12:30約左去PIKKI度化妝~~因為陣間3點約左去堂妹ELSA既朋友度影大肚相~

今次係我最後一次陀BB, 所以才決定把個肚最大既一刻影低佢..

不過我今次影既時候, 都已經有成36週(9個月), 稍嫌個肚已太大,,,而且我個肚又尖, 肚臍又凸~所以應該早返一個月影可能效果會好D~

唔緊要啦~~今次影出黎既效果我都好滿意呀~~仲有大郁既幫手呢~~

第二時細郁大個, 比返佢睇, 原來大郁在細郁出世前已經甘鍚細郁的了, 細郁一定好開心咋~~

12:30準時去到御用化妝BIG C -- PIKKI 度化妝 (這是化妝前拍的)

大郁之前都成日會跟郁媽上去PIKKI度嫁, 每次都盡興而回的!!你睇下佢幾開心,,,,,( 因為有野食呀麻)

這是化妝後, 令哂~~ 其他化妝C 我信唔過嫁~~哈~~~

今次最開心係影家庭照時, 因為大郁好合作呢~~~~~表情多多~~ 大郁果然係GOOD MODEL呀~

唯一有小小唔合作既就係一直反對我去影相既郁爸 (可能佢驚我比人睇蝕哂~~) 帽唔肯除,又扮COOL~好彩大多數人都只會留意大郁, 唔會注意到佢~~哈~

呢幾張抽起大郁既相, 真係影得好辛苦,,,因為大郁好重....

大郁開始累, 所以冇望鏡頭, 郁爸就係甘同佢玩, 但出來既效果都幾自然呀~~

大郁是我和郁爸的大寶貝, 就算細郁出左世, 都不會影響到大郁既地位~~~

我只須跟著藥方去配產後食既進補廿八方, 比出面買的SET足足平左一半, 而家我只須$1550, 但我所用既鹿茸同高麗參都已經係中上品質的!!!

所以真係好開心呀!!

因為我覺得我上次生大郁時, 都冇好好地坐月, 又被動, 我媽有拎野黎比我食, 我就食, 冇野拎黎, 我就ONLY食豬腳薑..

再加上我上次大部份時間都係傷風感冒中, 有補既野我都唔食得...

今次係最後一次生BB, 我一定要好好補養返個身體先得!!

係公司得閒到爆...上BK都上到冇TOPIC好睇呀..

終於等到六點夠鐘可以走人了~~

馬上搭巴士去九龍灣, 因堂妹ELSA有叮噹電影既免費票給我呢~~我諗住星期六或日就帶郁郁B去睇的呢~~

今晚仲約了契媽, 小咕及KELLY媽媽一起吃飯

我當然有帶埋郁郁B出去哪~~

不過我實在太累了, 所以影相既重任就交左比契媽, 遲D先有相睇..

等食飯之前, 我地仲係UNIQO幫郁郁B買左3件TEE ($59/@) , 其中一件是契媽送給郁郁B的.

另外又幫郁爸買左4件TEE,($59/@)特價呢~~所以先買甘多, 之前郁爸買左兩件, 個時仲係要$99/@呢~~~~

不過我就冇買到衫了~~

雖然我已不再是小女孩了, 但對過生日有點點的期望, 也是正常的吧....

例如收禮物, 切蛋糕, 同至愛吃一頓愉快難忘的晚餐...

我不期望有禮物, 也不期望有生日蛋糕, 但萬萬想不到我連一頓愉快的晚餐也不能享有...

我由認識你的時候開始, 已知道你是不懂說好聽說話的人. 但也不須在席上為了一點小事, 弄哭我之後, 一句道歉的說話也沒有吧!!

我怎會不知道那只是一點小事, 但我就是覺得好谷氣麻！

情緒控制不了, 才會哭!!!

但你氹都沒有氹過我, 道歉也沒有..

那即是代表什麼?  我唔明白呀!!!!

唔好怪我個樣好強顏歡笑, 因為剛剛哭完, 眼還是紅紅的..

郁郁B昨晚都有唱HAPPY BIRTHDAY TO YOU比我聽~~好開心!!

郁爸今早返黎, 教郁郁B同我講"生日快樂~媽咪", 但郁郁B剩係講左一句: 我唔識講呀~

郁爸跟著再唱 "HAPPY BIRTHDAY TO 媽咪~~"

郁郁B: 唔好唱呀~~~我唱左啦!!!

郁爸同郁郁B兩仔爺認真比面我啦~~

係我生日就一齊黎病比我睇~~

郁郁B昨晚就發燒, 搞到我都冇物點訓過..

郁爸今早返黎, 除了話腳痛, 仲話自己作感冒...

GOD.......