不過~郁郁B!! 有邊個人細個係冇瘀過嫁??

冇瘀過, 就唔係童年啦~~

所以, 我決定都係要記錄低呢件事!!

因為實在太震撼了！

話說郁郁B自返學之後, 已成功介左片片, 出街都唔駛著學習褲~~

而且係屋企亦未再試過賴"D", 最多都係去唔切VV 而賴左VV..

但今早郁郁B係郁媽房, 騷擾緊郁媽化妝, 突然間, 我聽到郁郁B話: 媽咪~痾左"D"呀!!!

郁媽: 下~~~~~??唔係掛~~

郁郁B: 依~~~~好臭呀~~~~~

郁媽就見到地上有兩PAT 黃金...........

OH~~~~MY GOD~~~~~~晨早整PAT金, 實行行衰運啦今日~~

但郁媽仍然好陣定甘, 先叫阿LI姐姐同郁郁B洗PAT PAT先, 郁媽就氣定神閒甘完整返工既妝容..

到郁郁B洗完PAT PAT之後, 就出去同郁郁B著校服, 而阿LI 姐姐, 當然要幫忙抹走兩PAT "D"啦~~~~~

一直我都沒有嚴厲地怪責郁郁B, 因為我知道佢唔係唔識同我講要痾臭臭, 而係掛住騷擾我, 所以唔記得左要痾臭臭~

所以我只係有話到佢醜地怪, 仲賴臭臭~!

換完校服, 又要趕急地吃栗米片早餐, 我見郁郁B唔多鐘意食我食開那隻原味栗米片, 特意買了朱古力味的給他吃..

但可能一起床飲個支奶都飽飽地, 所以郁郁B都食得唔多..

我唔係驚佢而家唔飽, 只是怕他上課途中肚餓咋...

因為要到10:30左右學校才會派茶點的!!

吃完早餐. 穿波鞋時, 郁郁B又說: 我唔識著呀!!

郁媽: 你返學之後好快就懂得自己著波鞋了. 現在跟我說你唔識著??

跟住我要作狀甘話: 唔等你啦, 媽咪返工哪, 要遲到了!!

郁郁B才會趕急地乖乖穿好波鞋..

你地話呢D唔係回塘係咩.....

到了晚上吃飯時, 郁爸去左踢波, 又係得我同郁郁B一齊食飯..

郁郁B又係掛住食送, 唔肯食飯..

最後我叫姐姐收台了, 郁郁B唔食就唔比佢食！

跟住拉住郁郁B入房, 要佢罰企, 食飯都唔乖！係都要激嬲媽咪！

點知郁郁B哭著的求情說: 媽咪, 我下次唔敢的了, SORRY~~~

死火!!!!!郁郁B竟然唔知係邊度學識左呢句求情既金句TIM!!!

一聽到郁郁B甘講, 當堂成個人軟哂...覺得郁郁B好可憐, 知錯了, 總要給他一個機會...

好, 就比一次機會郁郁B, 看看明晚食飯是否依然是老樣子!!

試圖在公司樓下截的士...但勁多人截, 我唔夠人爭呢...

唯有乖乖地等小英黎接我. 真係要特別鳴謝小英及ADA~~

好不容易才回到家

昨天郁郁B唔駛返學 , 所以姐姐都冇得去買送.

所以我地就煲左D飯, 加埋昨晚既節瓜湯, 今晚就食湯飯了~

姐姐預備左一大碗湯及一碗飯比我同郁郁B

我就教郁郁B將飯"不"落去湯度. 郁郁B有樣學樣, 做得有板有眼

這時, 郁爸都剛好放工返到家了~

郁爸後尾才加入我地食湯飯既行列.

由於郁爸既飯碗, 係比湯碗大好多的, 郁爸就將湯倒到飯碗裡..

點知郁郁B突然間好大反應甘話郁爸: 唔口岩呀~~~唔口岩呀~~

郁郁B話: 係將D飯飯"不"落去湯湯度呀!!! 唔係將D湯湯倒落飯飯度呀!!!

郁爸話: 甘我個飯碗大D呀麻, 湯碗放唔哂呀!!!

郁爸正想拎起筷子食飯

郁郁B又話: 唔口岩呀~~唔口岩呀~~~唔駛用筷子嫁~~用"不不"就得嫁哪~~~!!!!!!!

郁爸無聲出.......

臨訓覺前, 郁郁B飲完奶奶, 準備去刷牙, 郁爸難得唔駛返工係屋企, 於是話: 郁郁B~~爸爸同你去刷牙~~~

郁郁B: 唔好!!! 同姐姐刷 !! 爸爸你坐低!!!!

郁爸最後要夾硬抱住郁郁B去刷牙~~

刷完牙要訓覺了, 郁郁B唔肯返去自己張床度訓

郁郁B: 爸爸返工! 同媽咪訓!!

郁爸: 但我今晚唔駛返工WO.....

郁郁B: 同媽咪訓!!!!!!

郁爸 :.....(無奈...)

郁郁B已經上左郁媽既床度, 準備訓覺了.

