於是我試下約契媽同我食飯啦~

估唔到臨時臨急約都約到WO~真開心~

我地去左APM食我最鐘意既焗薯呢~~

跟著又在無印買左條大肚裙~

買野果然係會好開心既~

FIONA收工時都落左黎搵一搵我地WO, 仲比左對好型仔既GAP人字拖比郁郁B, 郁郁B係甘話"同爸爸的一樣呀~~"係屋企都要著住對人字拖~

契媽又有禮物比郁郁B, 就係呢頂型仔CAP帽啦~

有甘多人鍚郁郁B, 我都覺得好開心呢~~~

多謝契媽~~FIONA姐姐~~

上次在SHEMOM.COM影左一輯相, 今次佢地都有搵返郁郁B參考這個小MODEL比賽

約左今天早上10:00 去又一城既PRIVATE I SALON 剪頭髮 SET頭, 影令相~

今次係由三叔幫忙湊郁郁B出去(三叔真係超級偉大呀~~肯甘早起身湊郁郁B去影相)

但好可惜的是, 今時今日既郁郁B冇以前甘好相與的了.

而家既郁郁B, 咩都話唔得~~~~~物都SAY NO~~真係比佢激死~~

三叔直頭打電話黎向我求救, 話郁郁B失控, 唔肯坐上剪頭個張木馬形既椅上面

又唔肯比人掂佢D頭髮, 洗頭又唔比, 吹頭又唔比....總之就咩都唔比~~

甘都係正常既, 因為郁郁B自出娘胎, 都只係得三叔主理郁郁B既頭髮~~

除左三叔, 郁郁B係唔信其他人的了~~~

最後, 唯有係甘二幫郁郁B SET個頭, 跟住換大會提供既令衫影左一輯相.

之後會POST上SHEMOM.COM比大家投票嫁WO~~

今次真奇怪, 影完相先比人投票, 上次係投票贏左先有得去影令相嫁麻...

我諗最快要2個幾月後才會有隻碟 SEND返比我, 到時再比D相大家睇啦~

三叔好難得幫我影左幾張花絮照片~

一開始郁郁B就唔比人搞佢個頭

甚至仇視搞佢個頭既人.

大會唯有係甘易幫佢整少少GEL係個髮尾度, 就叫郁郁B換衫影相了~~ ADD D 運動衫好襯郁郁B呢~

無啦~要等大會比返我既相片才能再POST出黎了..

但早上, 我就先同左我爸媽+郁郁B去樓下既酒樓飲茶

最搞笑既係, 郁郁B同我爸爸去買報紙...

點知買買下, 最後係冇買到報紙, 只買左一架消防車既玩具返黎...

郁郁B勁開心~~~

飲完個茶都只不過係12點度, 但我同郁郁B都已經很累了, 可能昨晚夜訓的關係吧~

於是我跟郁郁B就一起訓個晏覺了~~

訓到3點幾, 就開始準備去太麻麻屋企開生日PARTY~

郁郁B就最開心~~

因為有佢最鐘意食既魚蛋, 腸仔~~仲有生日蛋糕~~

我仲帶埋新買既史迪仔吹波波機去到太麻麻樓下既公園玩~

郁郁B都玩得好開心呢~

之後差唔多七點, 我地就落去酒樓度打下麻雀啦~~

今次係我陀細郁以來, 第一次打麻雀咋~~

竟然羸錢WO~~~仲TOTAL贏左180大元呢~~哈~~

多謝英叔同三嬸兩位善長呢~

所以今天都算係最後一次同郁郁B去迪迪尼嫁啦

之後要等細郁出左世, 大個D, 先會再去的了

由於今次當為暫別之旅, 我地好豪呢~

以往我地多數只會去皇室宴會廳FOOD COURT度食野, 大約都係60元一個餐的

但今次, 我地一去到迪迪尼, 已經1:00度, 剛好夠鐘睇埋巴斯光年水花巡遊~

跟住熱到想死, 就去左我想去好耐既美心酒樓飲茶了~~

都唔係太貴呀~我地三口子去飲茶, 埋單都係200元, 係藍田美心都係甘上下價錢啦~~

但呢度D冷氣真係超正呀~~~物超所值~~

飲完茶, 又撞口岩史迪仔同佢班老友出黎同人影相~

但因為史迪仔我地真係影左好多次了~今次我地同毛毛及大眼仔米高影相~

之後就再去騎木馬, 比D大陸細佬迫到想死呀!!!!!!

