其實早左8月初的時候, 我已帶郁爸去睇我最鐘意既SWAROVSKI度睇耳環, 而且亦都話明比佢聽我想要一對方型既耳環, 但隨著生日既日子迫近, 郁爸每天一放工就返屋企, 都唔見佢有去買禮物比我既跡象....到8月10個日, 都開始心灰意冷了....心想, 今年一定又冇禮物了 (我唔記得舊年我有冇收過郁爸送既生日禮物呢...)

剛搭入8月11日00:00左右呢, 郁爸就古古惑惑甘比左份SWAROVSKI禮物我~~我真的很開心呢~~~~

於是就馬上拆開睇下係咩哪~~~~

但點知都唔係我最想要既方型耳環既.
郁爸話佢唔記得我想要個款係點樣, 所以就揀左呢款比我, 佢話覺得呢款耳環夠閃~我應該會鐘意~
甘其實我都真係幾鐘意嫁~~~~真係好閃呢~~

到8月11日晚上, 郁爸就同我去食我最鐘意既明太子沙律壽司啦~~~真係好好味呀~~~~~~
郁爸仲趁我擰轉身拎紙巾既時候, 慌慌張張, 懶快甘放左一盒又係SWAROVSKI既禮物盒比我~
真係估唔到我會收到兩份禮物呢~~~~
拆開這一份, 就係我想要既方型耳環啦~~

郁爸話昨天那一對耳環不是你想要的那款, 所以而家補返你想要既耳環比你~
我真係冇想過郁爸會甘做呢~~所以真的很驚喜, 原來郁爸有時都識得氹下我開心, 唔係剩係識得激我既~
就係甘樣, 我就好開心甘過左我既永遠25歲既生日啦~~~~~~

重要通告(2008-8-10)：
本站的伺服器近日受到嚴重惡意攻擊，以致用戶在這幾天無法進入，經過一輪系統升級後，直至今天下午我們才能重開。
由於本站的伺服器現在仍然受到攻擊，因此在這段期間網站會較為不穩定及速度緩慢，會員可能無法進入本站。
另外，我們懷疑這次攻擊是QOOZA的對手或其他網站所為，我們已報警求助，希望警方能早日找出攻擊者，將其繩之於法！
如近日對各會員做成任何不便，我們深感抱歉！
 

物d人甘衰嫁...快d捉到佢就好了~~~

係呢度POST返郁郁B之前既一些相, 好好笑的~

PART 1 -- 郁郁B的食相

MUM MUM黎啦~

食完MUM MUM好滿足的樣子

點解隻腳要甘擺既呢....真係唔明呢....

郁郁B個樣好衰呀~~~

PART 2 -- 8月2日郁郁B的太麻麻壽辰

太麻麻個生日蛋糕好令呀~~

味道都好好, 我已試食過了~

太麻麻抱住我就好開心嫁啦~~

而我呢, 有蛋糕食就好開心~

快D影完等我食蛋糕啦~

晚上去酒樓食飯, 家姐仔都有出黎呀~~

家姐仔食MUM MUM時好定嫁....

而我就係冇時停既~~~影相時都係甘話~

同爺爺麻麻影相, 你地睇我幾淡定~有咩大場面我未見過呀~

但家姐仔就好驚驚, 仲喊喊TIM, 於是我就安慰下佢LOR~

大合照~個個都笑~我偏要COOL D~

同郁爸 & 郁媽的合照...仲有七姑婆....個樣冇可再衰....

郁爸三兄弟~~(郁爸排第二, 所以郁媽係FACE BOOK古惑仔既頭銜係 = 二嫂, 哈~~好勁~~~)

PART 3 -- 8月3日郁郁B太公公飲茶

我同婆婆好襯色呀~

茶樓又係我搞搞陣既好地方~~~台面有好多野比我玩呢~~~~~

(郁媽已迅速地把郁郁B可以觸及地方既碗碟移開哂哪~郁郁B既奸計無法得呈~~~哈哈哈~~)

昨天9點起身時, 阿LI姐姐就話比我知郁郁B發燒呀, 有38.5度

由於屋企沒有適合BB的退燒藥, 甘我就打去BOOK郁郁B之前睇開的那位醫生哪

點知9:30打去, 都要話11:45先到郁郁B

冇計哪...唯有照等哪

11:30去到診所, 都要等到12:45先有得見醫生.....呢位醫生都係旺...

醫生話郁郁B有少許感冒初起, 有少少鼻塞...呢幾日都會發下燒,又退下,又發下甘嫁...

最緊要睇住佢發燒就比退燒藥佢食, 甘就會慢慢好....

的確, 郁郁B這兩天,就係間斷地發燒, 食退燒藥, 退左燒, 又再發燒.........

當郁郁B發燒既時候, 最高去到39.5度嫁..佢會成身都震哂嫁....我見到郁郁B甘辛苦, 真係好想哭呀......

但郁郁B退燒之後, 又變返好似之前甘頑皮倒蛋...

冇發燒時....仲係好開心甘...

冇發燒時..係甘玩

冇發燒時..咬紙巾

冇發燒時..啪窗...

冇發燒時..係甘啪窗

冇發燒時...一路啪窗一路大嗌

發緊燒時......食左藥,昏睡中

發緊燒時......高燒中, 個樣好可憐呀...

發緊燒時......睇下個咀仔幾紅...

發緊燒時......雖然成身都好熱, 但就係甘震...所以要甘樣包住佢

發緊燒時......木無表情...

郁郁B, 你快D好返呀, 擔心死爸爸媽咪哪!!!!!!

因為新呢度係諗住會長住, 所以樣樣野都盡善盡美~~全部都係我地既至愛先會買, 簡真就係不惜工本~~
今次認真大出血啦~~~

1. 高清大電視(已買)~我地遲D連黑椒粒暗瘡都睇到啦~~~
2. 安全勁WATT 電磁爐(已買)~~有4400WATT嫁~
3. 健康護脊4尺床褥(已買)
4. 電視櫃(未揀掂)
5. 梳化 (有貴妃椅的) 已揀好係海馬買, 但未買~
6. 6櫃桶床, 應該都會係翡翠度買, 未買
7. 大衣櫃, 須訂造
8. 梳化旁邊的小櫃, 須訂造
9. 郁郁B的床, 未買
10. 所有既門 (大門,房門, 廁所門..)
11. 抽油煙機
12. 鋅盤
13. 座廁
14. 洗手盆
15. 水龍頭
16. 鎖
17. 食飯桌

暫時諗到係甘多......唔知仲有冇漏呢....

黎緊8月2日係郁郁B既太麻麻(郁爸的麻麻)壽辰
今年是太麻麻有"甩" (孫仔既仔)陪佢慶生日~~太麻麻一定好開心哪~~
但同樣是郁郁B既太麻麻(郁媽的麻麻), 就連郁郁B一面都未見過就離開了....令人有點心傷呢....
不過唔開心既野唔好講LU, 因為我既麻麻永遠活在我的心中~

好啦~~又係時候SHOW 郁郁B哪~~今次郁郁B又係做實Q呀~

今次我負責守住個廁所~~我同爸爸一樣都好鐘意儲盒, 我手拎住既係我既寶貝SNOOPY盒, 而我大脾旁邊的就是我既秘密武器 "僑哥寶盒", 係由保嬰單提煉出黎既~

我甘樣"得"住個門, 有邊個敢埋黎~~

有我守住既地方保證安全~~

去巡邏一下先

有可疑人物~~高速截查~~~

做完實Q好累, 等食"MUM MUM"

食食下"MUM MUM"都要睇住個廁所~