| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
|
|
|
 
2009 年 8 月 20 日 星期四 
|
郁郁B畫畫畫   |
|
唔好以為我放完假後返到公司好忙呀~~
其實我係得閒到唔知寫物好, 所以先冇UPDATED個BLOG咋..
我每天都好努力甘扮忙...
近排郁郁B愛上了用一些水的MARKER 筆, 係畫簿 (郁郁B叫佢做簿簿), 係甘畫, 係甘畫~~畫得好開心~~
不過當佢唔小心比水筆畫到佢隻玉手, 佢就停左係度, 係甘叫你"抹抹, 抹抹!!" 一定要係幫佢整走左D水筆跡佢先肯再繼續畫畫........果然係管家仔....
郁郁B拎起支筆都似樣嫁~~~
趴係度畫畫
仲拎支筆扮歌星唱歌TIM
仲唱得好投入呀~~
8月15號, 我地去左佐敦谷嬉水池玩水水~郁郁B泳裝再次登場~!!(其實係上年個件黎既..)
仲有兩位美女陪郁郁B玩水TIM~
8月16日是郁郁B太麻麻既生日, 我地去開生日會, 郁郁B食得不亦樂乎~
去到酒樓, 郁郁B即刻話要打返四圈先WO, 旁邊既係家姐仔, 只大郁B兩個月度的..
叫糊啦?
今天仲見到好耐冇見既細佬佬, 細足郁郁B一年,,,,但,,,好大份..
細佬佬雖然未夠一歲,,,但真係超大份....
|
|
|
|
|
2009 年 8 月 11 日 星期二 
|
郁媽生日 SPECIAL 之 反轉迪迪尼全紀錄  |
|
11/08/2009 早上七時, 一陣很大的行雷聲, 跟住就聽到郁郁B的狂哭聲, 我同郁爸馬上好似衝鋒隊甘, 衝到郁郁B房間安撫返郁郁B. 跟住….仲要大雨到黃色暴雨警告都出埋….
唔通, 連個天都唔鐘意我…..
但最後, 我地都決定起程, 因為我實在冇可能再拎到假嫁啦麻…
出發前黎影張相先~~
 到未呢...   仲有幾耐先到呢...
我們去到酒店時, 只是10點幾, 預先CHECK IN, 跟住寄存行李, 搞掂都11點幾12點了, 於是, 我們決定出返去東涌度食野, 順便郁郁B可以訓一覺~黎一個快叉~
郁郁B累得好緊要!! 有野食都唔理, 要訓覺~ 後尾我地先知原來因為出疹既關係, 所以佢先甘累甘樣..
跟住到左1:30左右, 我地又搭返去迪士尼站, 正式入去樂園行一轉先~一入去就見到史迪仔, 我地就排隊等同史迪仔影相啦~~郁郁B一路排隊, 一路係甘嗌”迪迪~迪迪~” (之前仲係叫迪仔既, 而家仲FD左, 叫迪迪TIM..)
郁郁B好似變左個小FANS甘呢~~
終於到我地同史迪仔影相啦~~
發達啦~郁郁B又攬又鍚又一齊同史迪仔跳舞~~郁郁B真係好開心呢~~~
同史迪仔影完相, 都差唔多3點了, 係時候返酒店拎KEYS啦~順便比郁郁B訓一陣吧~~
我地今次住既房號係3721 (好好記呢) 我們將郁郁B拋落去好大既床上面, 郁郁B都勁開心甘, 彈來彈去, 片來片去~~玩到不亦樂乎~ 有片為證呀~~
訓到5點度, 我地又返去樂園度預備睇6點鐘開始的”史迪仔反轉大街SHOW” 啦~郁郁B真係勁投入~~同好多哥哥姐姐一齊跳舞呢~~
跟住我地就玩左幸會史迪仔 , 不過就英文版, 郁郁B睇得好緊張, 又唔明迪迪講緊D咩,,,
郁郁B唔肯落地地行呢..成日都要郁爸抱住, 所以我地都冇睇煙花了, 7點幾就返酒店等食BUFFET了~
今次我地去左有公仔影相的BUFFET, 郁郁B又勁開心WO, 成日追住跳跳虎, MICKY & MINNIE玩, 一D都唔怕佢地~~玩得勁開心~~
第一天就係冇物玩過既情況下好累甘結束了..
