點知7:30左右就突然開始覺得肚痛...係勁痛個隻, 又去唔到廁所, 痛得好辛苦!!!!

痛左好耐, 終於去到廁所, 跟住就勁痛一陣, 去廁所, 無事返入房昏迷, 跟住又肚痛, 勁痛, 又去廁所....昏迷

如是者連續左4次左右, 終於昏迷到今朝....

飯都冇食, 涼都冇沖.....勁痛苦...

好彩今朝就已經冇事哪..唔係實比郁郁B爸爸捉我去睇醫生..

又肚痛, 個風又打唔成.....唉, 好DOWN..

所以, 唔認老都唔得, 我地已經識左16年嫁啦~~~~~~~

雖然我們不是時常會見面, 但係每一次約出黎食飯, 都唔會有生疏感, 大家都會滔滔不絕地講自己既近況, 感覺仍然都係好好朋友既感覺！

麗俄甘多年都係甘靚呢~~而我呢...就已經變左個超重既大肚婆哪...

我地今晚去左我好鐘意既"一平安麵館", 係尖東幸福中心地庫~~我又係食燒鯖魚定食~~仍然都係好好味呀~但我覺得碗飯大碗d會好d..

麗俄就食左個泡菜明太子炒飯~~都好味嫁~不過係辣既, 我就唔係甘食得哪

呢餐係麗俄請~~多謝麗俄~~係一餐好滿足好開心既晚飯!!!

而我最煩惱既, 就係唔係買以明火黎煲既奶瓶煲好, 定係買以蒸氣黎消毒既奶瓶煲好呢....

真係煩, 今日報紙又話有幾隻奶瓶會有致癌物質...唉, 而家好似物都會致癌甘...

多得C TING & RUBY既教路, 郁郁B物品清單已經擬好, 得閒就要去吉之島度睇下, 因為好多都係係個度買既.

今晚約左麗俄食飯~好開心呢~~好耐冇見過麗俄啦~

因為佢地明知去睇展銷既99%都係BB+父母+孕婦，但會場裡面就連一D可讓人休息既地方都冇

我見好多媽咪都只係坐係地下休息或喂奶.

而且人多之餘, 攤位與攤之間既走廊位又好窄, BB車+人, 簡直亂到暈. D孕婦(好似我呢D)真係行每一步都要好小心先冇比D BB車 CLICK到...

我同阿文行左一個圈之後就唔想再行啦, 因為實在太辛苦. 比以前行婚紗展的行得辛苦好多!!!唉

而且我覺得裡面既展銷都係口岩個D BB已經出左世既人去睇, 好似就唔係好口岩我呢D BB都未出世既去睇哪..

不過, 就算下次再攪, 甘鬼混亂, 我都唔想再去哪...

大家睇呢段片既時候, 可以好明顯甘見到我個肚好似變左張水床甘...肚上面既卡片既郁動, 就係因為郁郁B係甘郁哪~

晚上等阿文收工, 就返左去寶達麻麻度食晚飯, 郁郁B當然成日所有人既焦點哪~

最慘既係, 我新出左張HSBC信用卡, 諗住快快趣趣簽滿2800元就可以拎到迎新禮物~

甘拎到張新卡, 第一時間就係去改返個密碼啦, 點知比懶勁既郁郁B爸爸攪到我張卡比櫃員機食鬼埋...唉, 又要等6天先拎得返張卡哪...