因為我已經過左十二朝, 所以我地就大膽地試下撇甩郁郁B兩個小時(喂飽奶奶, 等佢訓左, 由阿LI監察住佢), 我地就出左去屋企附近新開既紅茶館酒店餐廳度食燭光晚餐哪~~真係好有情調呢~~

頭盆既煙鴨胸沙律, 好好味呀~~~~

阿文既主菜--蒜香雞扒配天使麵

我既主菜--肉眼扒配天使麵(好好味嫁~~~~)

跟住仲有NEW YORK CHESE CAKE作為甜品, 埋單都唔駛150元呀~~抵呀~~~

我地好開心甘渡過左大囍既一週年啦~

期間, 阿文問佢作為一個"爸爸" 同 "老公"算唔算得上稱職~

老實話, 阿文就這兩個角色都做到好好呀~~~簡直可以有100分啦~~

做爸爸方面, 完全有幫郁郁B換尿片啦, 沖涼呀~喂夜更奶呀~同BB玩呀~~樣樣都係爭住做既~我諗郁郁B都會覺得好滿意~

做老公方面, 我生完BB, 傷口又痛, 隻手又痛, 周身都唔舒服甘. 自然脾氣都萌D, 但你都完全有體諒到我, 唔會同我閙交, 又放假陪我, 冇令我流過一滴眼淚之餘, 仲令我覺得擁有你同郁郁B真係我天大既福氣~所以我真係覺得你暫時都仲係一個100分既老公~~

郁郁B為左慶祝我同爸爸既大囍一週年, 特別表演扮城城~

我係舞台王者郁郁B~~

 "誰人用魅力, 誰人願發射魅力..."

 "知否. 在等待一聲.."

 "今生, 讓我愛不停.."

 "望你傾側的背影, 不想在今天夢醒.."

 爸媽  I LOVE YOU~~

 我甘愛你地, 點解仲唔比奶奶我嫁~~~~~

以下仲有郁郁B古靈精怪之作:

每次飲完奶, 郁郁B都會流露呢個超滿足既樣...

 "媽媽, 我求下你快D比奶奶我食啦~~" 郁郁B又用佢既眼神攻勢啦~~你睇下佢對手...

雖然你係100分爸爸, 但我都係鐘意媽媽多D呀~~~~

呢段片係郁郁B同我仲係醫院度時, 未夠鐘派奶但郁郁B已經扭哂計甘要食奶....唉....我都冇哂佢辦法...大家記住把聲量收細呀. 因為郁郁B既獅吼功都幾勁嫁...

呢段就係郁郁B懵醒醒甘食奶咀.....真係好懵甘樣嫁...

故此今次只係由我跟阿LI一起去健康院, 不過都OK WOR~~我都處理得好好呀~~

因為我知道第二時阿文返左工, 都只會由我跟阿LI帶郁郁B去健康院~今次就當係一起預習哪~

好開心既係, 醫生話郁郁B D 黃都差不多退哂啦~~而且體重正在合理地增加中, 今天有3.91KG(即係8.6磅)啦~~

只須要下星期一先須要再去覆診哪~

不過, 原來下個星期一已經是26號哪. 我放產假都差不多放左一半哪~~真係好唔捨得呀~~~好快就要返工哪~~~~

自從郁郁B出左世, 郁郁B爸爸就周圍將手機裡面既郁郁B相片比人睇, 攪到好似變左另一個阿華甘, 阿德就頂唔順甘忠告阿文叫佢唔駛成日都拎BB D相同圍比人睇. 除非真係好耐好耐冇見, BB 相又真係好得意既先拎出黎比人睇下~~

但我都明既, 郁郁B真係好鬼多表情嫁. 個樣又似足個老豆甘鬼搞笑WOR~~唔信你地自己睇下哪:

 呢個就係掃緊風既樣....

 呆滯的樣子..

 我唔鐘意爸爸既鬚根呀~~~

 伸舌頭~~吹波呀~~~

 唔滿意既樣

同媽媽一同睡覺

 像龍眼核般的黑眼睛

 這是今天的郁郁B

我就開始煩緊究竟幫郁郁B擺滿月酒好, 定擺百日宴好.

郁郁B爸爸就贊成擺百日宴多D. 因為到時郁郁B都有100日(三個多月大), 會比較大粒, 比較強壯, 應該什麼都會比較穩定.

但係, 老人家們好似都唔係甘接受到百日宴. 口裡常常說著"滿月有早冇遲既", 我們就是不放心要郁郁B只有一個月大就要被那麼多的人圍著, 個個都抱下. 一來會容易被感染病菌, 二來郁郁B見到甘多陌生人肯定會受驚...

但唔比人抱, 又會顯得我們太過緊張郁郁B, 好似好MEAN甘...特別係我奶奶哪, 我已經想像到佢一定會整晚都搶著抱住郁郁B周圍同人SOCIAL. 佢講野又鬼甘大聲, 我覺得佢一定會嚇親郁郁B LOR....

佢甘樣玩完一天, 拍拍羅佑拍拍手就走左去, 第二日我地返到屋企就要面對返郁郁B受驚後遺症....(勁扭計)

另外, 無論係擺滿月酒定百日宴, 要請咩人都係我地主要煩惱既事....事關又係我奶奶LOR..佢堅持今次我地一定要請埋阿文既舅父(預一圍), 本來郁郁B爸爸最親的都已經預了兩圍了. 我既娘家方面. 無理由男家有成三圍, 我卻只有三人嫁(我爸, 媽, 我細佬), 甘又預計要請埋我既阿叔, 阿公, 舅父, 呢度又兩圍, 甘即係總共係5圍.....我地邊有甘多錢呀....

當2500元一圍都要成萬元哪.....唉........那裡來的成萬元呀~~~~

所以我真係好想中一次六合彩頭獎呀!!!!!!!!!!

我就立刻食左5大舊豬腳~食完之後個身就好鬼慶~唔知係咪就係d豬腳既關係呢!!

真係好好味呢~~~~~