郁郁B係我肚裡面已經8個月啦~~

我個肚已經有成41"甘大啦~~好似異形呀~~哈~~

我都感覺到郁郁B越來越大隻~越來越強壯啦~因為佢而家踢得真係好鬼死大力, 郁又郁郁得好鬼大範圍~~

真係一個字"強"

入院既用品都準備得七七八八啦~隨時都準備好迎接郁郁B既來臨~

雖然明知道生產時會好痛好痛既, 但我真係寧願郁郁B快D出世~

等我睇下郁郁B呢個反斗星既盧山真面目係點樣既~~(睇下同我夢裡面既係咪一樣既~)

仲有~如果你出左世仲係甘反斗既話, 我會毫不留情地打你PAT PAT呀~~

郁郁B出世最後倒數8星期~~~~~

真係好鐘意~~但我打過去吉之島問, 佢地都話佢地未有呢款車仔賣, 新華個度先有~~勁新~勁型~可惜勁貴....

http://www.combibaby.com/goods/babycar/ricco.html

而且昨天去到旺角一間賣BB野既樓止鋪, 見到一架可以BB向住我又得, 背住我又得既COMBI BB車, 真係好正. 個款又靚, 又可以平放, 適合初生BB, 可以單手收車, 又唔會太重. 我一見到就勁鐘意啦~~~~~

 但價錢卻太貴了...要成HKD2600..唉, 我地初時都只係預HKD1500左右買BB車既, 而家超出一個DOUBLE呢. 睇黎都係要退而求其次嫁啦...

但個架車仔真係勁掂嫁!!!真係好鬼死鐘意, 郁郁B坐左上去一定好型仔~

車仔都係睇下先, 甘貴真係買唔落手.

但今日買哂D濕星野, 都駛左我成700元呀~~~唔怪得郁郁B爸爸要甘努力賺錢先得哪...

買完野我就入左大圍PIKKI屋企食飯, 哎呀, 火車真係多人到呀~我到左站想落車咋, 反比個D驚死上唔切車既衰人推到我差D就跌倒呀~~~我覺得搭火車個D人真係比搭地鐵既冇禮貌好多~~~好唔鐘意搭火車呀~~~~

好辛苦先去到PIKKI屋企, 食完飯, 再打了幾圈麻將, 輸左68元, 之後我地就去食糖水. 食完糖水都11:45分啦~郁郁B爸爸都係剛剛收工, 我就去搭最討厭既火車返旺角.

返到旺角已經12: 10, 甘夜唔想行哪. 諗住搭小巴可以返到屋企門口, 點知原來尾班車係12:00 WOR, 係勁失望之際, 聽到後面有把聲大嗌 "係咪搭車去大角咀呀?" , 我回頭一望, 就見到這架可以返到屋企既小巴~我就馬上衝上去啦~~

哈~我又慳左拾幾元的士錢啦~~~~

但最後得返我一個人去, 因為郁郁b爸爸要為奶粉錢去努力開工..都有d失落嫁, 見到人地有老公陪埋一齊去聽, 我就得自己一個人...

聽完講座, 的確係對整個分勉過程清楚左, d人成日話個子宮開左幾多度, 原來每度就等如1 cm，當你既子宮開夠3度(3 cm), 佢地就會推係入產房預備, 係產房等到子宮開夠10度(10 cm)先至可以真正用力把bb推出黎..子宮度數開得越大, 代表會越痛之外, 就代表bb越來越快誕生嫁啦~所以我為左郁郁b, 我係唔會驚既~~~~

聽完講座就做檢查哪, 第一環就係我最擔心既磅重..63.7kg, 哈~~上次62.9 kg, 今次都係重左0.8 kg咋~姑娘都讚我體重正常返呀~~

我就話~梗係啦~我冇食過我最鐘意食既雪糕同楊枝金露呀~~我忍得好辛苦先有呢個成果嫁~~~

姑娘就話"甘都好d, 如果你今次仲係嚴重超重既話, 就要捉你入去見醫生嫁啦~~"

跟住姑娘又問我隻腳有冇水腫. 甘我就比隻腳佢睇下, 姑娘話我都冇物水腫呀, 幾好呀.

但我就話 "但我覺得隻介指同手錶呢, 越來越緊甘..係咪隻手水腫呀..?"

姑娘就話"應該水腫唔會去到隻手既, 你呢d係因為你肥左咋!"

跟住我就無話可說哪...

今次終於比我地揀到啦~

我地揀既印傭呢~哈~係夾埋出生年份嫁, 之前都睇到一個都幾好既, 因為佢自己本身有小朋友之餘, 係本地打工時都要照顧BB的，可惜的是, 她是跟我細佬同年的, 即係話她是屬狗的!!!我就即刻唔考慮啦~因為我知道我地跟屬狗的真係好唔夾既..

而家我地揀既呢個, 26歲, 同阿文細佬傑傑一樣大, 甘即係屬雞既, 佢本身又有兩個小朋友. 哈~我地就覺得會好夾啦~~~

仲有現場跟她們同一間訓練學校既同學仔推薦佢好勤勞, 好肯做及好服從。

估計佢最快都要11月中度先黎到, 希望我冇揀錯人啦. 我都唔想換人. 好煩嫁..

揀完印傭，好彩阿文唔駛返去開工, 我地就終於有時間去吉之島買郁郁B既野哪

一去到, 甘口岩係地下個層已經有個BB用品展，見到一件厚身既袍仔都幾口岩冬天出世既郁郁B, 都係41元咋, 甘就買左件比郁郁B哪~

之後又係呢度買左個有獅子圖案既奶粉格~好得意嫁~

跟住就上去嬰兒用品部度再睇, 好快就比我搵到奶瓶煲啦~佢而家1 SET甘賣, 有個煲, 有4個8安及兩個4安既PIGEON奶瓶。仲有計時器啦, 同保暖袋, 全套都係320元~~真係幾抵！

本來諗住買揹帶既, 但又睇唔口岩WOR, 好貴WOR, 所以想再睇定D先~

郁郁B既衫仔都已經擺滿左一個大膠箱啦~~

初生尿片有四包~應該真係好足夠啦~

而家最緊要既野都算定好哂, 我個心終於都安心D啦~因為之前阿文天天都要開工(星期六 & 日都要)仲一開工就開到晚上11點幾先返, 我地根本冇機會去買野.

你睇我同爸爸幾甘錫係呀~郁郁B~你夠鐘出世時記緊快D出黎, 唔好要我痛甘耐呀~~