唯有祈求"平安渡過".......

願主祝福我......

今天我要返半天, 一放工, 就去旺角中心度照超聲波。

不過好慘既係, 阿文冇睇到呢...唔緊張啦~下個月睇仲得意嫁!

由於今次照既時候已經有八週幾, 所以比兩星期前BB大左好多呀~~

而家佢有成2.2 CM大呀~~仲見到頭仔, 手仔同腳仔TIM~~~好得意嫁~~~

醫生指比我睇個心仔係度跳緊, 係MON度就見到係閃下閃下甘嫁啦！

仲見到佢隻手仔係度郁~~~~超得意~~~~

晚上去阿文麻麻屋企食飯, 主要係要公佈我地成功做左個日本BB回來~~

阿麻&大芳姑姐見到超聲波張相, 不斷甘問 "係唔咪真嫁~~?"

三姐仲開心到喊~~

係呀, 當我一知道呢個消息既時候, 其實我都當場喊左出黎嫁...因為實在太開心啦~~~

大家都好問心呢~~

但阿文好衰LOR, 係阿麻面前投訴我想食D我唔應該食既野..

我已經夠哂辛苦嫁啦~~只不過諗下咋, 都唔比咩...

我而家成日覺得, 我要為BB有好多野都唔食得, 頭髮要剪掉, 冇得夜訓..冇得去玩, 好多好多既野....真係好辛苦好慘...有邊個知道...

佢仲要係阿麻面前投訴, 個一刻我覺得孤立無援...真係有D想哭既感覺呀.....

阿文由我地剛係埋一齊既時候已經應承我話有左BB就會戎煙...但係...照而家既情形...唉...戎佢個頭哪...

食煙. 損人不利已....都唔明點解仲有甘多人會食煙既, 仲要迫我同BB食二手煙....

剛收到CANLO的電話, 佢問我係咪有左, 我就照實答佢啦.

佢話原來佢昨晚發夢夢見我生BB呀~~仲要係生左個BB仔呀~~~

原來CANLO有預知能力嫁....好勁呀~~~

好有我地係日本旅行時既回憶呢~~~~

雖然都幾貴, 我地兩個人叫左4碟野

極上和牛一碟

牛舌一碟

雞肉一碟

蔬菜一碟

白飯兩碗

埋單都要260元, 總結來說都算貴, 但就真係幾好味~~

食完和牛, 就去地震做既國美度買新手機, 阿文買左同我差唔多但新我小小既SONY ERICSSON.都係2千頭多DD, 價格都OK既

阿文想買新手機好耐嫁啦~~

見就黎出糧先比佢買咋~希望佢部手機襟用D啦~

我BOOK左今個星期六去照多次超聲波, 睇下BB有冇乖乖的長大~

阿文亦打算在今個星期六向阿麻佢地宣佈我地成功做左個日本B既事~~

唔知大定會有咩反應呢~~

但對於其他既朋友或同事, 則要到4月尾(BB夠三個月)先可以對外公佈...

對上一次照超聲波係3月12日, 個時BB只有5週零6日, 但已經有很強既心跳聲啦~~

我覺得BB的生命力好強呢~~

昨晚阿文又伏在我的肚子上, 說要聽BB的心跳. 阿文話直頭聽到阿B好大聲既心跳聲呀~~佢個樣好滿足甘~~好得意呀!

其實, 我覺得係BB仔或BB女都冇所謂, 但唔知點解, 我就型住我肚裡面既係BB仔. 唔知我既直覺準唔準呢, 呢個就要到4個月先會掀曉.

由於我之前試過作小產, 所以阿文都特別緊張我既飲食. 所有生冷野都唔比我食, 一口都唔比

好多野都唔可以食....好多我好鐘意食既野而家都唔可以食呀....我好慘呀...

但我真係好想食三文魚壽司呀....

我一食左一D我唔應該食既野, 就會比阿文閙到狗血淋頭甘...

BB, 你知唔知道媽咪有幾偉大呀~~~~~~