| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
|
|
|
 
2008 年 8 月 19 日 星期二 
|
環保郁郁B   |
|
我打算幫郁郁B在家的時候改用尿布~
用尿布的好處:
- 慳錢, 長遠黎計係絕對平過用紙尿片既
- 好乾爽,唔會有尿布疹
- 環保，紙尿片好難被分解，原理用膠袋差唔多
出街為方便先會用返紙尿片
為左郁郁B, 為左呢個地球, 為左郁媽既銀包~~
希望郁郁B都多作配合~~~
多謝合作！
|
|
|
|
|
2008 年 8 月 18 日 星期一
|
為食豬郁郁B |
|
郁郁B絕對係一假冇物牙仔(得下面有兩只牙仔)但又超級為食既BB
因為每一次郁媽或郁爸食野, 佢都一定望到實一實, 仲對住你吞口水TIM....攪到你都唔好意思唔比啖佢食....
而且佢又勁快就食完, 又再要WOR....睇黎遲D郁爸要做多幾份工先夠郁郁B食.....
首先係大爺甘食奶..
郁郁B食奶既時候係極之唔專心的, 任何事都可以引起佢既注意...
食到成咀都係......
係唯一食野時可以叫做定D既.....
污咀郁郁B~~~~~~
好滿足的樣子~~~~
郁郁B又預備食早餐哪....
今天的早餐是郁媽的化妝袋......
真係好好味既咩....???
食完就好滿足既樣.... (我真係覺得郁郁B經上次發燒後好似塊面珠冇甘肥甘哪..)
我地星期日去了探郁爸朋友仔既初生BB~~呢個BB叫小悅呀~佢係同郁媽一樣係8月11日生日嫁~~~~
好耐冇見過甘細粒既BB啦~~真係好得意呀~~~
邊個偷拍我呀~~~
你地唔好偷拍我啦~~~
我未訓醒, 未洗面, 未刷牙, 未SET頭, 未化妝...唔好望住人地啦~
小悅有一雙纖幼的美腿~~
小悅都幾好中氣嫁........
郁爸都好開心~~好似以為呢個係佢個囡~
一家四口~~HEHE~~~~我都想要個妹妹呢~~~郁郁B個樣都衰呢..
郁郁B見到郁媽 & 郁爸抱住第二個BB, 但一點吃醋的反應都冇呢....只係自顧自的照樣四圍爬......
而且,, 仲搶哂小悅鏡....其他黎探小悅既朋友都掛住同郁郁B玩.... |
|
|
|
|
2008 年 8 月 15 日 星期五
|
討厭的七月十四！！ |
|
早在上個星期, 已問定郁爸七月十四唔駛返夜嫁何~
郁爸都話唔駛, 因為奧運期間, 佢地都唔會郁個SYSTEM, 怕有任何影響就唔好..
點知昨午郁爸突然間話比我知佢要開夜呀~~~~
OH ~~~MY GOD~~~~~~~~~
自從上次的02事件, 我真係好驚嫁~~仲要係七月十四WOR~~~~
唯有又係搵郁郁B陪我訓哪.....仲要開埋房燈先敢訓呀.....
郁郁B訓到4:00度又無端端醒左, 但又冇哭呀....甘代表佢唔係肚餓啦 (平時佢半夜醒左一定哭得好淒涼, 一定要開支奶先氹返佢訓覺)
跟住郁郁B就向左向右甘宗, 好似飲醉酒甘..而且又係甘望住房門口...
我真係好驚呀.......
氹左好耐, 郁郁B先肯訓返覺.
跟住5點幾..郁爸先收工回來了,
但好搞笑既係, 我訓到半曚鬆, 郁爸入房拎衫褲去沖涼, 出去時熄左我既房燈, 我就下意識甘醒左..
跟住郁爸就說了一句 "我返黎哪, 唔駛驚哪~"
我聽完郁爸呢句說話之後, 唔知點解我又真係好安心甘就訓返覺LU..
