真係好好味~~我點了我最愛的 鵝肝拼牛柳 有得跟飯或意粉仲有餐茶, 都係128元咋~ 係補慶細郁冇事既晚飯~

而且, 今天又係我地郁家包場~~勁呢~~~~~哈~~~

記得郁媽同郁爸結婚後第一個新居, 就係大角咀呢度, 郁爸雖然對我們第一個新居很多的不滿, 地方又細, 又漏水空氣又差又盛,,,

但係點都好, 呢度有很多我的回憶,

由第一次買樓, 結婚, 發現有BB, 生BB, 全部都係呢度發生！

再者, 呢度附近真係好多好多好好味既野食, 藍田真係無得比,,,

有好好味既車仔麵, 又有酒店据扒, 又有明太子泡飯, 又有好味酸菜, 又有好味壽司.....都係以前住在這裡時發現的...

但在藍田住了那麼多年,,,講得出話好味既餐廳, 真係唔多呢......

唉..........

先來好味既白湯+超脆的蒜蓉包~

主菜來了~~~

郁郁B都做好哂準備了~

我影得唔係甘令, 但呢碟 美而廉的 鵝肝拼牛柳真係好好味呢~~~

講起美食, 之前一直都要返大陸查貨, 有時都會要求黃司機先去淡水食飯, 再落廠, 因為淡水有家好好味既客家菜~~又平又美味的~

下面就係好好味既豬肉湯, 好似都係人仔8元咋, 味清而不油, 好好味~

仲有手撕雞, 係客家菜既 主力

唸兩樣都係我既至愛,,,,,,,但係, 因為我陀住細郁, 所以唔會再返大陸住, 有排都冇得食了~~

我又搵到兩張珍藏了, 你地睇下郁家父子幾識擺POST!

兩父子又係好一致呢~~

可惜的是, 郁爸揀選了足球, 唔揀我地三母子....

好彩, 萬大事都仲有三叔同三嬸收留我地三母子..

我地三母子就跟左三叔, 三嬸, 仲有剛失婚的德德去左尖東食海南雞, 沙爹串, 咖里雞..

我先回家接郁郁B一齊去搭巴士, 坐巴士時, 郁郁B竟然好似郁爸甘, 每當剎車時, 就用手扶住我..郁郁B就好像一個小大人甘, 保護我呢個婦道人家呢~~

但係, 郁郁B, 郁媽真係好對唔住你呢, 雖然你一心想保護我, 但我真係覺得太好笑了. 比一個兩歲既男仔保護！所以你每次扶我, 我都忍唔住笑呢~~~哈~~哈~~

出到去科學館, 三叔, 三嬸同德德已經到左

我終於都經過呢度既日本城, 梗係順道入去睇下仲有冇史迪仔既拼圖地墊賣哪, 今次終於比我買到了~~

實在太好了~~之前買左12塊, 砌完出黎都係太細範圍, 今次加碼, 應該OK嫁啦~~

跟住就去食飯個度, 真係好好味道呢~~~~值得推介呀~~

但食食下, 無啦啦見到郁郁B條頸出現D紅斑, 跟手就見到郁郁B成身都係風癩呢~~連個姑姑都有呢！！

咩事呀, 又黎出風癱既,,,,

頭先未食野前同佢去洗手間時都冇嫁,,食食下會出風癱既..

但今晚所食既野, 以前都有食過嫁, 都冇事既,,,真係唔明點解呢

於是, 我就先同郁郁B離開, 立即乘的士返屋企..因為屋企先有敏感藥

係乘的士的時候, 小大人郁郁B又黎哪, 佢又學郁爸將手仔按住的士的開門制那個位, 之前郁爸按住開門制, 就係唔想郁郁B搞個門制...

今天, 郁郁B竟然自己按住個開門制, 並且仲監察住個門制是否已上鎖...真係又一次笑死我！

返到屋企, 食完敏感藥, 過左一個鐘頭, D風癩就開始退了..

我唔知係咩原因, 唯有記低佢每次出風癩時的天氣, 徵狀, 食過既野, 希望冇幾耐就可以知道郁郁B因咩事會出風癩哪..

