一早11:00, 郁爸同郁媽就同郁郁B去左啟思幼兒園既開放日~

郁郁B去到, 姐姐派了氣球給郁郁B, 佢就好開心甘係甘用個氣球篤我......

係啟思幼兒園既遊樂場玩得好開心呢~~~

爸爸去學車, 郁郁B都在學車~~

郁郁B上到車真係似模似樣甘WOR~

開得車未呀~

原來呢架車係"聰明笨伯"型黎嫁~~~郁郁B好似唔係甘易控制到WOR

唯有我呢個偉大既母親幫阿仔係後面推車哪~

郁郁B真係揸到堂"軚"實一實呀!~

郁郁B在倒車, 方原十里既人都要彈開~

郁郁B既新居~~太細了, 只係夠郁郁B入去咋~

開左個窗~睇下隣居先~

新屋都算光猛WOR~

做咩生日都唔肯同郁爸影相呀~ (因為要趕住落地地玩麻)

郁郁B就係拎住呢個氣球係甘篤我呀~~仲要摭住我TIM~信唔信我CUT哂你D卡呀~~

算你知驚~唔敢再摭住媽咪呢~

跟住去到吉之島又坐車車, 但我發現係唔可以比佢坐呢d車車既. 因為郁郁B會攪我放左入籃既野攪到反車甘滯...

FANS C WAI & HER HONEY送給郁郁B的生日禮物--相片砌圖, 真係好有心思呢~~

P.S. C WAI比既廚具更加實用~~~THANKS~~

呢D就係郁郁B收到既生日禮物啦~~~左邊個D白鳳丸係我媽買既...唔知點解郁郁B既生日禮物都有我份呢~哈

郁爸同我買比郁郁B既, 上面本來諗住印一隻手仔印, 一隻腳仔印, 但後來發現郁郁B隻腳仔太大...一隻腳板已蓋過哂D泥膠..所以最後只係印左郁郁B兩隻手仔印~~

仲有小小蛋糕呢~~

有冇見過人甘樣吹蠟燭嫁~~

郁爸幫郁郁B吹蠟燭~

但好不幸,郁郁B係冇份食呢個蛋糕既~因為郁爸話郁B仲咳咳, 所以唔可以食WOR~

攪到我食蛋糕時, 郁郁B指住我講左一句 "媽媽MUM MUM呀"~~~~~哈~~~

阿LI姐姐都有送禮物比郁郁B, 就係插係郁郁B後領既酒樽....唔係, 其實係保齡球套裝

阿LI姐姐真係搵自己笨實哪~~~郁郁B係好開心甘玩, 但玩完之後, 阿LI姐姐就要執餐死哪~~

而家~你只要問 "栢僑你幾多歲呀~~~??"

跟住郁郁B就會舉起一隻手指話比你知佢一歲嫁啦~~~好得意呀~~~~~~~~

不過, 郁郁B之前因為氣管發炎, 入左醫院幾日, 真係嚇到我同郁爸鼻哥LOAN都冇肉~

雖然郁郁B已經出左院幾日, 而家呢, 就仲有幾聲咳, 因為仲有D痰未清得哂, 仲食緊醫生開既藥, 由於郁郁B都未算完全好返哂, 為了比郁郁B多點時間休息, 故此被迫取消埋11月8日既 "小英+郁郁B聯合生日PARTY"!!
 

大家又唔駛甘擔心, 郁郁B而家已經好返好多嫁啦~~而且仲同以前一樣食返8安奶TIM, 塊面珠都脹返哂LU~~

特別加插郁郁B在醫院的笑片~~~~~~你地估下佢做緊咩~~~哈~~~

郁郁B係醫院好返D就冇時停嫁啦..

但到左星期四 郁郁B呼吸喘得很利害~~醫生話佢唔止喉嚨發炎, 而家係連氣管都發炎呀~~已經開左D鬆氣管藥及抗生素比郁郁B, 而且, 醫生話如果食左藥都仲係喘氣得好利害就要入醫院.

到星期四晚上10:30, 郁郁B又發燒, 有38.5度, 而且喘氣喘得很利害, C TING媽媽也過來幫郁郁B睇過, 認為真係喘得太利害了, 所以叫我好馬上同郁郁B入醫院了.

我一知道要同郁郁B入醫院, 立即就變得手忙腳亂甘, 剛巧,郁爸今晚要開OT, 到而家都未返, 而且打極電話都話"未能接通"

個一刻真係急死我了！於是我就試下打比有機會同郁爸一齊開工既同事, 我諗我都真係嚇親郁爸既朋友既同事, 係呢度要講聲唔好意思...因為我實在失哂方寸了...

終於係我出門口個一刻, 郁爸就打黎啦~於是就叫佢係醫院度等我哪.

