上次全靠各方好友既幫忙~~令到郁郁B以5888票當選~(諗起都覺得辛苦大家了~)

終於~郁郁B將會係5月19日上去SHE.COM既影樓度影相啦~~~~

唔好話你地呀~~我都好期待呀~~~~~

不過....今次我去唔到陪郁郁B影相呢....因為公司請假最麻煩...

好彩~~我地仲有郁爸麻~~~~

今次就會由郁爸帶郁郁B去影相~

希望到時郁爸可以用自己相機影D花絮比我睇下先哪~~~

話甘快, 5月8日, 郁郁B就足左歲半了~甘樣代表D咩?

代表郁郁B要打六合一針啦~

去健康院做發展監察同打支唔知咩針啦~

仲有, 最重要的是, 歲半既郁郁B, 已經講到唔少既單詞

例如有佢而家成日講既所以講得最正最好既: "奶奶" "MUM MUM" "姐姐"

不過郁郁B叫我呢, 佢仍然係都叫"吾媽~", 郁郁B叫爸爸, 佢又係叫"吾爸~" (兩個音完全一樣,,,,點都唔肯正正常常叫爸爸媽媽)

郁爸見郁郁B唔肯叫佢做爸爸, 索性教佢叫"老豆"~哈~郁郁B又真係講到"嚕豆"~~

郁爸教導之下, 仲學識講以下單詞

戴頭(大頭)~!

借(正)~~

吾之到(唔知道)~

靴各度(去個度)!!

吾妖吾妖(唔要唔要)!!

吾好(唔好)!!!

仲有一樣野最得人驚, 就係一般只係由大人同BB玩既"BU 咋", 郁郁B竟然自己同其他既BB玩, 係甘呢埋, 突然出現, 大叫一聲"咋~~~~"

郁郁B你以為自己真係大個仔呀~~片你都未介就竟然學人玩"BU咋"~~~~你好似未夠班WO~~~!!

雖然你既體型比一般同年齡既BB都大份同高, 但唔代表你可以玩BU咋呀~~~~~~~~你玩左BU咋, 甘媽咪同你玩咩呀~~~~

算罷哪, 郁郁B都係唔會聽我講嫁哪, 做媽咪要學懂放開, 唔係好易爆血管..

郁郁B都會好不知所措甘, 眼望住郁爸, 手指仔指住郁媽

郁爸知郁媽係扮野, 當然唔會理郁媽哪

但郁郁B就會七情上面, 見到郁媽扮哭, 郁郁B就真哭起來

仲會不斷走埋郁媽身邊, 係甘錫郁媽, 直到郁媽笑返為止

我希望, 郁郁B到了18歲, 28歲, 38歲, 48歲.....68歲 (到時我都90幾歲了..)

都會好似而家甘, 錫返我, 氹返我~~

郁郁B!! 抱著你, 我從心底裡感到幸福 (雖然你好重, 抱得耐對手好累..)

不過, 我都願意永遠抱住你~如果你唔怕醜肯比我抱, 而我又抱得起既話~

預祝天下間每一位偉大的母親~~~母親節快樂~~~

我諗我要等兩年後既母親節, 先可以收到郁郁B整得好肉酸既母親節卡的了..

仲有, CARY既寶貝佩佩~~祝你手術順利, 早日康復!!!郁郁B等著同你玩玩嫁~~~

郁郁B話: 媽咪, 我寧願要其他姐姐抱, 唔駛你抱啦~~~~

郁媽: 不孝呀你~~~~~~~

就算返工好唔開心, 好累, 好想放棄..

但返到屋企, 一入門口, 郁郁B就跑過來, 幫你把拖鞋攤放在地上, 手指仔指一指對拖鞋,

叫我穿上係咪? 郁郁B點點頭仔

把穿了一整天的CONVERSE脫下

郁郁B又衝過來要幫你把鞋子放回鞋櫃(正一管家仔....)

得哪得哪, 媽咪自己放返對鞋就好了. 唔駛你幫手了~~

阿LI姐姐差不多煮好飯, 出來開桌子了

郁郁B立即由梳化跳落地, 把散佈在地上的玩具收拾放在一旁, 仲將佢既私人"登"仔放好

郁媽食飯坐的椅子都已經放好位置了

郁郁B係甘拍拍郁媽的椅子

呢個位係咪媽咪坐既?

郁郁B又點一點頭仔

甘你讓開比媽咪坐先得嫁

郁郁B手放後面向後移了兩步

郁媽坐在飯桌前

郁郁B就開始.....係甘嗌"MUM MUM, MUM MUM, MUM MUM, MUM MUM,MUM MUM,MUM MUM......"

雖然郁郁B頭先一個鐘頭前先食完兩碗飯仔, 但既然郁郁B甘想食MUM MUM, 索性開返張HIGH CLAIR比佢, 比個碗仔佢, 放左D菜菜同節瓜

郁郁B自己拎住隻碗係甘"筆"黎食, 食得好滋味

令我最驚訝的是, 郁郁B自己"筆"飯既手勢真係好熟手呢~

我又再一次覺得郁郁B大個仔好多呢~~~~

郁媽心裡面既狗屎垃圾唔開心, 就被郁郁B DELETE哂LU, 明天做好D!!!

郁郁B比珍姑婆扎邊仔, 我覺得似哪叱多過似女仔..

同郁郁B影相真係一件好困難既事,,,

郁郁B係水池旁邊粒水, 先會拉住我嫁咋..

前個排契媽話想黎探郁郁B, 我當然歡迎哪~

跟住契媽仲比左隻相片DVD比我, 原來就係契媽一直以來所影到既郁郁B相片~

有D我之前都未見過嫁, 我特別鐘意呢幾張:

電眼郁郁B

吹到脹一脹的郁郁B

好SEXY既郁郁B

好精靈的郁郁B

好短頭髮的郁郁B

仍然好乖既郁郁B

大面郁郁B

D頭髮唔覺好曲既郁郁B