學郁爸話事計, 郁媽仲未學懂放低..

其實, 對於郁媽的細佬, 我早就應該完全唔好理佢, 唔好著緊佢...

因為每次的著緊, 都只會換來自己動氣, 又唔會有結果的..

今次事緣媽咪生日, 上個星期, 老豆約14/05食飯, 跟住郁媽就打比細佬問佢會有冇買禮物比媽咪, 每次跟細佬既通韶, 都會係勞氣收場, 不過為左媽咪, 硬住頭皮, 都要打去問清楚

郁媽: 你買左禮物比媽咪未?

細佬: 咩禮物?

郁媽: 梗係生日禮物+母親節禮物啦~

細佬: 冇呀..

郁媽: 我諗住買個手袋比媽咪, 你夾唔夾呀?

細佬: 夾咩呀?

郁媽(開始動氣): 梗係夾錢啦~唔通夾八字咩！

細佬:夾LO....

郁媽: 仲有呀, 老豆約左14/05同媽咪慶祝生日食飯呀！

細佬:啊..

動完氣, 但總算得到結果, 甘都OK呀..

但點知到昨晚, 我打電話比老豆, 同佢講BOOK左大榮華食飯, 跟住我諗住同細佬講埋, 睇下佢識唔識路去, 點知呢個時候, 細佬才告訴我話那天佢要返學, 去唔到！

我又開始動氣了, 這次食飯是老豆約的！是慶祝媽咪生日食飯的！點解你都可以唔去！

點解我地一定得個七個人, 約一齊食飯都甘難？郁爸那邊一食團年飯都20幾人, 都可以約得齊！點解我地得七個人就無辦法約得齊?????

老豆話肥妹在母親節那天煮左一餐飯就當係, 咩當係呀??點解冇叫我去食飯呀? 如果話係慶祝媽咪生日食飯, 我一定到LO

我今天會打電話比肥妹, 一來同佢講, 以後有佢地冇我地, 以後每逢過節團年, 我都會自己約我爸媽食飯, 唔會預佢地！二來同肥妹講, 唔該佢幫佢老公(即係我細佬) 處理返佢D電話費, 上網費, 收費電視既費用, 呢D費用, 係比媽咪既家用度唔包的, 唔該唔好要我媽咪為這些鎖碎事勞心！

我同我細佬正式決裂！就算細郁既滿月酒, 我都唔會請佢地兩個 (反正請到佢地都唔會黎, 上次郁B既滿月佢地都唔黎啦, 仲要係佢地屋企樓下酒樓擺, 佢地寧願留係屋企都唔黎呀!!!)

今年我第一次收到郁郁B給我的母親節禮物, 就係一張母親節卡啦~~

我放左係床頭啦~

朵花花突出黎嫁~~郁郁B梗係知道我鐘意紫色, 所以朵花花係主要油左紫色的呢~哈 (純粹郁媽自己估計)

郁郁B有冇遺傳到郁媽既畫公仔天份, 大家有目共睹........

張卡裡面仲有三個心呢~~郁媽+郁爸+郁郁B, 下午要有4個心啦~仲有細郁啊~

母親節的早上, 郁郁B還在熟睡中...仲要訓到去床尾甘..

WAH~~郁郁B好大隻腳板呀~~~

今天既行程好緊密呢~~

一早就去左九龍灣同郁媽既媽咪食早餐, 再將我買既手袋送比佢 ( 呢個袋, 而家係得我一個人比錢咋~~個PK細佬唔夾嫁啦~)

食完早餐行左一陣, 就JOIN埋暴發戶一齊去黃埔既冒險樂園度玩玩

玩到成5點, 就要返公司寄包裹哪...我仲帶埋郁郁B一齊返工TIM~

不過我返到去時, 阿KID同阿KEN都差唔多搞掂哂了！

唔駛半個鐘, 就可以離開了, 我同郁郁B都好累了, 所以都馬上就搭的士回家.

上的士之前, 郁郁B仲好精神甘問我地係咪搭的士呀~定係搭巴士呀~~~....

但一上車之後, 唔夠10分鐘, 郁郁B就在車上睡著了.....

又冇講實幾點先到, 剩係話EARLY AFTERNOON !!成村人11點就返左黎哪...而家12:30人渣客都仲未黎呀!!!!!!

可憐既郁郁B...今天係難得既假期, 但郁媽要留係公司等個人渣客, 郁爸要為細郁既奶粉錢出去拚博...

屋企剩返郁郁B同死魚姐姐一齊咋...又冇得返學..實悶死郁郁B了....

郁郁B, 你原諒媽咪啦, 媽咪身不由己呀!!媽咪都好想快D返黎陪你呀, 但個人渣客都唔知幾點黎...黎左, 又唔知幾點走...

媽咪呢一刻真係覺得好灰呀！！

我要起個檀黎咀咒呢個人渣客呀!!!!!!!!!!!!!

郁媽又比郁郁B笑死左…

而家證明左, 我地既擔心係多餘既..

因為郁郁B而家真係可以話係操流利既廣東話 (但夾雜住BB口音, 所以唔係個個聽得明嫁)

仲有既就係, 我發現郁郁B真係越來越古惑同搞笑...

CASE 1

郁郁B個真名係栢僑, 但係郁郁B自己叫自己做"拍潮", 而家搞到學校既老師,,,郁郁B既同學都係叫佢"拍潮"..

CASE 2

星期日的早上, 郁媽沒有帶隱形眼鏡, 所以就架起有框的眼鏡.

郁郁B就指住郁媽既眼鏡說: 媽媽戴眼仔呀!!

郁媽: 唔係眼仔, 係眼鏡!

郁郁B: 係眼鏡~ "拍潮"唔識講!! 

(比佢笑死, 好似好謙虛甘話自己唔識講, 講錯左唔好見怪甘....)

CASE 3

晚飯的時候, 有一味菜是有雞柳的

郁郁BB好乖甘夾送落去媽咪個碗度, 跟住講左一句: 媽咪~~一齊食貪能雞呀~~

( 真係睇麥兜睇到上左腦.....一見到雞既送就會話係貪能雞.....)

CASE 4

有時候, 郁媽都會打電話返屋企問下工人姐姐, 郁郁B既情況 (好似有冇扭計呀, 食左飯未呀甘..)

但呢排開始, 打電話返屋企時, 郁郁B會搶到個電話黎聽~~一聽到就會大笑~~

跟住我問郁郁B : 邊個搶電話呀??

郁郁B 仲會嫁禍工人: 姐姐搶電話~~

CASE 5

有一天郁媽放工回到家裡, 工人姐姐就向郁媽投訴說 : 拍潮係我去廁所時, 可能廚房既門欄冇鎖實, 郁郁B就自己走入去廚房開雪櫃拎啫里呀..

CASE 6

一天早上, 郁郁B拎住商場送既史迪仔貼紙, 叫郁媽幫手貼在郁郁B的身上..

郁媽就把貼紙貼在郁郁B的T-SHIRT上面

跟住就一齊落去公園哪. 由於郁郁B有著外套, 郁郁B竟然用手撐開件外套, 讓人見到佢T-SHIRT上的史迪仔貼紙.....

CASE 7

有一天郁媽放工 返到家裡, 見到這樣的情況:

郁郁B將他的手巾仔, 係櫃桶拎哂出黎, 放哂係佢枕頭的位置....

純粹係惡作劇, 沒有任何意義, 但就要工人姐姐執餐死LO...