要過五關斬六將的！

因為每天我一返工, 出街食飯, 都會有危機

好似我今天吃完午飯, 諗住出去小攤檔睇下有冇膠拍拖鞋買比郁郁B..

就在我正在回程返公司過馬路之際, 我見係綠燈, 物過馬路LO.

點知突然間有一架踏得很快的單車在我的肚前飛過, 我當堂嚇到企左係度, 係我後面一齊過馬路的女人都不禁說了一句: WAH, 物佢甘樣踏單車嫁！

真係差一點點就會撞到我, 而架單車既衝力, 係足以撞到我訓低有餘的.

呢件事, 雖然我係冇事, 冇比佢撞到, 唔係那個人渣既駕單車技術好, 而係我同細郁福大命大！

那個人渣甘樣駕單車, 遲早出事！

陀住BB時, 真係特別討厭自私的人！

因為當你陀住BB時, 香港人自私的真面目就會亳無保留甘比你見到哂..

我搭甘耐巴士, 地鐵, 未試過有人會讓位比我..

當然, 我唔係覺得讓座係理所當然既事, 因為我一早已對人冇哂希望了..

我一上到車, D人就會扮訓覺, 打機, 聽MP3, 按住部死人I 瘋 (以為自己拎住部I 瘋好威甘), 時運高睇唔到..無所不用其極..

大肚婆腰間的負擔真的很重的！盆骨又痛, 腳又腫！

點解D人都係會甘自私?

連郁郁B得兩歲幾, 搭巴士時, 都懂得要讓位給老人家, 有需要的人..

但係, 我見甘多牛高馬大既人,都唔識得讓座,,,身光頸靚又咩用? 讀屎片既！

今天我放工返到屋企時, 鞋都未除, 郁郁B就拎住個籌款箱, 說: 媽咪!入錢呀!!!

跟住郁爸就幫郁郁B打比佢至愛既三叔, 仲教郁郁B對三叔講: 籌旗呀！ 跑山呀！搭棚呀！好唔掂呀...仲叫三返搵埋契爺, 大頭同德德一齊籌籌旗呀,,笑死左三叔

郁爸之後又再打比郁郁B既契爺, 契媽一干人等~~

希望大家略盡棉力, 多多益善, 小小無怐！種善因, 得善果！

今天超級潮濕呢~~開極抽濕機個地下都係出水的~~

郁郁B今天都冇訓過晏覺呢, 因為跟左我出去APM同三嬸食野

返到屋企, 食完野, 都成6點, 我先捉郁郁B去我度一齊訓覺

之前我見郁郁B訓晏覺都冇物點賴尿了, 諗住OK, 就冇同郁郁B著尿片, 同埋訓覺之前我都有同郁郁B去廁所嫁麻

點知訓到7:30, 我就發現郁郁B賴左尿呀

跟住我就抱郁郁B出去, 同剛放工返黎冇耐既郁爸講, 郁郁B賴左尿係你個位度呀..

命苦的郁爸, 工作完一整天回來, 都未停過, 因為原來郁爸話我地按錯左抽濕機既制式, 所以先抽極個地下都係唔乾..

而家郁郁B賴尿, 郁爸又要同郁郁B洗屁股, 又要換床單了

郁爸好大力甘將床褥反起, 想用風扇把尿漬吹乾

郁郁B見到, 就大叫: WAH~~爸爸好大隻呀~~ (跟住仲順手走過去拍打左郁爸個屁股一下)

好似D麻甩佬拍打令女既屁股既感覺一樣...

又笑死我同郁爸一次...

點知去到診所, 竟然話冇我BOOKING 既RECORD WO...真係有夠胡鬧！

姑娘叫我等WO, 但我問佢要等幾耐, 佢又答我唔到, 因為而家醫生都未返黎..

甘我梗係唔等啦~~

反正前幾日先返左去健康院做產檢, 都冇物野, 決家今個月唔同細郁去私家度覆診

突然想起可以去上次去睇過既醫生度配返D維他命及丐片, 一個月份量, 都係收我80元咋~~~

認真抵呀~~

跟住行左一陣, 就返屋企陪郁郁B了

晚上去左太麻麻度食飯

今日仲打過電話比PIKKI, 想佢教我痴假眼睫毛呀, 因為覺得每天查睫毛膏呢, 落妝好煩呢~~

點知原來PIKKI又去左西藏呀, 要14/04才回來...

所以我一放工, 就飛的返屋企同郁郁B去睇醫生了

郁郁B係甘話唔去睇醫生, 我唯有說, 我地唔係去睇醫生, 係去探伯伯呀~

去到醫生度, 郁爸都返到黎了

我地就一齊入去診症室見伯伯了

但係郁郁B係勁搞笑LO,,,

完全GUIDE返醫生要點做,,

郁郁B一坐低, 就問醫生: 糖糖呢? (醫生每次都會派一包兩粒的丐糖比小朋友的)

醫生就拎左一包糖比郁郁B, 點知醫生唔記得把盒蓋關上..

郁郁B就話: 依, 未關呀~~關呀~~關呀~~ ( 意即叫醫生把盒蓋關上)

醫生幫郁郁B探熱, 並且話郁郁B現時已退左D燒了..

跟住, 郁郁B又話: 肚腩呢? (意即叫醫生要聽肚腩啊~)

到醫生聽肚腩時

郁郁B又話: 背脊呢? (意即叫醫生要聽埋後背)

整個過程都係郁郁B做主導,,,笑死我同郁爸...

最後醫生話唔見郁郁B喉嚨有發炎, 又冇鼻水..但持續發高燒(郁郁B試過發燒前手腳冰冷, 好似發冷甘, 咀仔都變左藍色呀~)

醫生就話有機會係泌尿或內部有地方發炎, 但係小朋友唔識得表達, 於是穩陣起見, 佢會開四天既抗生素比郁郁B食, 係對身體內部既炎症有幫助的。

就係甘, 郁郁B又要食抗生素了...不過無計哪, 唔通唔理佢, 等佢繼續發燒咩...