仲訓到成10點先起身~一醒左睇到個閙鐘先知訓過龍~~~~
即刻打返公司報案同拿拿聲換衫返工~~~~~~
七月十四真係好討厭呀~~~~~~
|
|
|
|
|
2008 年 8 月 14 日 星期四
|
兩部相機 |
|
係我地屋企, 有兩部相機, 主要都係用黎影郁郁B既, 一部係CASIO, 郁郁B初出世時既相都係用呢部機影既...感覺好似唔夠清甘, 曬D相出黎好曚甘..
PIKKI話SONY既相機影出黎好清, 我就拿拿林買左部SONY既相機哪, 近期所有郁郁B既相都係呢部新機影既.
大家可以比較下 :
呢張係CASIO相機影的, D色有點偏紅, 而且最好的優點是相片右下角有日期顯示..
呢張係SONY相機影的, 顏色SHARP D, 色有點偏黃, 最衰既係冇日期顯示....FILING時好唔方便...
我見BLOG友小NAT影言哲仔影得D相好令, 佢用既係nikon d80 (單鏡反光機), 但太貴了, 要5000幾元的.
唉, 又心思思想買過部相機TIM...最衰相機唔似得手機甘, 可以TRADE左去加D錢就買部新的..(之前問過, D相機放返出去, 得300幾元嫁咋)
都唔知放黎做咩.....
唔知各位有冇相機推介呢...
有既話, 請話比我知呀, 等我比較比較一下~~~
講返郁郁B先~
郁郁B又玩緊佢個 "僑哥寶盒"哪...
見媽咪影相又走埋黎~~有得分咩~~~
郁郁B你有好大滴口水呀~~~~~~
終於見到郁郁B條頸啦~~有摺既...
好清楚見到郁郁B下面的兩隻牙仔呀~~~ 得兩隻, ONLY TWO!!!
郁郁B扶住梳化邊就可以片黎片去~~
郁爸又整鬼郁郁B哪..
郁郁B甘專心...唔方好野...
郁郁B究竟望緊D咩呢..
望得甘入神, 媽咪影左佢幾張相都冇理我..
叫十聲先應一聲的郁郁B
郁郁B好開心呢, 佢FING緊D咩呢~??
又唔比媽咪拎走去,,,媽咪一拎走佢又要搶返
原來係佢今天既早餐...SONY相機....
SONY 相機好好味呢~~
|
|
|
|
|
2008 年 8 月 13 日 星期三
|
郁郁B係小吉！！ |
|
我地好懷疑, 郁郁B真正既身份, 其實係小吉！
因為郁郁B真係咩都咬一餐...台角, 電話, 電話繩, 包裝盒, 食物盒, 郁爸, 郁媽.....郁郁B都好鐘意咬...有相為證
哎呀~比媽咪發現我咬個盒TIM...點算呢.....
唯有用特異功能...你睇我唔到...你睇我唔到....你睇我唔到.....你睇我唔到......
下...物原來你都係睇到我嫁....
仲有昨天郁郁B黎接郁媽收工呢~~~
郁媽的同事就好開心甘同郁郁B玩~
今早的郁郁B --
電話繩做早餐~~正~~~
跟住到郁媽既銀包遭殃....
郁郁B好鐘意媽咪個銀包.....既味道....
呢張隱約見到郁郁B下面的兩隻牙仔....既影....
郁郁B郁得太快哪.....影相成日都朦甘.....唉........邊D相機先影到郁郁B嫁...
媽咪~~你影我唔到嫁啦~~~
郁郁B在足口水波...又係唔知佢幾時學識的...
郁郁B塊面好似瘦左又尖左甘, 冇之前甘包包臉LU..
|
|
« | 76 | 77 | 78 | 79 | 80 | 81 | 82 | 83 | 84 | 85 | ... | 174 | »
|
