|
最唔開心既時候, 我跟身邊既人講左好多次, 而家我個心舒服左d, 因為我知道, 老闆永遠都係甘賤既, 特別係我既老闆, 就更加唔容許我地請病假, 因為我地請親病假, 佢都覺得我地係咋病既, 我唔想再同呢d人一般見識啦~
我唔會再比佢地呢d人渣影響到我既心情, 我決定我之後既每一天, 都以最開心的心情來迎接我同阿文既小生命來臨~~
冇錯啦~~到今日為止, 我已經懷孕夠3個月~可以對外公佈啦~
我同阿文既精靈bb將會係今年11月6日就會出來跟大家見面啦~
而且呢個仲係日本bb黎tim~因為係我地去完日本蜜月之後就發現上天賜予一個小生命比我地~~真係感謝上天~~~我仲以為我會來及及生豬bb既.
之前既三個月真係過得好辛苦, 自己生理上既變化, 好多野介口, 好易累, 好易眼訓, 再加上公司既唔體諒, 令到我既情緒起伏很大，成日都好唔開心, 成日都哭..
係呢度, 雖然早左d, 但我都感謝一下我既阿文, 因為我知道自己既睥氣大左好多, 唔知係咪荷爾蒙既影響呢, 定係我而家陀住既同你一樣都係一舊萌薑呢, 我覺得自己好易就會好萌, 好易火燒心頭~跟住就會發睥氣!失去控制...到發完睥氣先覺得後悔...
另外既就係, 好多謝幾位朋友仔, 比好多好有用既意見比我！特別係C TING同RUBY啦~~
我可以順利捱到而家, 真係要好多謝佢地！
雖然係公司可能會越來越辛苦, 但我都會忍耐到BB出世之後, 就離開呢個地獄~~~
希望大家都會祝福我哪~~~
| 
