希望就如CATHY 你所講甘, 上天安排好我地要甘樣做唧

而家我對於收樓呢件事已經係我心裡面平靜下來了..

今日既心情好奇怪，天氣好得奇怪(昨晚橫風橫雨)

開心既係, 阿文剛才跟我說他的朋友問佢想唔想轉去迪士尼做技工, 都係返五天, 人工會高過而家, 仲可以帶人去迪士尼玩唔駛錢..

不過而家都只不過係初商既階段, 都唔知係咪真係會轉既,

但, 我覺得, 如果真係轉到都幾好, 由於迪士尼加左魔盜王既環節, 我都真係幾想去呀..

唔開心既係, 我預計到黎緊既三個星期六我都要返工....唉.....一諗到甘就覺得好灰哪.....

我好懷疑我地今次既決定是否正確

但相信只有留待將來，才會知道今天的決定是否正確

回想起來, 早幾個月前, 我先係德義樓個度入門....但係好快就會成為過去..

如果我中到今晚既六合彩頭獎, 一切問題都可以解決...

唉.....今次我地真係幫唔到唧....款項太大....奶奶今次都真係唔抵幫..

而家唯有讓銀行收樓, 我地覺得, 都未必唔係一件好事....起碼, 阿文幾兄弟都會少左個大包袱

本來大家都想挽救今次收樓危機的...我都打算要出埋我嫁妝既金器, 但我都估唔到, 大家為了保住我既金器, 會有甘大既回響

特別多謝二舅父同大舅父, 為左今次既事幫我地

不過我覺得最慘既係傑傑, 佢好似無主孤魂甘, 希望佢搬到阿麻到會開心返啦~~

我諗阿文佢都有d唔捨得呢間屋嫁, 始終佢都住左甘多年, 其實我都有d唔捨得嫁...不過真係冇辦法.

別了, 德義棲2201, 我會永遠懷念你...

基本上阿文跟他的表妹不是很親的, 不常見面, 感情亦不算好

阿奶奶就分付我地要買隻金介指比阿文表妹, 然後再封人情, 佢地斟茶比我地飲時要比利是, 叫我預備好。

甚至乎係, 叫我係我地結婚時收到既介指裡面揀隻唔係甘鐘意既送比阿文表妹, 甘就唔駛買...

但係, 我如果係有唔鐘意, 或可以唔要既金器, 一擺完酒就已經拎去溶左佢啦, 而家留返既, 都係唔捨得溶既...所以邊會有多餘既金介指呢....

同埋...阿文只係表哥, 駛唔駛甘重禮要買金介指比佢表妹呀.......

呢個表妹係大舅父既女兒, 我地結婚時, 大舅父都冇送到任何金器比我地呀...

唉, 唯一諗到既理由就係...我奶奶要面LOR....

當我地發左甘...唉...

我都冇物出街呀, 整個復活節唯一既活動就係8/04個日既BBQ.

不過講起呢次BBQ就真係唔係幾開心哪

因為原來有成10個人會出席嫁, 點知, 最後C TING佢地唔得閒, 那個林泰又突然放飛機~~~勁討厭放飛機的人!!!!

攪到最後都係得返核心成員:即係我, 阿文, 細芳姑姐同妹妹。

最後我地決定點都要去BBQ (其實好似係我堅決要去)

不過就唔去原定既石澳了, 因為得個四個人, 租個爐都一樣要100元既

所以就決定入去元朗我地最鐘意既樂趣田園度BBQ啦~

入到去都4點幾啦~我地仲見到隻貓BB, 我地隻鞋仲大個佢呀~~好得意嫁~

陳伯話呢隻係孤兒貓BB黎嫁..貓BB就跟住我地一齊BBQ, 我地都有分D魚比佢食, 因為佢個樣實在太肚餓甘啦..

我地臨走既時候仲幫佢整左個窩, 不過都要睇佢自己照顧自己既能力哪~~加油呀~貓BB~希望我下次去都仍然見到你啦~~