我梗係嘈到拆天啦!!

未聽過D甘既道理呀!!

叫細佬幫媽咪早一日去拎租左既衫, 竟然答我"我已經有5套要拎嫁啦WO, 冇甘多錢做按金WO.."

真係瀲到我噴火呀!!!!

於是即刻吹雞, 叫哂D堂家姐出黎評下道理!!

但真係好搞笑LO, 我同郁爸都各自問過我細佬同肥妹, 所得既答案都係冇車戴我爸媽去尖咀,

到第二日大家姐出哂黎, 就話搵到多架7人車黎戴我爸媽, 跟住仲要係甘話唔明我同郁爸係電話度問咩WO,,

郁爸都話, ONLY得佢地聽唔明我地講咩既..

不過, 算數, 總次佢地肯搵架車出黎戴我爸媽就OK..

我一早同我媽咪講, 我約左PIKKI上午8點到屋企幫佢整頭髮化妝的..

點知, 我8:15分收到PIKKI的電話, 說搞極門都冇人應..

於是我打我爸的手機, 原來佢地一齊去左飲茶...真係激死

我未夠9點返到去, 我媽又著住件唔口岩既衫, 又要換左衫先可以繼續整頭同化妝...

拖下拖下, 搞到10點我個頭同妝都未得...

細佬又打黎吹, 話要返黎哪WO...

PIKKI於是拿拿林幫我埋尾哪..

頂佢個制！吹吹貢, 點知佢地架車10:15到左, 但又話個攝影C未到..係樓下停車場等左成20分鐘先上得黎,,,

甘你就唔好吹得我同媽咪甘利害哪...衰仔！

斟完茶比我爸媽及叔嬸, 話要趕去尖沙咀註冊處,  因為佢地醒到BOOK左早上11:45註冊結婚..

但我地11點仲係順安既停車場, D兄弟, 姊妹同新郎新娘都唔知影咩相, 都唔肯上車起行...

跟我們同樣坐在28座等待起行既肥妹媽咪, 老豆嘈到拆天！

成11:30去到註冊處, 又等一大輪先入去哪..

成個註冊既過程, 都夾雜住郁郁B問姨姨要糖糖食既聲音...

跟住我地冇跟兄弟個D返去食飯呀, 因為郁郁B超級眼訓, 我地決定先返屋企比郁郁B訓一下, 自己出酒樓..

我地5點出酒樓, 細佬佢地都係剛剛到咋..

跟住幫媽咪換衫...補妝....

一路多D識既人黎..先冇甘悶咋

今天最特別既嘉賓, 就係十幾年冇見既兩位堂兄都有黎飲細佬呢餐呢..

呢樣係今晚唯一值得開心的事~~~

郁郁B早上參加舅父註冊時好開心甘..

馬騮精上身,,,

又同令令EE影相

郁媽+郁B婆婆(新奶奶~)

郁媽+郁爸 (好鐘意郁爸穿西裝~~)

郁郁B都係穿西裝, 但掛住打麻將

影大合照時,,,郁郁B好唔合作..

郁媽跟幾位堂家姐/妹, 郁媽家都多出令女嫁~~哈~~

我地剛好一點去到, 睇左個巡遊, 跟住就去左飛越太空山度拎FAST PASS~

PS:我係唔玩刺激遊戲的, 我留多張FAST PASS係比B女玩的..

跟住去左玩幸會史迪仔, 終於睇到廣東話版了~~真係幾搞鬼~~

但郁郁B竟然話驚驚WO, 全程都要郁爸攬住呀!!

唔通郁郁B平時見開既史迪仔係講英文既 , 今次呢個講廣東話佢反而唔慣??

今次真係好多人呀~~B女為了可以玩多幾個遊戲, 跟我們分頭行事~~因為我地帶住郁郁B行動實在非常的緩慢..

玩到三點度, 郁郁B超眼訓, 我們決定搵個餐廳坐低比郁郁B訓下覺豬, 快叉一陣..