去到醫院, 先見過醫生, 佢都話郁郁B真係喘得幾嚴重, 所以就馬上安排郁郁B入院同埋去"聞氣"以舒緩氣喘, 仲要吊鹽水TIM, 因為郁郁B都冇物胃口, 食得好少奶咋~

姑娘要幫郁郁B在手上插鹽水時, 我和郁爸在房外等候, 聽到郁郁B好大聲既哭聲...我都好想哭呀~~~~

聞完氣, 插完鹽水就上病房, 郁郁B已經好累了, 一上床,唔理係咪生保床都訓著左了..

跟住當晚就由郁爸留係醫院睇住郁郁B

到星期五, 我一放工就去醫院睇郁郁B, 郁郁B已經精神返好多, 不過由於仲吊住鹽水, 限於只能在BB病床上行黎行去. 氣喘方面已經好好多, 冇第一日甘利害哪~

郁郁B又成日郁黎郁去, 搞到吊住鹽水既喉成鬼日打哂結, 搞到部鹽水機BI BI聲響, 又要勞煩姑娘黎搞返好佢...

真係個個姑娘都認得佢...

今晚開始就由我留係醫院照顧郁郁B哪~

郁郁B已經可以食返多D奶哪, 所以星期六一早, 就要求醫生幫郁郁B唔好吊鹽水哪~甘郁郁B就可以落地地行下, 唔駛成日困係張病床上甘悶哪.

點知郁郁B一可以落地地, 就周圍走, 搞到D ALARM成日響, 又要勞煩姑娘熄返個ALARM..

一係郁郁B就成日走去護士站, 係甘撞向D姑娘既PAT PAT度,,,,,,,我估郁郁B都唔係特登既,,,但D姑娘真係同佢玩得好開心呢....搞到D姑娘話佢係咪咋病嫁甘.....

甘都好既, 好過郁郁B冇里精神甘物仲難過~

兒童病房真係好令嫁~每間房都有卡通壁畫, 郁郁B今次住既B322A就有"毛仔"既壁畫哪~

郁郁B剛入院時個樣真係好可憐嫁...

所以好快就訓著左哪

佢隔離個部就係鹽水機哪..

第二日郁郁B已經精神左好多哪~但郁爸就累到想死....

因為吊住鹽水, 所以只可在床仔上活動

郁郁B搞到條鹽水喉打哂結, 繞住哂隻手...

第三天鹽水已經拆左, 但仍留有個"豆豆"黎打針用..

唔怪得姑娘都話佢咋病哪......

一得閒就去護士站度玩

仲捐去茶几...

郁媽留左醫院陪左兩晚, 個樣殘到呀..仲似病人過郁郁B

到第四天, 終於可以出院了~~~等緊郁爸黎接我地出院呢~

郁郁B出得院幾開心~~好野~可以返屋企了~~

返到屋企, 我地就順勢幫郁郁B搬到大床度訓, 唔再訓BB床哪~~

郁郁B返到屋企仍然好O爹呢~

郁媽知道要同郁郁B入醫院時, 思緒混亂到極點:

平時我都叫我自己做阿YO嫁麻~~唔知點解係那個思緒混亂既時候, 就係甘同人講 "我係阿汶既老婆呀"搞到郁爸既朋友都唔知我係邊個......

去到醫院, 姑娘問我要二人房, 定三人房, 我竟然以為二人房是兩個大人陪一個BB.....三人房就是能讓三個大人陪一個BB既意思....

到上到去病房, 姑娘問我關於郁郁B既病曆, 例如有沒有藥物敏感甘, 跟住姑娘問我 "係唔係第一次入醫院", 我竟然問返姑娘一句"你指我定BB呀".........

以上,,,,而家諗返真係覺得自己好痴呀~~~~~~~~~~

所以, 只有這兩天晚上11點後, 我才有一點時間去試用這個電腦畫板~

用落, 真係幾好呢~~~~我覺得最好既係, 上顏色會有水彩既效果~~~

畫錯左, 按一按就可以再畫過, 唔駛擦餐傻既, 又唔駛買畫紙水彩等工具, 亦避免了用水彩時會整到周圍污污糟糟甘~~

以下這幾幅, 由於剛開始使用, 不是掌握得太好, 效果一般咋, 比多D時間我, 一定可以畫得好D~哈

美好被郁郁B..有五隻牙仔嫁~~

畫少女風又得~ 有水彩既效果

ROCK版郁爸~

畫公仔既時候真的感到好平和同好開心呢~~~YEAH~~

今天星期六, 當唔知道自己幾點先收得工時, 已覺得很灰...

明天星期日, 當知道自己明天都要返工, 仲要又係唔知道幾點先收得工, 就更加灰....

唔該....叫我 "灰人" 好了......