最快要兩天-三天才有結果..

希望上天腸給我一個生命, 不要轉頭又要從我手上取走這個生命..

我應承你呀, 我會好鍚細郁嫁, 我會好似鍚郁郁B一樣, 愛鍚細郁的!!!

請你唔好帶走細郁..

請係千萬不要帶走我的細郁..

求求你..

原本以為, 我生左郁郁B都冇事啦, 細郁點會有事呢..

點知, 早上照超聲波時, 醫生話細郁的頸皮有3MM甘厚, 係偏厚左一D, 正常既係2.5 MM樓下

醫生話頸皮厚, 有唐氏既機會就會高D, 如果冇唐氏, BB既結構都或許有問題. 呢方面日後要在結構上面再留意觀察多點!!

醫生都有補充, 頸皮厚度一般要過左3.5 MM先係有問題既, 細郁而家係3MM, 所以要睇埋下午既驗血結果先評估到結果

聽到呢個消息,,,令到我失魂落魄,,,,竟然連醫生費都唔記得比就走左,,,

返到公司, 診所打電話黎話我未比錢, 我才醒過來,

頭先醫生話"姑娘同你抽左血, 得嫁啦~" 我以為係可以走得既意思, 我以為下午返黎睇報告先至比錢..

最後好彩醫生肯比個銀行戶口讓我入返錢比佢...

在等待結果的幾個鐘頭裡面..真的心急如焚..

終於等到6:15, 醫生親自打電話比我, 告訴驗血的結果.

細郁有唐氏既風險百份比是 113:1

屬於高風險呢...醫生話300:1先算合格的...

聽到我真的很激動!!無法接受細郁會有這麼高的%會有問題..

而家有兩個選擇:

1. 抽細郁絨毛球去化驗

做法係用一支好長的針, 從媽咪的肚皮直接插落去, 直達子宮, 取得BB的絨毛球組織, 有較高的流產機會率, 而且過程好痛的..

由於抽絨毛球必須在BB只有13週之內做, 過左就做唔到, 所以我係來不及排政府做的, 只好在私家做, 費用 $6000

但好處是很快可以知道結果, 得個安心, 我當然最希望是細郁一切正常冇問題, 但最壞打算, 我同郁爸就要最快地決定要還是唔要, 因為仲趕得及做人工流產..

2. 抽胎水去化驗

聽BK D媽咪講, 抽胎水冇描絨毛球甘痛的, 但就要等到BB有16週先做得, 即係我要等多三個星期先可以做, 跟住有得報告黎都差不多20週了..到時, 真係甘不幸有問題, 唔要都須要由我自然產出..

呢個係我最唔想見到既結果, 我絕對唔想做殺人兇手！我是絕對希望可以順利把細郁生下來, 十級痛楚我都唔會怕..

我好希望細郁一切正常, 健健康康!! 你要我幾痛我都可以忍受！求上天保佑, 希望這只是虛驚一場..

我好驚抽絨毛球, 因為抽絨毛總是令我回想起好幾年前抽針既經歷,,,真的很恐怖,,,很有心理壓力..

我已經約左星期一去做抽絨毛球了..到時郁爸都會陪我去...初時郁爸話未必請到假時, 我真係唔願意一個人去抽絨毛球, 我唔想去..

但後來郁爸話佢一定會請假, 就算只係請到半日, 都要陪我去..

我個心先定返D..冇甘驚...

現在我只能做的, 只有向上天祈求,,,其他,,什麼我都做唔到的了,,,,

我成2點先訓呀..累死人了

今天難得放假, 當然一起帶郁郁B返學啦, 郁郁B仲帶左D人形燒蛋糕仔返去比同學仔食, 我就拎左盒草餅返去送比D老師食..

郁郁B好開心呢~~終於有得返學~~

送完郁郁B返學, 我地就去食泰國粉

食完返屋企再執下野, 跟住又夠鐘湊郁郁B放學了~~

因為我好少有機會湊到郁郁B返學放學的~所以真係超開心呀!~

不過今次湊放學, 都係由阿LI姐姐帶郁郁B返屋企休息的

因為我BOOK左今天5:00去醫生度照超聲波, 跟細郁第一次見面呀~

醫生話細郁而家有11WK5DAYS, 比原先計日子的大隻左, 所以預產期都提早左六日..

細郁好好似隻鴨仔甘, 好舒服甘訓係度, 仲好似食緊手仔甘TIM

希望下個月可以睇到細郁係女仔啦~~

我真的很希望細郁係女仔呢!!

跟住就搭JR山手線去上野

一到上野站, 我地就要搵京成電鐵站, 好彩, 都好易搵到的,

搵到之後, 就睇下時間表. 我地決定搭2:23分那班車

再搵LOCKER寄存我地既行李

搞掂哂就去對面既阿美橫町行街街啦~

係呢度, 郁爸同郁郁B都各買左一對波鞋呢, 郁郁B的波鞋都好抵呀~只須1990 YEN咋, 即係160元港紙度~

我就係390 YEN店係甘尋寶, 好開心呢~~買左四個袋都唔駛150元港紙呀!