見到坐對面有二個中年阿嬸, 一個中年阿伯, 其中一個阿嬸抱住一個4歲度既小妹妹,

係度起勢甘食佢地自己帶黎既食物..(物迪迪尼唔係入場時會CHECK BAG既咩...點解佢地可以帶到甘多野入黎既..)

佢地每人戴住一隻贂手套, 就甘用手拎個D頁丸呀, 雞翼呀個D野食...

食食下, 那個抱著小女孩的阿嬸, 無啦啦拎住左長腳蟹腳係甘食...

駛唔駛甘誇呀~~~拍戲咩而家!!!

到左晚上, 有小小毛毛雨,,,而且煙花改到晚上9點先有,

明天細佬結婚, 今天當然唔敢玩到甘夜啦

6點幾就回程了~~

返到藍田, 就帶埋文仔及B女去吉野家吃我近排既至愛 火鍋~~正~~~

每次郁郁B排隊玩小飛象時, 都滿懷住超級期待的心情.. (雙眼發光的~~)

太多人同X'MAS版既米老鼠影相了, 郁媽決定出茅招甘樣影左張相就算數..

郁郁B對米老鼠有特別既稱呼~~就係 "米鼠~~~"

郁郁B而家揸緊呢架唔係普通既車, 而係囚車黎嫁..

囚犯一: 郁媽..

囚犯二: 郁爸

今次仲有EE同我地一齊玩迪迪尼呢~~

返去訓左一陣, 抖足精神今晚去倒數~

今晚約左同C TING一家去左MEGA BOX既MEGA ICE度溜冰倒數~~

65元一位咋~我覺得都OK呀~~

不過, 唯一可恨的是,,,,我對溜冰確實是一點都唔識嫁...

企係冰上都成問題呀!!!!!

但係我自己提議去呢度WO..我自己都覺得自己好怪呀~~~哈~~

就甘睇黎, 郁郁B比我有天份玩溜冰呢..

等郁郁B大個小小, 就試下比佢學溜冰先~~

連睛睛, 彤彤及德德都行得好過我呀~~~~~~~~

就係甘樣, 我地就渡過左2009年啦~~

呢頂冷帽就係契媽送比郁郁B既~~

郁爸全程睇實郁郁B

大腳與腳仔..

郁郁B都行得幾好嫁.

最後我地食糖水, 郁郁B食完芝麻糊~

點知又比佢甘好彩識到阿珍珍, 珍珍對三叔無微不至, 所以佢地就決定係今天呢個甘特別既聖誕節日裡面共偕連理哪~

郁郁B今次仲擔任花仔嫁~~

郁郁B買左兩套衫換的~~真係好可愛呀~~~~~

三叔果然係郁爸最錫既細佬呀!!! 三叔今次大婚, 郁爸同我都好重視！可以話郁家全參與的~~~

無論是揀婚紗相, ,   搞過大禮,,,上頭,,,,,我地都有份參與, 真係好開心呢~~~

還有多謝阿99係度搞屎搞棍, 才令到我地一家上下甘團結, 齊心對抗阿99!!!

99點樣煩我都唔想再回顧了！看到今天一切都順順利利就已經好滿足哪~~~

由於三叔佢地接完新娘會在我們樓上16樓拜祖先, 但驚樓上地方不夠, 所以佢地本來預左有D親戚會留去我屋樓下既屋企度斟茶的, 所以我們郁家既門口都貼左囍事的嫁娶對聯,..

我仲係度擔心隔離屋人會唔會同我地講: 你個仔好細嫁咋WO, 甘快就結婚啦~~~"

三叔出門前一晚已留在我們郁家訓,, 仲同郁郁B一間房, 三叔話郁郁B發開口夢, 無啦啦訓訓下大叫 "餅餅~~~~~" 跟住自己又訓返....

究竟郁郁B心裡面除了吃, 還有什麼的呢??

大家都好緊張, 所有的兄弟晨早6:30就要到郁家集合, 準備好一切就同三叔一起出門接新娘了~

郁爸都係做兄弟哪~~所以都有一齊出發~~

郁郁B跟我就留守郁家, 等待他們成功把珍珍新娘接回來!!

