今早亦都一樣, 要8:30先送小朋友去學校度綵排, 跟住家長的10:15才去會場

於是我就先送郁郁B去學校, 跟住返屋企畫返個樣, 夠鐘先同郁爸去會場

一去到會場, 發現其他同學的爸爸媽媽, 好似去影生態青蛙甘, 舉起既相機都係超PRO個D長短火....

而我地, 就係傻瓜機~~哈~~~所以影到短片既質數唔係甘好, 請見諒..

郁郁B個班既同學仔, 全部都係著紅色上衣, 牛仔褲或裙的

原來郁郁B都有獎拎, 仲要係好孩子"銀獎", 但發現拎獎名單係所有小朋友都有份的, 是豬肉獎,

不過總算郁郁B榜上有名, 是但啦~~

等左好耐, 終於等到郁郁B佢地個班表演了, 是壓軸呢~~

郁郁B都幾有跳舞既天份呀~~跳得幾好呀~~

不過稍嫌郁郁B既動作,,誇張左D..

趙老C有讚郁郁B呢, 話郁郁B係綵排是, 唔肯跳舞的, 但點知佢今次上左台度又跳得好好WO!! 叻叻呢~

典禮完左, 都係有郁郁B的指定動作, "食包包"!!

郁郁B上台拎好孩子獎

跳舞

郁爸星期二晚返工

郁爸今晚又要返工..

我都好明白郁爸想返多D工, 賺多D錢比細郁..但係能否等細郁出左世先再努力搵錢呢..

郁爸又要返工, 又要踢波, 又要睇波, 難道郁爸自己唔累的嗎? 我都唔想郁爸甘辛苦...又唔係唔夠駛, 剛剛好都OK哪..

因為

隨著我個肚越來越大...我真的很累呢....

在家只有我一個大肚婆, 有時應付郁郁B真係好吃力..

就算我放工之後已經好累, 好累, 但都要做好多功夫才能力休息

跟郁郁B食飯, 闘智闘力, 因為郁郁B只係掛住食送, 要佢食埋D飯, 要氹又要兇......

食完飯, 郁郁B又話要玩玩具...我陪唔到佢玩車仔, 唯有玩煮飯仔..

玩完一陣, 就要同郁郁B沖涼, 由於習慣的關係, 郁郁B唔肯跟姐姐去沖涼, 只肯跟我..

烏低身在所難免, 但大住個肚, 真係有點吃力..

沖完涼, 郁郁B又話要吹頭WO..

吹完頭, 就要開奶奶比郁郁B飲, 開奶呢PART姐姐可以幫手

我就趁郁郁B飲奶奶時, 馬上去沖涼..

我沖完涼, 就要同郁郁B去刷牙,,,,

刷完牙, 郁郁B話要同媽咪一齊訓, 那時候, 郁郁B就會到我的床, 一起攤著..

但其實好多時, 我未等郁郁B訓著..我都已經呼呼大睡了~~

到郁爸放工返黎, 就會抱返郁郁B去佢自己間房度..

呢個過程, 基本上我都毫不知情了.

因為我實在太累....什麼都感覺不到了..

堂家姐話佢地個邊有5個人, 甘我地郁媽3口, 加埋我爸媽, 都係5個, 甘物訂10人台啦~

點知最後去到酒樓時, 又見到我個衰細佬同衰肥妹WO..

佢地就係甘奇怪既地方LO..

我由上次媽咪生日+母親節事件次後, 已講明唔會再預同佢地一齊食飯 ..

真好笑, 郁郁B滿月個餐, 都係在順安酒樓度食的, 佢地兩個都冇黎, 今次只不過同阿叔佢地食餐飯, 就甘比面出席..

我真係無說話好講, 我已經當呢對衰細佬肥妹透明, 佢地唔會再令到我動胎氣~

大姨媽送左個背包比郁郁B, 但真係好大個呢...我諗到小學都口岩呢~~

但郁郁B勁鐘意呢個背包, 昨晚試揹時, 都唔肯除低~

真係多謝大姨媽了, 今次又係郁郁B最多禮物收的..

郁郁B星期六跟郁媽同三嬸去APM食LUNCH後, 見到這個公仔, 就主動話要影相哪....

其實早在上星期五, 同契媽食飯之後, 已經同這個公仔影過相的了...郁郁B仲要COOL到我同郁爸好實甘TIM (WAH~~郁媽好肥呀~~)

郁郁B的新習作, 用麵粉做的星星同心心, 郁郁B話食得嫁WO...我就唔敢食啦...最後好快就發左毛要掉了..

郁郁B又玩郁媽的豬二繩啦..郁郁B是下一輯"豬光寶氣"既暫定演員之一, 或許會代替阿保怡或大宇既角色, 同天鵝有好多既對手戲嫁!

食飯之前, 郁郁B將魚杆的線, 繞住左三輪車的後輪...繞實哂....

支魚杆玩具成100元嫁, 我唔捨得剪斷條魚杆線呀..

我話: 郁郁B!!!曵曵呀!!!!! 你將條線繞左係個車輪度呀!!而家拎唔返條線出黎啦!!你點玩嫁!

郁郁B: 媽咪曵曵呀!!

郁郁B駁咀呀!~~~~~~~~

本來我都已經覺得好熱, 但忍緊唔開廳既冷氣,,,

比郁郁B一激, 我立即叫阿LI姐姐幫我關窗開冷氣!!! 真係興過火屎！

我唯有將架三輪車拆件, 先可以把魚杆線拎返出黎~~搞左我幾耐呀~~~~

食食下飯, 郁郁B話要錫細佬, OK, 甘我比郁郁B錫下我個肚皮啦..

點知郁郁B鍚完肚皮之後, 就好大力甘搣左我凸出黎既肚臍一下~~WAH~好痛呀~~郁郁B好陰濕呀~~話鍚細佬為名引我比個肚皮佢鍚, 其實係想搣我肚臍呀!!

郁爸昨天在家時, 教郁郁B踢波, 主要教左"後踭" 同"插花"

郁郁B一路跟郁爸做 "後踭"動作時, 自己就係甘講話"後返~~" 跟住個動作就好似人地燕式平衡甘(仲要扶住梳化WO)

做"插花"時, 郁郁B剩係識得企係個波上面...郁都唔郁, 甘就叫做"插花"哪WO...真係笑死人...

昨晚郁爸返夜, 郁郁B就會同我一齊訓, 但今早郁郁B醒左, 我仲訓緊,,,郁郁B就係甘搞我隻眼, 想搣我D眼睫毛...

因為郁郁B見過一次我把假眼睫毛搣下來. 自此, 郁郁B就成鬼日搣我D眼睫毛....

就算我話: 唔好搣呀, 呢D係真嫁....

郁郁B都係會照搣.......

兩仔爺玩到無野好玩.....

我都已經特登叫郁郁B望下係咪落雨, 為的就是希望郁郁B自己知道下大雨, 唔好去公園了~

但是, 縱使郁郁B自己都識得講話: 媽咪, 你睇下~落大雨呀, 個度同呢度都濕哂呀~~

都無阻到郁郁B去公園既想法

我話: 落雨WO, 仲去公園呀?

郁郁B答: 帶把摭哪~~~~

跟住就好開心甘拎把摭出黎, 預備去公園.

我都冇佢辦法, 係要比佢自己落到樓下見到好濕, 佢就會識得話折返~

郁郁B好潔癖的, 佢絕對唔會在污糟, 濕立既公園度玩的..

比我講中左, 佢行到一半就話返屋企了..

甘為何要落黎呢...

真係莫名其妙呢...