同埋諗住遲D同郁郁B去睇旺角我以前睇開的那個中醫...今個月因為細郁要做測試6000元,,,有點結據...

就係因為細郁呢件事, 郁媽感受到四方八面湧出來既關心, 支持同鼓勵, 真係好感動, 當中有認識同唔認識既, 都為郁媽打氣！

個一股暖意, 真係直達郁媽的心頭！很暖, 很窩心呢！

係呢度, 再次多謝甘多位朋友仔！同埋, 十分唔好意思, 要你地一齊陪我擔心左幾日！你地既心意, 郁家上下全部都收到哂！謝謝！

疑幻疑真 !!

我想講既"疑幻疑真 ", 就係細郁既胎動哪..昨天開始, 感覺肚子裡面既細郁好似活躍起來, 連郁媽都感受到！晚間時段特別利害！特別係我訓覺時, 側向一面時, 細郁就會係甘郁黎郁去, 好似話比我知佢唔想甘快就訓覺豬甘..

唔通細郁又係同郁郁B哥哥一樣係一隻爛玩既BB??

早上既時候唔多郁, 似足郁爸, 訓到甘晏....

最愛脾脾

講返大仔郁郁B, 由細到大, 我最愛郁郁B既地方, 就係佢對肥美既脾脾！真係好正, 一見到就想咬一啖!!實在太肥美了！

唔知有冇其他媽咪都係同我一樣, 鐘意自己個BB既大脾甘奇怪既呢！

Y字脾, 正!!

好細過, 對脾已經好正既郁郁B

每次見到都想咬一啖

脾脾我愛你~

脾脾你真係好迷人呀！

側面睇仲正!!!

今天細郁的FAST REPORT出黎 , 醫生打電話比我, 告訴我細郁係有95%正常的!! 只是日後要多留意是細郁的結構！因為始終細郁的頸皮比較厚, 是最令人擔心的一件事!

我接到這個電話, 如獲赦一樣, 感謝上天！

從這件事, 要生一個健康正常的BB, 其實係一件唔容易的事.

很感謝上天賜給我健康的寶寶, 亦願天下所有人珍惜健康, 尊重生命！

原來細郁既頸皮唔止3mm, 係有成3.3mm...

醫生話而家先CHECK有冇唐氏先, 星期三就會有FAST REPORT結果, FAST REPORT係睇左最重要個四對染色體, 其中好似第21對就係會知道細郁有冇唐氏, 到時醫生一收到結果就會打電話比我..

做抽絨毛球之前都知道會有流產既風險, 醫生都寫左兩日SICK LEAVE比我, 叮囑我呢兩個星期都係流產既高峰期, 要我千萬不要拎重野, 不要操勞, 原要抱BB, 多D訓床休息.

昨天去到診所時, 我不斷同郁爸講: 我好驚呀.., 郁爸係拖住我隻手, 叫我不用驚..

可惜, 抽針時, 郁爸係唔可以入黎的, 佢只係在門外處等..

我就訓係照超聲波的床上面, 不過平時照超聲波就只須半趟, 而家就要訓直哂..甘都好呀, 我咩都睇唔到..

醫生幫我打了麻醉針, 所以整個過程其實唔痛, 只係打麻醉針時最痛, 我雙手都緊握住床邊, 我不斷同自己講:我頂得住既!!細郁你都要頂住!!

到完成時, 我才見到剛才醫生原來用左一支比手掌還要長的針筒來抽胎盤組織既...仲要講左一句 "好哪, 搞掂哪, 睇下抽得夠唔夠先!"

唔係掛,,,如果唔夠物要再插呢支甘長既針落黎...好驚WO...

好彩, 最後所抽取了的組織都夠, 唔駛再抽...

完成後, 醫生要我坐係出面15分鐘後, 才可以走動去廁所或離開,,,

呢15分鐘至返到屋企就係最辛苦嫁哪, 因為傷口癮癮作痛呀. 每行一步都好痛呀, 特別係企係度時真係想死..

返到屋企第一時間想訓落床休息, 咩都唔想理...

好想一直訓到星期三, 報告出來才醒來呢...