約係約左11:30既, 但我驚太晏, 所以11點就到左去掛號

但都要等到12:30先到我照呀

照完都成點鐘哪....攪到我都冇時間食飯呀~~

因為我要1:30返到公司麻...

但今次好開心呀, 因為醫生話LOOK LOOK B好正常, 上次話個心仔睇得唔係甘清楚, 今次都話OK呀~~

醫生仲話LOOK LOOK B既SIZE唔算太細粒, 都係正常SIZE。

最搞笑既係, 今次照到LOOK LOOK B個PAT PAT...係成個"W"字型甘對住我地.....

連同我一齊去既媽咪, 都話見到LOOK LOOK B既姑姑.

而醫生今次都係話"似係仔...."

甘, LOOK LOOK B係咪真係仔仔黎既呢...??

但我諗, 都係等到7月21號我去照4D, 私家既醫生先會好清楚甘話比你知阿B係仔仔定囡囡哪...

前幾晚佢打黎, 閙完佢一餐, 以為佢唔會再打黎, 點知昨天早上又打黎, 中午又打黎, 真係勁變態~~~~

攪到我馬上打電話去電話公司(屋企同手提都係)申請拒絕接聽號碼隠藏既來電~~~

死人變態佬~~你夠膽就比來電我見到~~~無膽人渣！！

我同阿kid都舒一口氣, 因為真係好驚佢會攪亂我地d野

睇那個人適唔適合做呢行, 其實兩個星期都真係夠哂.

老闆話仍然會請人~因為佢地好擔心我放產假時冇人pick up d野

好心佢地真係要請既, 一係就請d有讀過textile既, 一係就請d有做過呢行, 有經驗既.

佢地成日請埋d連"鈕扣"個"鈕"字都寫成"紐扣", 仲話係中大既學生.....唉.........

今晚阿文既兄弟約左佢係泉將居食飯, 好利害呢~佢D兄弟~記得阿文生日~

昨晚阿文話想食壽司, 但又唔想出街, 所以我就好叻甘ORDER元綠外賣壽司啦~都幾好WOR, 叫佢8:30送貨就真係8:30送到上黎~~仲好好味TIM~~

呢排有個變態佬晚上打黎呀~~所以而家所有晚上既電話多數都係由阿文來聽~~~估唔到而家都仲有呢D變態佬嫁~~~~

但一到大牛唱歌時...佢就會震震甘郁郁...哈~~

我地仲一齊唱細契既講不出聲TIM~~勁呀~~~~~

阿文撐住怪丈都黎唱K~因為佢係其中一個六月之星麻~

第一次公開我陀BB既照片~大家睇下我幾肥~~~唉...點解真係甘肥嫁....

你地估下我陀住既係仔定女啦~~肥到甘...

當然唔少得生日蛋糕啦~~~一次過寫哂三個六月之星既名~抵~

突然間多左一位六月之星~大牛~~~你地正經D得唔得嫁...

係LOR~乖乖地影相物幾好LOR~但阿文同傑傑個樣總是古靈精怪甘既~

黎一張大合照先~~~傑傑摭住左我個肚呢~~

再黎多張呀~唔該~~係呢度睇, 我又唔係好肥咋~

嘩~~呢張好肥呀~~~~~~~~~~~~~~~肥腫難分呀~~~~~

5個月大既BB(25 CM)

今天~~LOOK LOOK B係我肚裡面終於夠5個月啦~~~珍姑姐話陀到第5個月~~阿B穩定左~~就好多野都食得嫁啦~~~YEAH~~~

先講下我而家既身體狀況先:

肚:34.2" (比上個月多了0.2"...點解大甘少既...)

PAT: 37"(好彩...冇再大到...)

重: 53.5 KG (體重增加得幾正常)

前晚得閒無事, 我攤係梳化, 將個有線電視既搖控器放係我肚波上面...間唔中...真係見到個搖控器郁嫁~~哈~我甘樣就係訓練緊阿B舉搖控器啦~~~~~