再去玩小小世界, 全程都有冷氣, 好舒服呀~

玩完出黎, 又去左雪糕屋度買左杯可口可樂思樂冰+雪糕 $28元, 真係好消暑呢~

跟住就撞到睛睛, 彤彤, 仲有德德同賤女人

我地仲一齊去睇米奇金獎音樂劇。

睇完音樂劇, 又差唔多夠6點要睇史迪仔大街SHOW

跟住又去玩埋巴斯光年射擊~

郁郁B仲係巴斯光年既紀念品店裡面, 睇中左一支巴斯光年鎗 (冇野射到出黎既, SOUND ONLY) 120元, 比錢時, 郁郁B都唔想比收銀的哥哥過機...

收銀哥哥見到郁郁B甘緊張, 都問我地駛唔駛幫我地剪開個包裝, 甘就可以即刻玩...

甘梗係最好哪...郁郁B馬上已玩過不停了...

都七點幾了, 我就提議去又係一直想去好耐, 但都未去過既, 在小鎮大街尾既餐廳食SET~

三個DISH都要125元嫁~~

不過, 都幾好味呀~

郁郁B仲有兒童餐~好令呀~

我仲另外要左一個香蕉船~~大滿足~~

晚餐吃了400元~ 都唔算好貴呀~

慢慢甘嘆完晚餐, 都差不多8:30了~~

我地就出去搵個有利位置等看煙花了~~今晚既煙花要在9:00才開始呢~

我地今次好醒, 找到一個圍欄前面, 垃圾桶旁邊既位置, 甘郁爸就唔駛甘吃力甘抱住郁郁B睇煙花了~

終於到左9:00了~~

煙花大匯演開始了~~~郁郁B睇得好入神呢~~~

我都好鐘意睇呢個煙花, 雖然之前已經睇左好多次, 但真係好令~~~令人有好幸福的感覺~~

睇完煙花, 人潮好利害, 於是我地先躲入去紀念品店涼下冷氣先~

9:40左右先真正離開~

郁郁B已經好累了呢, 我都係呀~~~真係好累~~諗起陣間仲要同人迫機鐵...真係...

幸好我突然想起, 有架R22既巴士係返去藍田~於是我地就去左車站附近既哥哥, 睇下仲有冇R22號車坐~~

真好~最後一班車將會在10:00開出~雖然要搭足一個鐘, 但起碼有位坐, 唔駛迫呀~~~

回程時個個都甘累, 加上主要都係國內同胞, 唔駛旨意會有人讓座給我哪~

同埋我地多數搭機鐵會去到九龍站, 再轉的士, 為返回程都要150元度~

但搭R22, 都只係38元一位

於是, 我地就慢慢甘行去巴士站, 等左10分鐘度, 就上到巴士, 好舒服甘返屋企了~~

郁郁B一上車就訓覺豬了~~

返到藍田都11點了, 再轉巴士返到屋企, 真正返到家都只係11:15左右咋~

就係甘樣, 迪迪尼暫別之旅就完滿結束了~~

期待下次細郁一齊參與再去迪迪尼呢~

 出發時已經勁開心的了~

今次難得可以同到毛毛 & 大眼仔影相呢~

仲撞到睛睛 & 彤彤呢

在等睇史迪仔大街SHOW

郁郁B一見到三眼仔就衝過去~~"WAH~~個爪呀~~"

郁媽好嬲呀~隔離好多大陸人唔排隊, 我地係左邊影, 大陸人在右邊不斷打擾呀!!!!

豐富的晚餐, 因為這餐已有少少當係郁媽既生日飯黎嫁啦

郁媽的前菜

郁媽的主菜 -- 係雞扒黎既, 好味~~

郁媽既甜品~~~最強的香蕉船~~~~

食完飯等睇煙花~~~

話昨天留既小便, 化驗結果真係話我既小便裡面有白血球, 即係話下面有菌呢..

下一步要再留一次小便, 做一次種菌, 睇下係咩菌, 對BB有冇害甘樣..

呢次化驗, 要180元...都要做嫁啦...

於是今天又提早左一個鐘, 5點就出左去診所度留小便去做種菌, 不過今次既四至五天才會有結果, 姑娘叫我星期三試下打返去問..

由於我見細郁偏細, 所以我叫媽咪幫我搵返D花膠出黎, 實行咩湯都加D花膠落去~~

估唔到的是, 大郁都鐘意食花膠WO..

仲同我爭食...

飲完媽咪幫我安排既清補涼花膠"借姑"湯, 當然個晚好訓左WO.....

一覺訓到天光, 半夜冇物去洗手間呀~

難得訓得甘好呢~~