今晚係為左我生日返去順利同爸, 媽, LAWBUT食飯.

埋單就一早預左係我地自己埋返嫁啦..但估唔到LAWBUT連續兩次食飯都冇夾返錢LOR.

上次老豆生日食飯佢已經係拍拍羅右拍拍手食完就走..

估唔到今次我生日, 佢都一樣唔夾....唉, 點解我呢個細佬甘鬼孤寒嫁...

屋企得我自己一個...再加上今早發生左甘多令我好唔開心既事

唉, 大肚婆既情緒又再次失控, 我就無啦啦就好似雪崩甘哭起上來...

好不容易才平伏返我既心情, 訓左一陣晏覺. 到6點到就開始換衫..化妝, 總覺得今天都係想化下妝, 令自己靚D或許心情會好返D..

到左6:30, 阿文打電話黎話佢就黎收工, 問我換衫未, 同埋陣間係阿麻屋企等(因為佢正係太古做野, 由太古去藍田好近)

但係, 我聽完呢個電話就更加唔開心...

我最討厭佢話直接係邊度等!! 特別係我而家甘鬼大個肚, 又落雨又盛...

於是我7:00左右再打比佢, 問佢係邊, 佢就話而家係鰂魚涌地鐵站！

我就火到黎埋"你有冇攪錯嫁, 落雨又盛都可以丟低個大肚老婆唔理既!!!"

跟住佢就好似立即補飛甘講"我都冇話唔過黎接你, 我返緊黎旺角嫁啦, 我到左附近再打比你啦."

一見到我先講對唔住, 又話我應該一早就知佢係粗心大意既人...

我已經冇禮物, 冇慶祝哪...你對我好D得唔得嫁!!!

其實你只要做小小野, 我已經會好開心嫁啦!!! 點解連小小野都唔做WOR..

今晚阿文既麻麻生日食飯, 我始終都用唔到張新卡黎簽賬....

今早, 阿文同樣又係唔肯身甘, 但佢第一句同我講既說話竟然唔係"可愛既老婆大人, 生日快樂呀!!" , 而係 "記住扭下窗台上既毛巾".....真係比佢激死.......之後先SEND返個SMS補飛....有用咩~~~

回到公司, 昨天因為打風而冇答到一個MAIL, 今早就比老闆既MAIL串:

"Next time, I’d still prefer to make an answer, even a short one, especially for something so simple, instead of no answer."

一朝早就諸事不順甘啦~~~~~~~~~~真係好討厭呀~~~~

一飲完茶返到公司, 竟然收到話天文台將會掛8號風球既消息, 即刻個心散哂, 完全唔想做野, 只係想查證呢個消息.

可惜, 天文台既網頁又入唔到, 我地公司又冇收音機, 攪到幾甘緊張呀~

到左2:30, 收到同事既報料話真係掛左8號風球, 我就二話不說就拎野走啦~

一到樓下就打的啦, 點知又塞車, 塞車都唔緊要, 仲要比個的士佬係甘話我, 又話如果知道甘塞車就唔會接我呢個客哪. 8號風球保險唔保嫁...又話甘塞車, 我地都要收工, 等陣返到去又冇停車場哪.....係甘話...係甘話....

原本15分鐘都唔駛既車程, 我坐足50分鐘. 比佢話足50分鐘之餘, 車費又係平時既兩倍...

唉. 激死我, 你估我想塞車既咩~~~真係好想大巴大巴甘星個的士佬呀~~~~~~

3:30終於返到屋企, 傑傑同珍妹上黎打牌, 好彩我係打牌度拎返哂我D的士錢返黎~~哈~勁~

跟住連C TING一家同大牛 & GF都有上黎, 我地就叫PIZZA HUT食~~食完再玩十三張~阿文都有贏錢~

睇黎郁郁B真係好旺我地呀~~~

我地當然預備左最撚手既家庭菜招乎三叔啦! 有蜜糖雞翼啦, 西芹炒雞柳同埋火腿炒蛋.

郁郁B聽到三叔把聲都好高興~~郁得特別起勁呢!!

三叔幫我剪左個HEBE頭, 而家我個頭就成個 "逗號"甘啦..都幾好笑嫁!!

真係唔想甘快到明天哪....明天我就真係28歲哪...

剛先星期一睇明珠台的日劇 "14歲媽媽", 我就同阿文講 "我係14歲一倍再加幾歲既媽媽"

阿文話"點解係14歲一倍再要加幾歲...?" 佢已經忍唔住係度笑緊...

我就知我又計錯數...."我唔知點解以為14既一倍係24...所以物要加多幾歲先夠LOR....."

跟住阿文就係甘對住郁郁B講 "阿B, 千萬唔好問媽咪數學呀~~~~~~~~"

我由細到大, 數學都係好差嫁啦......真係唔知點解既....