蜜意、
來造迷人玩意，
環在沒名份手指。
感覺，多麼似、
加冕光圈變天使。

給生命線，最終找到、靠依。
然後留下長住你心裡最深處，是我地址。
小小玩意，紋著彼此、名字。
留待明日傳頌你跟我這一節，完美情史。

你用無限濃情蜜意，
來造迷人玩意，
才明白原來在意！
一世，穿一次，小玩意：
一世，穿一次，小玩意：
是我畢生大志！

所以, 就算幾甘辛苦, 我都會忍受, 把郁郁B誕下來. 這是我畢生的大志~~~