嘩~好開心呀~D三文魚壽司好大件呀~~~我仲食左好多TIM~~但埋單都唔駛200元, 攪到又簽唔到卡TIM...

跟住就係郁郁B爸爸既重點節目哪. 就係買波鞋. 點知去到之前睇中左個間野, 竟然冇左佢搵多好耐既波鞋WOR..係佢失望之際, 佢就話要行下波鞋街搵個第一對買哪..

去到另一間, 比佢搵到一對同佢想要個對差唔多既, 我就係甘落藥, 話呢對真係幾好, 幾型. 同你之前睇中個對好相似, 唔講都冇人知係唔同既. 價格又OK, 你唔買, 連呢對都冇埋哪~

就係甘, 我又成功氹到郁郁B爸爸買左呢對鞋哪!!大成功~

係回家的路上:

去到報紙檔, 我自覺地停低. 果然, 郁郁B爸爸要買漫畫書呢~~

去到涼茶鋪, 我問佢駛唔駛買五花茶呀, 果然, 郁郁B爸爸真係想飲五花茶呢~~

返到屋企, 佢係我想吹頭既時候走埋係搶左個風筒係甘吹, 我就話 "係甘二吹下物得LOR, 你陣間都要睇下漫畫先訓嫁啦~" , 果然, 郁郁B爸爸真係想睇一陣漫畫先訓.

郁郁B爸爸就話"你咩都估到我既??"

我就話"鬼叫你易估咩, 我又甘鬼了解你WOR.呢個世界係得你唔了解我嫁咋麻"

KELLY & KAR一早就到左, 我本來諗住返屋企拎返D相比佢地既, 但一來費事要佢地等甘耐, 二來我都有D肚餓哪, 所以都係留返下次哪, 快D上去搵佢地~~

KELLY 一樣仲係甘鬼瘦...佢話8月份佢唔駛行BID, 保護唔到我地.我即刻就係度大笑~~哈~哈~哈~~保護我地~~~KELLY甘瘦弱甘, 我都係覺得佢唔適合做行BID輔警, 我都係建議佢快D轉去做警訊個D警民關係科哪~~

我一坐低, 佢地已經急不及待甘要摸郁郁B啦~

哈~郁郁B未出世就已經很受女生歡迎哪~

好彩郁郁B都不負兩位ANTIE所望, 都有郁郁, 踢踢比KELLY & KAR感覺到!!

不過我覺得最攪笑既係, 我地三個人,叫左4樣野, 佢地係甘二食左DD就話飽, 跟住我就一個人食哂桌上面剩餘的食物...係我食緊野的時候, 佢地隻手係冇離開過我個肚甘滯...

我就係甘食, 佢地就係甘摸郁郁B..

跟住佢地又係甘問我飽唔飽, 攪到我真係好似好大食甘..其實我都係唔想浪費食物咋~

食完飯都係8:30咋, 但我真係已經好飽啦~

今晚阿文開夜, 成1:00幾先返黎, 我都冇機會同佢講野, 唯有寫紙仔比佢啦. 佢為左郁郁B同我, 要辛勤地開工, 呢幾晚都會係甘, 星期六, 日都話要開工, 真係辛苦哂你哪！郁郁B爸爸！

郁郁B係我肚裡面足七個月呀~~可喜可賀~

由最初發現郁郁B既時候只有1.2 CM大~到而家, 郁郁B估計已經有35 CM甘大隻啦~~

雖然陀郁郁B初期有作小產既情況, 但每次去見醫生照郁郁B時, 聽到佢既心跳係十分之強而有力既, 我同阿文都對郁郁B好有信心!!郁郁B既生命力係好強既~~~所以順順利利甘就到而家七個月啦~而家郁郁B每天都好活躍甘郁郁, 踢踢, 再郁郁!

由而家開始呢, 郁郁B可能隨時都會出世. 因為醫院既覆診卡寫明, 今天起若果我有作動既情況, 就唔駛去急症室, 直接入產房嫁啦.

甘當然我都唔想郁郁B太早出世, 等到10月尾11月頭足月先出世先好啦！

而家我個肚又比上個月大左哪. 有39"呀..., 個PAT PAT又大左寸幾...至於重量就有62KG(136磅呀~~~~, 我呢一生人都未試過甘重嫁!!!!!), 比上個月又重左4KG...唔知下個星期做產檢會唔會又比姑娘話我超重呢?

雖然郁郁B每天都會好精神甘係甘郁係甘郁, 好似想安慰媽咪甘

唉, 點樣先可以令自己心裡面既天氣好轉呢...食楊枝金撈都冇用...睇黎可能真係要食下榴槤先得哪..

就好似人地閃親腰骨甘刺痛呀!!!真係好辛苦呀!!

姑娘話因為荷爾蒙既關係, 使盤骨軟化左, 令有多一點既空間比郁郁B.

呢個情況只可以靠做產前體操黎舒緩. 要等到郁郁B出左世, 先唔會再痛...但距離郁郁B出世, 仲有三個月呀...唉...我物要痛多三個月...