但係, 今天郁爸要返工呢, 同埋今日約左99飲茶呀....

99仲夾硬黎甘, 係甘話要帶郁郁B去街WO...

我諗定話飲完茶要去邊去邊都冇用, 因為佢根本冇問到我, 剩係二話不說就話要帶郁郁B去街,,,,

跟住問我幾點返我, 我話:好哪, 唔好玩甘晏哪, 兩點好返黎哪 (飲完茶時係1點..),

點知99好似突然借左聾耳陳隻耳甘, 好大聲甘同我講

99: 好啦 ~~我3點鐘湊返郁郁B返黎哪~~

跟住就帶左郁郁B走了

我打電話比郁爸, 話99帶走左郁郁B, 郁爸怪責我辦事不力呀, 話我好比99就甘樣就帶走左郁郁B

我話唔係點WO, 我大住個肚,,,無還擊之力嫁WO..

轉頭阿太麻麻都打電話比我, 問我真係比我99帶郁郁B去街呀? 記住叫99唔好去甘夜呀, 唔好亂比野郁郁B食呀...

我同太麻麻講, 我邊有可能甘樣同99講呀...以下犯上, 大把手尾跟嫁...

天下間既99都真係甘難相處既??我既99就係10000% 難頂的了...

飲茶期間, 郁郁B食緊娃娃菜, 但99唔知為咩甘又拎其他野黎引郁郁B, 搞到佢又唔肯食菜....我真係好想話阿99, 唔好搞搞震呀！！

我同三嬸行住街等到2:45, 即刻打電話比99, 問佢係邊..

點知佢話佢係茶樓同佢朋友吹緊水....頂呀, 又拎郁郁B去SO SO...

真係好唔鐘意佢地帶郁郁B出街玩呀..

我爸我媽, 就算太麻麻呀, 都冇甘樣要求過哪,,,都唔明點解99甘鐘意話要帶郁郁B出街,,,好煩呀~~

而家得我一個係屋企咋, 因為郁爸同郁郁B出左去掃墓呢,,,阿LI姐姐今天又放假！

真係好清靜呢,,,好耐都冇試過甘清靜哪...

以往我都有一齊去掃墓嫁, 今日係去荃灣, 拜際郁郁B既太爺爺, 下個星期就會去拜際郁郁B既六姑婆..

唔好以為去掃墓會係一件好傷感既事呀, 對於小朋友黎講, 係好好玩既事就真！

因為每年去完拜太爺爺, 到會轉到去附近的公園開餐的！好多野食嫁~~好似野餐甘！

睇到今早三叔三嬸黎接郁郁B去食早餐時, 著哂情侶裝甘, 就知道佢地似去野餐多過去掃墓啦~~

只不過今年因為我陀住細郁, 所以今年我係唔去得掃墓既, 要等細郁出左世先去得！

所以就唯有得我一個留係屋企啦~~

近日真係成日都比郁郁B講既野笑死左~~

昨晚食飯叫左碟菜膽雞, 點知郁郁B無啦啦講左一句 "媽咪, 我地一齊食'貧能雞' LO!!"

佢係麥兜都學返黎既.......

呢幾晚, 郁郁B成日捉住我講故仔比佢聽: 媽咪拎住呀(拎住本書)！媽咪講呀!!

郁媽話: 我講完哪...

郁B話: 未講完呀！再講啦！

就係甘, 同一個故事, 我一次過, 講左三至四次....郁郁B才肯罷休......

由於過左三個月, 早前因為懷孕初期而感到的不適已慢慢好過來了..

例如之前完全冇哂胃口甘, 晚飯連一碗飯都食唔完, 要用湯來拌來食得完...

但而家就已經唔須要甘樣, 晚飯已經可以正常地食完一碗飯了..

食完飯就一定要食點水果, 主要都係最正氣既APPLE 同ORANGE啦, 郁郁B見到都好開心, 要一齊食的！

為左唔好令到郁郁B感到細郁會威脅到佢既地位, 而跟細郁不和,,

我和郁爸從郁郁B老師那裡請教, 現階段間唔中同郁郁B講, 細郁好快就會出黎同郁郁B玩了~~而且細郁仲會買玩具比郁郁B, 你話開唔開心呢~~

郁郁B聽到細郁話會買玩具比佢,,冇物反應..

於是, 我們再對症下藥, 更正: 細郁會買好多好多野食比郁郁B嫁~~係咪好開心呢~~

郁郁B一聽到呢度, 即刻好開心甘話~~好野~~~

這樣做, 主要是讓郁郁B知道, 細郁係唔會搶走佢既野, 相反, 仲會送野比佢, 同佢玩, 所以郁郁B就會愛鍚細郁哪~

而家郁郁B差不多每一天, 都會隔著郁媽的肚皮, 輕輕吻一下細郁的~~仲會用手呵下細郁, 叫細郁 "乖呀~~唔好扭計呀~"

由於之前我地同郁郁B講過細郁係媽咪個肚裡面游緊水水,

而家問親郁郁B: 細郁係媽咪個肚入面做緊咩呀?

郁郁B就會答: 游水水!!

我和郁爸都會努力培養郁郁B作為一個好哥哥的！加油！

搞到個鼻腫左, 左眼眼廉都損左又腫左, 有流血呀~

不過大家放心, 呢張相係上個星期嫁哪, 而家郁郁B已經好返哂哪..

郁爸呵緊佢

郁爸呵完就識笑了...