8:30 am 送大郁返幼稚園

9:00 am 買麵包, 回家食早餐

9:30 am 泵奶

11:30 am 出門口湊大郁放學

12:30 pm 侍奉大郁食午餐跟住氹大郁訓覺

1:30 pm 泵奶

2:00 pm 郁媽都訓晏覺, 阿li姐姐買送

5:00 pm 大郁去公園玩(通常就姐姐同大郁去的, 甘呢個黃金機會, 我就會同細尬沖涼同埋泵奶)

6:00 pm 大郁返黎沖涼

7:00 pm 大郁食些少點心, 做功課

7:30 pm 煮飯

9:30 - 10:00 要陪大郁訓覺

11:00 - 12:00 再泵奶+ 細郁喂奶

細郁開始步大郁哥既後塵, 而家一個月d, 已經唔見左條頸哪......

細郁好似知道大郁返黎就會好嘈, 所以會趁早上訓個飽..

呢張相命名為望天打掛, 細郁眼中的一片天

樓下公園出現飛車黨bb版

呢張二手BB床只係250元咋, 仲要有埋床肉同床圍呀~~真係好呀~~慳錢之餘又環保呢~~

唯一問題就係要我地自己入馬安山取..不過無辦法多, 多數都係要甘做嫁啦...

好彩郁爸肯幫我, 我地拎完之後就叫左蘋果車返家, 都係ONLY 95元.

砌好左張木床, 點知轉彎位唔夠, 張床都係無法推到大郁床的旁邊WO....

算吧, 我地就臨訓前將細郁+BB床推到大郁房近門口處..剛剛好也可以把門關上的..

但就感覺無良左D 哪, 臨訓先將個計時炸彈擺到大郁同姐姐訓覺的地方~~哈~~

不過無計哪, 大郁係甘要我同佢返學, 我仲要兼顧埋喂夜奶既話我會死的呢~~~~

這都是暫時性罷了, 因為細郁好快都會介夜奶嫁啦~~

姐姐, 唯有請你忍耐一段短時間了~~~~~~

所以最大既問題就係"喂夜奶"

細郁又無可能甘快介到夜奶嫁!!

甘唯有諗辦法, 做到唔駛由我喂夜奶~~

但係而家細郁訓既網床係放在我房的, 因大郁房已放唔到.

如細郁無法在大郁房, 甘就好難讓姐姐幫我喂細郁夜晚個餐奶嫁WO

為針對這個問題, 我腦裡面不斷各樣的可能性

包括將細郁放在大郁床旁邊既子母床上訓覺...但又驚大郁LOOK左落黎會札親細郁, 或早上大郁醒左係甘搞住細郁...

我更諗過將細郁放落去沖涼盆度訓, 跟住先放上去子母床度...但今時今日既細郁, 已無法平放在BB盆裡面了..

最後, 昨晚試行把大郁調過黎同我地一齊訓, 而將細郁放係大郁張床度訓.

昨晚既夜奶, 雖然唔駛我喂...

但我都係訓得唔好...因為大郁太大份了,,,,大郁+郁媽+郁爸迫在一張4尺床上面...真係好辛苦...

而且我一路訓, 一路就要忍受大郁既拳打腳踢...訓到中途都頂唔順, 要同郁爸換位訓...變成我訓最出面...

可惜, 都是睡不好..因為實在太迫......

實驗證明, 試行一是失敗的, 無可能晚晚都抱大郁過黎訓..

現在我的新想法, 就是在二手市場買一張剛好放到在大郁房的BB床, 闊度不能超過60 CM/ 23"的.

甘佢地兩兄弟就會同一間訓. 咩問題都解決啦~~~

又或者...快D比我中到六合彩頭獎, 甘我就可以換一層大D既樓, 甘就咩問題都解決哂啦~~~~~~~~

郁媽一聲長嘆, 因為大郁又回塘

由大郁兩歲開始返學, 完全無試過話唔肯返學, 掛住媽咪甘既..

但而家返左年幾, 佢先黎話唔返學...

一早, 大郁就會哭著不斷重複甘講: 唔好返學呀~唔好返學呀~~~~ (好淒厲甘)

郁媽要喂夜奶, 早上想訓晏D都唔得, 比大郁搞到要同佢一齊返學.. (原本諗住我只負責接放學..)

郁媽而家真係得返半條人命..

老C話大郁在扭計. 是因為細郁既出現, 所以大郁要爭寵...

大郁唔願意返學, 是想多點留在家, 甘樣就可以同郁媽一齊耐一點.

老C仲話, 大郁在學校同老C講過話係屋企無人理佢, 無人鍚佢WO..

希望這只是一個過渡期吧...快D回復正常就好了..

感覺就好似...去左大陸羅湖商業城一樣...

周圍聽到的都是外星鄉下話...

d人不斷係度問

去邊度可以搞埋個"肥狗証" (回港証) 同 "肥香証" (回鄉証)嫁??認真救命....

細郁個名已經決定叫做"烙僑", 同大郁一樣有個僑字, 所以由現在開始, 郁家有大僑同埋小僑.

感覺好似玩緊三國無雙甘樣~~

細郁英文名叫"DECO", 來源是郁爸本來想細郁叫做MARCO的.

但我話想細郁既英文名都同大郁一樣是D字頭, 於是郁爸好快就話: 甘DECO啦~~好波呀~~(此名跟踢波既"迪高"是一樣的..)

今晚提早一天慶祝細郁滿月, 我約左三叔, 三嬸去樓下彩明食飯, 一心想食片皮鴨的...

點知, 去到點菜時, 才知道片皮鴨既賣哂....

真係好唔開心呀~~~~呢度食片皮鴨48元咋, 仲要係好食嫁!!