12/06/08正式開始動工拆野啦~~

13/06/08 我地上過去, 師傅既速度真係好快呢~~一天已把舊的灰全部剷哂哪~~~勁~

我地已揀好左廳, 房, 廚房及廁所既磚哪~~

最後我地都係決定係香港買算哪, 因為係深圳買冇錯係平, 但會有貨不對辦既風險, 我地裝修既時間已經夠趕的了, 真係無時間再換嫁哪....

所以寧願係香港買, 貴少少, 但免生枝節麻~~

哈~~真係好開心呀~~~新屋企大好多~~郁郁B會多好多地方活動哪~~~

太麻話, 農曆七月唔可以搬屋, 所以我地應該會係8月31 (剛好係農曆既八月一日) 先搬, 舊屋9月3日就要交吉, 時間好緊迫呀~~

希望事事順利哪~~

郁郁B都唔怕行雷既

前晚無啦啦成晚都行雷甘, 初期都唔係好大聲既, 後黎越來越大聲, 我都係怕郁郁B比雷聲嚇親, 所以就抱左郁郁B同我地一齊訓.

點知, 郁郁B根本就沒有被雷聲驚動到甘, 訓得好林...

甘...都係好事黎既....

個豬欄就黎唔夠郁郁B訓哪

今早臨出門口, 發現郁郁B自己玩玩下訓著左, 見旁邊有好多玩具係度...

郁郁B真係好高呢, 好似隻腳好快就頂住床邊...

我地想買返張正常既三尺床比郁郁B係新屋度訓, 但佢又甘反訓....真令人擔心佢會碌落床呢..

郁媽就跟郁郁B面對住面, 跟住就講 "BB ~ BOOM BOOM呀~"

點知郁郁B真係聽到後就輕輕用佢既額頭仔碰一碰我既額頭~~

哈~~~我覺得好得意呀~~~~

原來郁郁B真係聽得明我地講野嫁~~

不過佢唔應我, 係真係佢唔想應我咋...

我地玩左好耐BOOM BOOM~

郁媽比郁郁B更開心~~

呢個係我新買黎訓練郁郁B去便便既便筒~郁媽好鐘意COMBI~因為覺得佢好實用及顏色好令~ (由於只係試用性質, 所以係冇除到片片既)

郁郁B坐巴士多數都係由郁媽抱住既

郁媽會同郁B玩下 "點蟲蟲"

郁郁B坐到幾嘆~~

郁郁B已經好叻自己拎奶樽

佢張食飯椅有兩隻史迪仔~

我幫郁郁B換左新奶樽哪 (我都係剛剛先知原來奶樽都要定期更換既...)

郁郁B食奶個樣都係好得戚..

我係郁郁島既島主郁郁B~~

等我試下D水溫先~

D水溫OK WOR~(你個身都浸左落水哪, 仲試咩水溫呀~~~~~~)

媽咪, 你唔會明嫁哪~~我都係時候要出海啦~~

(呢個係泳池唔係海呀~~~)

再見了~爸~~~~~你唔好留我哪~~我係浪子~~

我既出海生涯就係比大澤哥哥捉到後就結束LU.....

同郁媽細個好似樣..

同郁爸細個又好似....

我一早10:30就起左身, 同阿LI姐姐一齊去買下個星期既晚餐~仲要買埋郁郁B既食物呢~

點知買買下落雨呀~~我地勁狼狽呀~

快快手買完送返去屋企, 就叫醒郁爸同郁郁B要出門口哪~因為我地今日約左C WAI + 老公 + 好耐冇見既 : HARLEY  + 阿珊 + 阿純~

佢地黎到, 主力都係郁郁B哪~~~

佢地個個都好鐘意郁郁B呢~

下次有機會真係要同HARLEY既姪女彤彤 (又係叫彤彤呀~~哈~~近幾年真係好多彤彤呢~) 同郁郁B碰下面先得~~HARLEY話佢既彤彤仲頑皮過郁郁B的呢~那真係要見識下, 因為我已經覺得郁郁B好頑皮嫁哪...冇時停甘樣...

由1:00飲茶飲到3點幾, 喂埋郁郁B食奶奶先走, 又行下玩具反斗城 (勁多人) 跟住就返屋企哪~

返到屋企都5:30 LU, 仲要同郁郁B沖涼, 預備郁郁B既晚餐, 我整左 南瓜蓉+生菜碎+龍利魚柳, 整完一大輪, 郁郁B食得好開心~~

但食完唔夠一陣, 佢又扭食奶哪, 始終佢都係鐘意食奶多D, 可能D日本奶粉真係好好味~~

晚上, 三叔 & 珍妹黎食飯~同郁郁B玩到累, 晚上11點唔夠就訓左~

呼~~~~我地就可以平靜地睇埋隻新買既VCD "三國" 我都係為左睇華仔咋...不過整套戲黎講呢...就麻麻哪..有點悶呢...

就係甘樣, 我地渡過左好忙碌既星期六及日, 明天又要返工LU.....