只要一諗起返埋明天就開始我既10個星期產假. 感覺係好開心~但又怕會悶親~唯有盡量安排多D野比自己做啦~每日一個MISSION~直到郁郁B肯出黎為止~

喂~郁郁B, 你而家都出得世嫁啦. 你仲想係媽咪個肚度幾耐呀~~快D出黎同大家見面, 比大家睇下你呢隻百厭豬仔個樣係點既~

等爸爸唔駛再隔住我個肚先摸到你~~唔駛再對住媽咪個肚講野, 甚至唱歌~

大家對於你, 真係好好奇嫁~~你未出世, 已經有好多哥哥姐姐送野比你啦~大家都等住你出黎同你玩嫁!!

所以你唔好再甘痴媽咪, 快D出世啦~~出左世之後, 就痴住你爸爸吧, 佢只係會帶你去踢波嫁咋(因為爸爸佢自己唔踢得波啦~哈~~)

而媽咪呢, 只係希望你健健康康, 強強壯壯甘成長就好嫁啦~~(見你係我個肚裡面都可以踢得甘大力, 都知你強壯嫁啦~好快就可以幫媽咪去超市抬米嫁啦~~哈~)

呢個就係HUMAN姐姐送比你既豪華沖涼盆啦~幾靚~~真係多謝HUMAN姐姐啊~祝你既生意蒸蒸日上啊~~~~

豪華沖涼盆都好大個嫁, 等郁郁B大個DD就可以係度玩水啦~

一直陀住郁郁b時, 我都特別留意健康, 因為都盡量唔想食藥, 怕或多或少會影響到郁郁b

自從陀到4個月到, 一直都好好地. 未有試過傷風...但係, 就上個星期,

家裡有個郁郁b爸爸病左. 係公司呢, 阿kid就傷風....

終於, 我都被感染哪....真係好辛苦, 流鼻血都不特止, 仲要流埋鼻水同鼻塞...

每晚都訓得好差...每朝訓醒個鼻膜好似要爆裂甘痛..

所以, 昨天都忍唔住去了看中醫.

中醫話因為我肚裡面係有一盆火--郁郁b係一盆火...

所以都會易d流鼻血..我說已經特別飲多左水嫁啦

但中醫話呢盆火並唔係單靠飲水可以撥得熄既

於是佢開左兩劑藥比我. 好彩那家中藥房係可以幫人煎埋藥既. 甘就方便好多.

雖然藥方裡面, 我一樣都睇唔明有d咩...但昨天同今天食埋兩劑藥之後, 訓左場晏覺(唔知點解, 晏覺就訓得好舒服, 晚上訓個覺就硬係好辛苦甘..)就覺得個人舒服左好多, 特別係個鼻哥感覺都冇辛苦, 都算d藥有效wor

我好擔心呀, 阿文既麻麻話, 如果生完bb之後著涼既話, 就要飲白鴿屎水嫁啦....聽到個名都唔想飲啦....

郁郁b你仲要係我個肚裡面幾耐呀~你而家都已經超過左37週, 已經算係足月嫁啦~好快d出黎啦~~唔好要媽咪痛甘耐呀!!!知冇~

原來FIONA係朗豪坊返工, 甘我放產假時就可以多D搵佢食飯哪~

我地今次又係食意粉屋, 今次仲食了好HEAVY既芝士火鍋TIM~~真係肥死我同郁郁B哪~~

席間, 雖然FIONA同AGNES坐我的對面, 摸唔到郁郁B, 但佢地都明顯見到郁郁B係甘郁呢~

佢地都覺得郁郁b好得意呀~~

有時, 我就會覺得, 雖然而家郁郁B仲係我既肚裡面, 但佢一向都冇受我既控制, 想郁就郁, 就算我叫佢唔好郁, 佢都照郁.

有時, 叫佢郁黎睇下, 佢又未必郁wor.

我地係兩個獨立既個體, 而好快, 佢就會離開我狹窄既肚子, 黎到呢個對佢黎講好大既世界.

希望佢對於我同阿文帶佢黎到呢個世界, 係開心嫁哪

點知, 唉, 真係又流鼻血呀~~~

我已經流鼻血流到麻木哂哪...一個星期三次..由初時好驚, 到而家一d都唔驚, 只係覺得好煩....

上次覆診都有同醫生講話呢排成日流鼻血, 但醫生又話係正常....

究竟幾時先唔會再流鼻血呀...

我一向既概念就係, 一有火警, 梗係第一時間離開哪

但如果出面走廊係佈滿濃煙既. 原來係唔走好過走.

我地係應該先係原處做好防煙既措施, 用濕毛巾塞住d門隙, 然後就通知消防員我地既位置, 等佢地黎救, 生存到既機會係大過拼命係濃煙裡面盲目逃生既.

由於好快郁郁B就會加入我地既大家庭, 為左安全起見, 我就買左一個小型既滅火筒, 以策安全。

因為, 大多數火警都係由電器漏電引起的，用水係救唔熄電器上的火, 仲會進一步漏電TIM。

大家可能會想起另一個方法，就係用棉被或衣服扑熄佢. 但就必須要係全棉既被先有用, 因為而家我地屋企用緊既被, 多數都係羽絨被, 纖維被, 呢D被一比火燒著左就仲大件事!!

所以, 用滅火筒救火就係唯一既方法。呢幾百元真係唔慳得嫁~~

甘我就即刻問佢個印印幾時黎到, 佢話而家剛好係印尼既新年, 要等那邊放完假, 即係21/10後先能夠安排機票甘樣, 但應該都會趕到11月前黎到~

呢個都算係好消息啦~因為終於能夠確定到印印幾時黎到!