行到12:00 就去食築地直送魚生飯, 我點既當然係三文魚魚生飯啦~~仲要又係加左我最愛既明太子呀~~都係500+200 YEN咋

郁爸話冇所謂, 叫我幫佢嗌, 甘我知佢鐘意食甜蝦, 帶子個D, 就幫佢嗌左有呢兩樣既魚生飯...

佢食到,,一粒飯都冇剩呀..

食完飯, 就去二木果子店執手信啦

買到要PACK 箱呢~~ (因為甘樣可以寄埋倉呀麻)

到2:00, 我地就依依不手捨地步向火車站搭車去成田機場了 (我地要4:30去到機場)

6:00 我地就起飛返黎香港了

10:20 就到達左香港機場了

又係坐返個架VAN仔返藍田,,真係超快..

返到屋企好舒服, 但亦慨嘆五天旅行甘快就完成了..

希望好快, 我地又有機會去旅行吧..

但要等細郁出左世先得LU..

呢度就係SHOPPING得最開心既阿美橫町啦~~好多平波鞋賣

仲有好似魚市場甘既, 我幾想買D明太子返黎呀!!!相片中既章魚勁大條呀!!!

郁媽與魚生飯

似唔似D飲食雜誌介紹呢

唔知點解, D三文魚唔夠香港既好食WO...D色都怪怪地甘. 但我記得係池袋食既三文魚魚生飯係好好味嫁WO..好彩有至愛既明太子搭夠~

我幫郁爸揀既魚生飯, 郁爸話好好味呀~

郁爸食到一粒飯都冇剩呢, 唔怪得我塊面甘滑溜啦~~哈

係二木果子店旁邊有間好令既廟宇

郁爸做左搬運工人甘..

行李多到見唔到郁爸同三叔了...

同郁郁B搭飛機真係惡夢, 地獄!!!

郁郁B今次個飛機餐算係好味D嫁啦...

因為我驚如果我地趕唔到入10點個場, 就要等到12點先比入場,所以都早D出門口

不過,,,,我地唔識路, 行得慢, 去到三鷹車站都已經10:15了...

本來有巴士可搭到去門口的, 但要200YEN一個 , 同埋見到都冇位坐的..

所以我地決定行路過去..

沿路都有路牌指示, 唔難搵的, 單張上說行15分鐘, 但我覺得一D都唔止LO, 唔知係咪我地行得慢呢, 我地都行左成半粒鐘先到呀~~~

最慘既係, 室內既地方係完全唔比影相的, 真的很無趣呢...

好彩, 都有架貓巴士比郁郁B個D小朋友入去玩的, 但郁郁B又唔敢走入去貓巴士入面, ONLY係外圍度玩!!蝕哂...

去完睇美術館, 我地就行過去吉祥寺哪, D書話ONLY穿過一個公園就會到. 但日本既公園真係唔係人甘笨, 係大到無論的!!!

本書仲話沿途景色優美, 但我就覺得沿途景色荒涼就真...咩都冇既...

行到死下死下, 終於到左吉祥寺, 一去到就見到話將會閉店既0101, 立即入去睇下,,,都冇咩驚喜的

於是我地走去食LUNCH, 食讚歧烏冬, 唔知係咪口岩本地人口味多D呢, 我覺得都唔算太好味咋..

再去搵伊勢單, 又係話將會結業的, 去到竟然佢係冇WESTWOOD呢~~反而三嬸就執到平既ANNA SUI銀包呢~~

今早行得太多, 實在太累, 4點度, 終於都頂唔順, 郁家要先返回酒店休息一下

三叔佢地就繼續殺落去新宿行街..

我地休息完左, 就出返去新宿JOIN返三叔佢地

三叔佢地好好呀, 仲幫我留意埋邊度WESTWOOD呀.

我地一出到去, 佢就帶我去睇哪..

不過款少之餘又好貴, 要29000一個銀包...又唔係鐘意既款式, 實在買唔落手...所以我都係決定放棄WESTWOOD哪..

在新宿街頭盪來盪去搵野食之時, 見到一間食和牛, 諗住補返之前食和牛燒肉的不足..

點知, 好似都係唔識日本既關係吧, 入左去先知, 整間店都只有牛, 沒有其仔野的, 三叔冇野口 岩食呀~~

而我地食的那個SET, 都為返150港紙一個, 同埋最後發現我地食既應該係牛舌,,而唔係牛肉呢...

又係失望的一餐....

沿途就是有這種路牌指示點樣去三鷹美術館..

沿途都是住宅區, 好有叮噹FEEL

終於到左大門口了, 有龍貓呢~~

比影相既得戶外既呢舊野..

郁郁B仲發現天空之城既石塊

呢舊又唔知係咩野..

呢舊都唔知係咩野..

行去吉祥寺的途中,見到一棵櫻花

風景優美?? 定係荒涼呀..

由於明天就會CHECK OUT去機場, 今晚影左戰利品照片先, 留意, 此時大部份既野都係郁爸既~

追加的士多啤利~