12/08/2009 郁郁B 8:00左右就起在身, 甘我同郁爸都要起身啦~ 不過由於出面又下大雨, 氣溫又變得涼左D, 所以我地都冇去酒店泳池求游水呀..梳洗完落去食早餐,,買下紀念品甘樣..
我食左個58元既餐肉腸仔公仔麵…第一次食甘貴既早餐…
食完早餐, 要預備CHECK OUT了.. 我就正忙著收拾行李, 郁爸同郁B又係度玩,,,仲玩到出走廊,,,仲要唔著褲,,,,
總結左昨天郁郁B唔肯落地行既經驗, 我地今天係酒店度租用BB車, 郁郁B又可以係車仔度訓下, 我地又可以擺下D隨身物品. 當堂輕鬆哂~~~不過唯一既缺點就係,,,,個天始終都唔係甘鐘意我LO..整天都下著微微細雨…
不過, 我地都玩左好多遊戲呀, 木馬啦~小小世界啦~3D影院啦~金裝米奇啦~
仲有水花巡遊, 我地仲好大膽甘企係濕身區~~郁郁B成頭都比水槍嘖到濕哂呢~~ 但真係好好玩呀~~有巴斯光年嫁~
小熊維尼仲玩左兩次, 因為郁郁B拉住我要玩呢~
最後睇多次郁郁B至愛既 “反轉大街SHOW”之後, 我地就開始回家了~~
上面條片, 郁爸話郁郁B其實初頭同兩位令姐姐一起跳舞跳得好起勁的, 但後尾有個夏威夷男子走埋出黎, 郁郁B當堂冇哂癮, 唔多郁LO~~~
見到郁郁B甘鐘意玩, 我同郁爸就JOIN左一年既全年通行証啦~~
除左聖誕節同新年唔得之外, 其他每天, 星期六/日都可以去的~~
甘郁郁B想幾時去探迪迪都得啦~
郁郁B認真比面呀~~郁爸6月份生日時, 佢又係發燒感冒病足幾日~~
到郁媽生日呢~~更加比面, 直頭出埋玫瑰疹TIM. 由07/08/09開始佢就發高燒..每天如是, 我地放五天假既頭三天, 咩街都冇去, 因為郁郁B發燒…
到11/08/09, 郁郁B發燒既情況少左哪, 點知又見到佢頸後面有D紅點~
根據郭醫師既診斷, 郁郁B係出緊玫瑰疹, 就趁這個機會讓大家認識多D玫瑰疹啦~下面張相, 郁郁B塊面珠仔個D紅紅地色既點點就係玫瑰疹哪..
玫瑰疹在嬰兒期相當常見，是個低傳染性的疾病。
好發在六個月到三歲，特別是六到十八個月的幼兒。
典型的症狀是幼兒突然間發高燒，其至高達39到41度，偶而有輕徵感冒症狀外，並無典型的表現。身體檢除了喉嚨可能有發炎外，其他一切正常，雖然高燒不退，但是幼兒的精神活力大致還正常。((郁郁B中哂呢D病徵))
所以在高燒的期間，找不到病因來解釋病情。高燒通常持續三到五天，在發燒退去後或有時在即將退掉前，身體開始出現小顆粒狀的紅疹，很快擴散到臉部、四肢。這時病情已經穩定，再過二到三天疹子自然會退掉。((郁郁B身上既疹已經退得七七八八了))
此病一年四季都可見，不過每年三月到六月病例較多
症狀
感染玫瑰疹時，最主要的症狀便是發燒，且常常燒到攝氏要39度以上。一般持續3-5天。當燒開始退時或已不發燒了，疹子才出現。疹子最先出現在軀幹及臉部，再慢慢向四周擴散，手腳末端的疹子最少。至於疹子的性狀，從小紅丘疹到較大他的斑疹都有可能。疹子約二到三天後就消退。除了典型的「發高燒、燒退才出疹」症狀以外，也可能有一些其他的表現，如拉肚子、咳嗽、哭鬧不安、厭食、眼皮浮腫、頭部淋巴結腫大等。還有約四分之一的嬰幼兒頭頂上的前囪門會鼓起來：某些會因發高燒而引起熱性痙攣。一般來說，玫瑰疹雖然燒得很高，但只要燒退了，小寶寶的精神仍不錯，會玩、會笑，和腦膜炎等嚴重疾病不同。
·突然高燒39℃以上，持續3－5天，之後體溫恢復正常。
·退燒後，身上出現紅色皮膚疹子。
·皮膚疹子1-2天內消失。
·疹子不會癢。
·發燒時大多無感冒症狀，有時在第三天有中度的鼻炎及咽炎。
