於是, 昨晚開始再試加多20ML奶比佢, 即係7安奶

點知佢飲完7安奶之後, 先真係好滿足甘, 咀仔冇再咄咄.....

真係估唔到, 郁郁B都未夠2個月, 已經要飲7安奶先滿足到...

我諗呢方面, 真係遺傳左佢爸爸既..話說郁郁B爸爸小時候都係肥BB一名. 飲奶既記錄係飲完8安奶之後, 要再飲8安水先滿足....

睇黎郁郁B爸爸真係要努力D去賺奶粉錢先得哪..

終於跟大郁郁B兩個月既堂家姐碰面

呢個就係阿文大佬既女兒啦, 叫雲熙. (我覺得佢一D都唔似阿文)

由於兩豬B相遇既機會好少有, 所以大家都爭相 "左青龍, 右白虎"甘抱住兩個B影相呢~

另外, 昨天下午, RUBY同姮姮黎左探郁郁B, 姮姮真係好活潑呢.

最後就再加插郁郁B精神活力相

怪我一放產假就真係什麼都唔理...

我不在公司, 我有咩可以follow up到?所有file我都交低哂, 唔通要我背哂, 記哂所有既野?

唉..其實係呢間公司, 一早就預左會有勁多冷言冷語, 結婚時有說話聽, 生仔就預左有更多既說話聽..

我真係好想離開呢度.

有冇一間公司唔駛開OT, 但人工又同而家呢度一樣既呢.

不如真係試下搵下, 我都係時候轉工哪..應該係話, 我一路都想轉工, 想左好幾年哪..

只係塗左一天藥膏咋~郁郁B已經好返好多啦~~

昨天帶郁郁B去睇醫生真係一個好明智既決定呢~

唔係既話, 拖下拖下, 郁郁B塊面珠仔都唔知會變成點呢~

你地睇下郁郁B既濕疹已經好得七七八八哪~~終於靚仔返哂啦~~~

呢個係早上的郁郁B, 已經十分之精神哪~佢既笑容一出~~真係好得意呀~~~~~

健康院既醫生話係敏感, 只要唔好用熱水, 而用凍水黎幫BB抹面就得

但到而家都個幾月哪...郁郁B面上既粒粒有增冇減..連眼眉位置都紅哂甘..我就好擔心哪.

於是, 今天終於忍唔住去同郁郁B睇醫生(今次係郁郁B人生裡面第一次睇醫生)

醫生就話郁郁B面上的是濕疹, 是皮膚敏感的一種, 特別是乾燥天氣會更加嚴重

醫生就比左D藥膏郁郁B塗(但他說最多只可以塗兩個星期, 因為藥膏的成份有類固醇), 而且在天氣乾燥時, 就要幫郁郁B塗一些潤膚膏.

真係嚇鬼死我呢~(因為之前問了好幾位已為人母的朋友仔意見, 大家既意見都不一致, 一個話郁郁B熱氣, 一個話係奶疹, 一個話係乾燥...我都唔知聽邊個好..所以最終就決定帶郁郁B睇醫生)

 正傻豬, 出濕疹都甘開心

 眼眉都紅哂呀~~~

 今日陽光甘好, 幫郁郁B戴返頂帽仔先出街~好型仔呢~

 好了~整裝待發~出街街~

 第一次公開郁郁B出浴照~~

洗白白玩水水真係好舒服呀~

 洗完白白, 三叔終於肯抱我啦~

我等左三叔抱我等左個幾月啦~~好開心呀~