我都唔輸蝕呀~~我最鍚既叔仔結婚WO, 點可以唔扮令D呀~~

所以我就拜託左PIKKI 8:30就上到黎幫我化妝同SET 頭哪~~

PIKKI既手勢真係好好~~完全知道我鐘意D咩~~~甘早要佢黎幫手, 真係辛苦哂!!!THANKS~~~~

唔夠11點, 佢地就返黎啦~~

原來所有親戚都係樓上16樓飲左茶了, 但又冇人叫我地上去定係度繼續等WO, 正當我地諗住上去樓上時, 又話新郎及新娘落緊黎..

於是, 我們及大佬一家就留係郁家度飲茶了~~

順利斟完哂茶, 三叔三嬸就出發去影外景照, 我同細方姑姐就要過去寶達幫阿麻及其他姑姐扮令令哪~~

哈~唔知係咪睇PIKKI幫人化妝多呢~~我覺得我今次幫佢地整得幾好呀!!

跟住就等架小巴載我地去上環既信德中心囍臨門度安排一切~~

一去度, 就見到HUMAN 同阿WING啦~~佢地好忙甘佈置緊呢~~雖然佢地好想同郁郁B玩, 但都為了做野, 冇咩時間同郁郁B玩LU~~

身為主人家, 又唔可以打麻雀, 係甘行黎行去都唔知做咩甘...我對郁爸D親戚又唔多識..所以都係成程跟住郁爸咋..

郁郁B就唔理三七廿一, 一見到麻雀台就癲左甘係甘要玩疊麻雀...真係冇佢辦法...

99就好似彩雀+開籠雀甘周圍同人傾計呀, 大笑,,,,

三叔同三嬸就做左一塊好稱職既活動佈景板, 專係比人影相既~~

郁爸今天既任務好重大呀~~

因為晚上回去時, 佢要幫手揸一架花車走呀~~為了這一程, 大牛特別為郁爸補鐘呢...

而我都有幸坐到郁爸考取車牌後第一次揸車, 就係由三叔屋企 返去我地屋企...5分都唔駛既車程...

我最驚既場口可算是我要負責幫三叔佢地埋單, 三嬸既大家姐拉住我, 同酒樓既經理講數, 最終講到一元貼士都唔駛比呀~~~真係勁呀~~~想當年我都比人屈左成千元的貼士的呢~!!

整個婚禮都有驚無險, 完滿結束~~祝願兩位新人, 百年好合, 永結同心, 年生貴子~~~~

郁郁B係第一個同新郎哥影相既人~~~

細佬佬

郁郁B

郁郁B + 大頭

郁媽+郁爸盛裝出席

郁郁B晚上換了令仔西裝

但照樣周圍走, 搞搞震..

郁郁B有好多朋友仔一齊玩.

係嫌D頭髮長左D咋..

最搞笑既係, 今早一返到公司, 阿KEN已經話今日會收四點(呢D純粹係阿KEN自己既個人願望)

我早已叫佢唔駛妄想, 太后甘CHEAP, 最多頂盡5:30走出黎叫我地早D走..

早走得半個鐘, 我地以往都會豪比佢, 踏正6點先會走~~死CHEAP精!!!!

不出我所料, 太后真係扮傻呀, 冇宣佈過早走呀, 人渣!!

最終我地踏正六點就三七廿一甘就走左啦

跟住我搭巴士返觀塘勁塞車呀, 原本20分鐘就會到觀塘, 今天一個鐘先到呀..

今天我地去左食焦糖雞翼呀~~好好味~仲有蠔餅, 沙薑雞, 豆苗, 大斑兩味~~~

8個人食(其中一個係郁郁B) 埋單都係570咋~~抵啦~

但唔知點解, 細佬比返ONLY 250元我既..570除一半係285元WO...

不過算哪,...細佬肯比返錢我已經萬幸啦~~之前佢係老馮甘嫁, 食完飯拍拍羅有就走左去, 冇諗過夾錢嫁..

今天郁爸又係要補鐘練車, 走左入去TKO, 買左榴槤水晶珠比我食~