一路訓覺, 一路嗌好冷, 又標冷汗...嚇死我, 今早一早就捉佢地睇醫生

原來佢一向喉嚨既都有D問題, 好易就發炎, 今次又係因為呢個原因所以發高燒. 最高燒到39.1度呀~~

估唔到新買既電子探熱針用得最多既係郁郁B爸爸..

睇完醫生, 要佢食抗生素呀, 食足5日...都幾嚴重..

郁郁B爸爸真係要好好休息下哪..唔好要我同郁郁B擔心你先得嫁...

鍾無艷 = me

我細佬佢好幾年前已經試過因踢波而令到一隻腳既十字印帶斷左, 半月板又移哂位甘要做手術. 當年, 仲未有肥妹既出現, 個時我特登都打電話去銀行, 請求人地調高我既信用額係幫佢找醫院條數..

估唔到佢幾年後, 因為唔肯放棄踢波, 攪到同樣事故再次發生係佢既同一隻腳上面

今次佢打黎, 就係想我幫佢出院時look 卡, 等佢保險度拎返d錢時比返我.

我一聽到. 我就覺得, 有事先黎搵家姐, 冇事就比夏迎春掉哂我d野... 真係有想哭既衝動...

我心裡面真係好想同我細佬講 "有事就記得有我呢個家姐咩!"但最後我都忍住冇講..因為哀莫大於心死..

他說他已安排下個星期六入院做手術, 但我已聲明, 星期六/日我都可以抽到時間去接佢出院, 但星期一至五就要放工先得. 因為我就黎放產假, 我唔想有任何機會比我個兩個人渣太后說我半句, 所以我放產假前都盡量避免請假

我會幫佢, 但我唔會采佢..因為佢實在太令我失望哪..

但原來有好多情況呢, 爸爸都未必可以入去產房嫁.

例如BB唔足月(即係37週之前就稱之為未足月), 要開刀啦, 要用儀器幫助BB出世啦...等等情況, 爸爸都係唔可以入產房既.

佢地仲比左D好驚驚既圖片我地睇..(就係BB出世時既程序)..睇到都覺得痛啦, 郁郁B都登媽咪好緊張呀..係甘郁郁..

講座既重點：爸爸入到產房唯一可以做到既就係安慰同支持媽媽....(我只希望郁郁B爸爸到時唔好攪亂檔就好哪...)

放工我搭的士去聯合醫院, 我之前搭10次, 10次都只係58元左右, 點都唔會過60元既. 因為次次都係由清水灣道上既. 點知今次呢個的士佬, 竟然同我"DULL"左去觀塘呀~~~

臨到彩虹既時候, 我見佢仲係走最出面個條線, 已經講左一次 "你唔上清水灣道??", 點知佢一D反應都冇, 去到淘大個時先問我由觀塘道上定點.

我就即刻話, 你頭先做咩唔上清水灣道呀?上清水灣道又快又唔會塞車！

點知佢就講左一句 "哎呀, 頭先唔記得問..去觀塘道啦. 差不多咋.."

點知, 去到觀塘勁塞車, 又多燈...萌死我!!原本行清水灣道15分鐘必到既, 佢同我行左成半個鐘先到, 仲要比平時搭開既貴左差不多10元.

我落車個時, 我就同個粉腸司機講 "我只係會比60元既, 平時我搭開都一定唔會超過60元既!!" 跟住就落車!

唔好以為我大肚婆好蝦D呀~~~~~~

單買一罐奶粉已經比一次過買8罐 (一箱) 既貴嫁啦....仲要加多30元送貨費, 甘呢罐試驗奶粉物好貴..甘唔抵既事, 我真係唔想做.

但又真係需要先買一罐試驗奶粉比郁郁B, 因為唔知郁郁B飲左會唔會有敏感...

正當我煩極之際, 我突然靈感到~~

反正只是一罐奶粉咋, 我物叫公司既速遞去幫我拎LOR~~

哈~甘我就成功慳左30大元啦~~~~~我真係好鬼聰明呀~~~十個醒~~

哈~係呀~真材實料嫁麻~~~

我地去左始創既小魚滋味, 今既又唔算好多人WOR, 之前經過親都好鬼多人..

我地傾左好耐計呀~~潔怡同以前都冇物點變過, 感覺都係好風紀甘~~(以前佢係中學時係學校既風紀隊長)

一樣都係好似大姐姐甘~~~感覺好親切呢~~

郁郁B:多謝ANTIE 潔怡請我同媽咪食左一餐好好味既晚餐~~

 人渣老闆問: 阿kid呢?

 阿ken答：佢今早發燒, 所以請了病假。

 人渣老闆就話: 下, 佢都未做哂d野嫁!!(語氣係好萌甘樣既)

** 大家可想而知. 我公司既老闆係幾甘人渣啦~未做哂d野就連病既權利都冇, 每次請親假都有說話聽嫁!!!

郁郁B, 你真係要生性呀~~媽媽為了你先會係呢間人渣公司繼續做落去嫁咋! 我地係呢度連人都不如嫁!!