治療
退燒為優先。 玫瑰疹是一種病毒感染引起的疾病，又幾乎沒什麼併發症，其治療是以症狀治療為主。一般燒退、疹子出來時，並就差不多好了。
注意事項
·發燒時予退燒處理。
·多補充水分。
·保持皮膚清潔，可沐浴。
·給予易消化的食物。
各位媽媽也多加注意啊~~~ |
|
|
|
|
2009 年 8 月 7 日 星期五
|
咬~咬~我咬!!! |
|
郁郁B發現佢既仇人啦~~~! 就係超甜栗啦~~~唔駛三分鐘, 郁郁B已經把超甜栗好似仇人甘消滅左啦~~
  |
|
|
|
|
2009 年 8 月 6 日 星期四
|
最後一天 |
|
今日算好好彩, 原本明天又要我上大陸睇左一次貨既, 後尾話改由阿KID上, 到最後驚趕唔切送入倉所以我同阿KID都唔駛再上~~
好彩我早走左一步咋~~依太后個D駛死人既性格, 如果一早知道呢批貨要明早10就走, 佢一定叫我留夜D係度睇, 甚至叫我STAY一晚呀~~~
我敢寫包單佢地一定會甘樣安排, 唔係點叫做駛人唔駛本, 佢地最叻就係用到個人盡, 乾哂塘都唔肯放人嫁啦~~~死CHEAP精!!!
郁爸又走左去踢波, 今次又係同佢大佬個D FD一齊, 上次比人放過飛機都仲未知驚既~~~真係恨踢波恨到上哂腦, 今晚要返夜都仲要去踢, 捱病左返黎我比舊屎你食~~~~(我以前一病, 阿媽就會甘講)
只要返埋明天一日, 我就放五天假啦~~真係好開心呀~~
我一定要繼續KEEP住呢個甘開心既心情先得~~唔好為D無為人而生氣~~~
另,,,今晚郁郁B無啦啦MOU係梳化隔離, 正所謂, 鬼鬼鼠鼠偷蕃薯, 梗冇好野,,,果然, 比阿LI姐姐識串佢想痾屎,,
但係已經太遲了, 阿LI姐姐抱起佢時, 已經痾左一舊係地下, 褲仔又污糟哂哪~~~~~
阿LI姐姐就馬上抱郁郁B去廁所洗PAT PAT, 跟住再善後埋篤黃金..
其實,,,我有為篤黃金影到相的, 因為係廳度有篤黃金, 都真係好經典, 呢樣又係我第二時笑長大左既郁郁B既最佳武器之一~~~
不過我就唔POST上黎啦~~唔想整到我個日記都臭埋........ |
|
|
|
|
2009 年 8 月 5 日 星期三
|
CHEER UP!! |
|
原來, 當一個人唔開心, 好灰既時候,
只要搵一大班朋友出黎食飯, HE HE HA HA返一餐, 個人就會開心哂~~
郁媽就係甘樣CHEER UP左自己啦~~
原本今天都好唔開心, 好灰的~~
一來明天又要返大陸啦~
二來迪士尼PACKAGE而家FINAL唔係平得好多~ (因之前那個真係好平的PACKAGE 已經FULL左)
三來屋企新買既燈既燈光變左我唔鐘意既白光啦~
多謝三叔, 三嬸, 大牛, 牛嫂, C TING一家同埋 現正徵求女友中既泰泰
甘大雨都走了出來九龍城吃泰國飯, 之後仲一齊去左食甜品, 我一個人就食了芒果大菜糕同榴槤飄飄~~好滿足啊~~~~~~
先幫泰泰賣下廣告 (因為泰泰今天請左大家食甜品啊~~~)
年齡廿幾, 有正當職業, 我剩係知生果日報體育版有佢份做,,,實際做咩有幾錢人工我又唔係好知
對小朋友超級有愛心! 無不良嗜好, 除了食煙...青令白正, 有藍田周國賢之外號!!
(想要相片既十幾至廿幾既少女請在留言處留低E-MAIL給我吧~~)
明天郁媽又要返大陸了,,,,,見廠的那個經理比見我阿媽還要密呢....該煨... |
|
« | 48 | 49 | 50 | 51 | 52 | 53 | 54 | 55 | 56 | 57 | ... | 174 | »
|
