最麻煩既就係, 太后話我地查貨要學SGS個D公證行甘, 影哂相返黎做RECORD WO!

紙箱又要影, 裡面點樣裝箱又要影, 幾多隻色既衫又影, 總之物春都要影

都痴9線既!!!!人地SGS睇一款貨要一天, 我地一天都睇十款貨!! 真係冇野搵野黎搞!!正一扒街！

唔講啦, 講起就燥底+萌爆！

郁媽：太后, 我想8月10-12號放大假

太后：星期幾黎嫁
郁媽：一, 二, 三
 

太后：去玩呀?
郁媽：PLAN 緊..

太后：阿KEN知唔知
郁媽：知..

比太后審犯甘審完一輪, 終歸都拎到大假！

好開心啊~由8月8日開始,就放到8月12日啦~~連續五天呢~~YEAH~~

郁爸都會一齊放假呢~~~

快D PLAN下同郁郁B去邊好~~~~

另一件好事就係, 阿LI姐姐頭先食晚飯時話比我知, 郁郁B今天一整天都冇賴過尿呀~~~

包括訓晏覺時冇著片, 都冇賴尿呀~~~

總算有DD成績啦~~~

因為之前郁郁B一開心得滯, 就會唔記得同我地講去痾尿尿嫁哪! 所以一天裡面總有一兩次失手~~

今天係第一次聽到郁郁B冇賴尿~~真係好開心呀~~~

郁郁B由歲半時(5月)開始介尿片, 而家係7月尾, 甘快就有甘好成績~~

一定要KEEP住呀~

媽咪都知你唔鐘意著片片嫁啦~熱熱呀麻~~所以你快D完完全全介到片片~

媽咪就唔駛你再著片片啦~加油呀~~郁郁B!!!!!!!

不過, 難得星期天

總要跟郁郁B出下去公園度玩下既

今次我地同埋睛睛 & 彤彤一齊走返去大角咀, 諗住去返郁郁B好細個時先去過既室內遊樂場玩,,點知, 由於豬流感的關係, 所以沒有開呢...

反正都黎左, 就去左附近的戶外遊樂場玩下啦~呢個遊樂場比藍田的所有遊樂場都要新, 要大~~郁郁B玩得不知幾高興!!!

比我發現有個BB, 褲都唔著甘係公園玩WO,,點解冇警察拉佢露械既???

玩完一天, 運動量爆燈, 郁郁B既體態越來越FIT!!!!

以下補回郁郁B瘋狂玩轉 MEGA BOX 既片

點知一去到, 就知道去口岩左地方

因為今期佢地既主題就係郁郁B既好朋友"史迪仔"

郁郁B一見到史迪仔, 就會係甘叫"迪仔~迪仔~~~" 好似好FRIEND甘~!

郁郁B仲應三嬸既要求, 著左草裙黎同史迪仔一起SHAKE YOUR BODY TIM~~

甘難得撞到, 郁郁B仲即席同史迪仔JAM左一首勁歌TIM~~~

仲同史迪仔傾下心事TIM

同迪仔玩左成日, 返到屋企, 都仲要攬住迪仔訓先得. 郁郁B真係好鐘意迪仔的！

OH~~~~MY GOD, 我同阿LI講左房既KEYS就係鞋櫃頂既小櫃桶度, 但姐姐話搵到D KEYS, 但開唔到房門..

郁郁B係房裡面異常冷靜, 可能由於佢今天有點發燒, 個人好累, 所以都冇好次上次甘亢奮~

上次郁郁B又係自己鎖左自己係房, 個次就郁爸係屋企, 話郁郁B係房度不知幾甘興奮, 不斷甘大叫~~~

不過上次就好簡單, 郁爸好快就搵到房門KEYS把門打開捉返郁郁B出黎..

但今次呢, 事件好唔尋常, 阿LI姐姐搵到KEYS, 但都無法把房門打開WO

於是無計哪, 我唯有同上司申請早走一個鐘, 馬上又飛的返屋企哪..

一返到去, 就係門底既空位同郁郁B講, 唔駛驚呀~媽咪係度呀~~

跟住郁郁B只發出有氣冇力既叫聲: 呀~...........嗚...

姐姐話佢應該係飲完奶奶訓緊覺的狀態, 甘我都冇甘驚, 最驚佢搞D電制, 或爬高爬低...

我就開始試圖把房門打開了, 用了KEYS, 卡片....都開唔到呢..

開始就發現門鎖應該係壞左, 因為正常門鎖, 反鎖左既話, 係出面係擰唔郁既, 不過呢個就插左KEY入去, 係出面係擰到的, 但對門仍然係鎖住開唔到~

我就開始焦急啦~~係甘打比郁爸問點算呀, 郁爸見我搞唔掂, 都同公司講要早走幾個字, 又係飛的返黎..

係郁爸未返到黎既時候, 我用"除仔"試過想打個門鎖打爛.....但係,,,個門鎖打極都唔爛...

我亦都試過撞門.....但係, 撞到個膊頭好痛都唔得......

我又試過踢門.....但係, 都係唔得.....

唯有等郁爸返黎, 郁爸一返黎, 鞋都未除, 袋都未放低就走去搞個門鎖了.

跟住拆下拆下, 就把打鎖拆左落黎了...而家郁郁B房門係冇鎖既...

我地一開到對門, 我做好人既, 當然第一個衝入去營救郁郁B啦~~

那時, 郁郁B是睡在床上, 剛剛訓醒 (好似係我地嘈醒左佢甘..)

地上一片凌亂, 有已飲哂既奶樽, 不過奶樽既咀同個樽係分左既....當中發生過咩野事, 就只有郁郁B一個知道了..

郁郁B形容今次我地衝入黎既情形, 就好似佢沖緊涼突然有人衝左入黎甘..令到佢有一點點的吃驚!!

跟住問返郁郁B當時既情形, 同埋被困時做緊D咩野..郁郁B只係好簡單甘回應..

不過, 幸好有郁爸係郁郁B既身邊, 所以郁郁B好快就唔記得左今次呢件事了. 仲兩仔爺一齊繞腳表示事情已經完滿解決左！！

郁郁B更加表示, 就算以後再被困, 佢都會乖乖地留係床度覺覺豬, 等待救援, 不會私自魯莽作出行動！因為郁郁B畢竟知道自己始終只係一個BB. 呢D野就比大人去憂心好了！

順帶一提, 郁郁B被鎖既前一天, D 曲髮已經走返哂出黎了！

以上全部為設計對白~

郁家特約臨時戰地記者郁媽係呢度既報導先告一段落, 多謝各位收睇！晚安！