郁媽叫郁郁B要同姐姐講早抖

郁郁B: 早抖~姐姐~~唔好鎖鐵閘 !!

(如果郁爸返夜, 郁媽會交帶姐姐, 唔好鎖鐵閘, 否則郁爸就無門口入嫁啦~, 點知郁郁B又學左, 但又唔識分時候黎講WO...比佢笑死~~!!)

之前睇TOY STORY時, 我問郁郁B: TOY STORY有巴斯光年~仲有邊個呀~~~??

郁郁B: 仲有胡迪~翠絲~~~

郁媽: 仲有呢??

郁郁B: 胡迪~翠絲~巴斯光年~

郁媽: 仲有邊個呀?

郁郁B: .....胡迪~翠絲~巴斯光年~胡迪~~~巴斯光年~~

郁媽: .....仲有三眼仔呀....

郁郁B既暑期班今天要停課呢~~

蝕左50大元了~~~~~~~

唯有在未有落雨時, 叫阿LI姐姐帶下郁郁B去公園踏下單車, 玩下, 唔駛甘悶麻~~

之後, 我更想起可以叫姐姐同郁郁B一齊去抹下D玩具

郁郁B勁開心甘呀~~開頭個幾架車仔真係好用心甘去抹,,,,但之後, 就見到佢剩係掛住玩塊布了....

都好既, 讓郁郁B有份參與一下家務

見郁郁B晚上開飯時, 甘踴躍幫手開台, 拎筷子

仲有姐姐開奶時, 郁郁B又話要幫手落奶粉, 又話要搞兩下..

通常我就唔比佢落奶粉既, 驚佢整到周圍都係奶粉,,極其量只係最後階段時比佢搞兩下.

佢已經好開心~

其實之前我一直都唔比郁郁B入廚房, 唔比郁郁B幫手的. 但最近我便開始改觀了..

因為睇到郁郁B係學校上課既情況, 郁郁B有試過整JELLY, 芝麻糊, 用剪刀剪紙條(平時我地唔比郁郁B掂剪刀)....

真的令我大開眼界, 完全估唔到郁郁B識得做甘多野！！這些事係在家裡我一定唔會比郁郁B做的！

而家諗諗下...其實, 讓郁郁B一齊做下家務, 都幾好呀, 應該對郁郁B有D信心既, 雖然佢未必會做得好好. 但總須要一個開始吧！

好似這幾天早上, 我整早餐比郁郁B時, 都有讓郁郁B一起幫忙

當然都係一些簡單的早餐, 前天, 我們便一起制作栗米片+牛奶早餐啦~~

我讓郁郁B自己把栗米片倒到自己及我的碗裡, 跟住就讓郁郁B倒牛奶落碗度~甘就搞掂了啦~~

郁郁B有份完成這個早餐~~都好開心呢~~~~~

以後, 我都會比多D機會郁郁B幫忙~~讓郁郁B有做哥哥的自覺~~~~

郁郁B一見到BB手推車就勁鐘意了~

郁郁B好鐘意"巴斯光年"呢~ (甘唔知郁郁B會唔會同樣鐘意阿鄧X峰呢??

我覺得胡迪個樣好似鄭X秋..

去食元氣壽司食到有氣球+貼紙拎~~郁郁B好野！

郁郁B學左三叔咬手指！咬到D手指崩哂, 跟住仲要刮花左自己塊面, 多左條刀巴甘

同郁郁B去MCL睇TOY STORY, 有巴斯光年及胡迪既大公仔唔影相...見到地下識得郁既字就係甘玩...果然係郁郁B, 對郁既野特別感興趣...

發現新大陸甘..

我踩~~~ 第一次失敗左

再踩~~ 今次踩到了~~~~

唔通佢返學校真係擔泥既..點解返到黎甘累既..

郁郁B一起床, 就話要去公園了..但我唔比佢去, 要佢食完麵麵先可以去公園玩!!

郁郁B最後都有乖乖地食左碗麵麵, 5:30先去公園

不過現在日長夜短, 5:30都仲係好光猛..佢玩到6:30都唔肯走呀.

因為郁郁B在公園度見到有個哥哥部單車比佢而家部叮噹單車大, 郁郁B勁鐘意!!

我放工一返到去, 叫左郁郁B陪我去超市買早餐, 郁郁B一見到書店的單車, 就同我講: 媽咪, 我要大D單車呀~!!!!!

係甘叫我買呀!!! 拉都拉唔住甘滯...

郁郁B真係車迷黎既...

玩具大多數都係車仔...

坐得黎玩既車仔都有三架...

再買多架大單車,,,真係唔知放係邊WO...

唯有放係門口, 但就會比管理處貼紙仔警告..

但係見郁郁B真係好鐘意單車, 我呢個做慈母既, 真係有點心軟想買過部大D既單車比佢..

因為佢而家個部三輪車又真係細部左D, 以佢甘高大既身形, 就更加明顯.....

好煩惱呀...

因為, 當你施行體罰, 一方面不單止令郁郁B的反叛性更加強, 另一面會使郁郁B有樣學樣, 在外面見到佢認為唔乖既小朋友同樣施行體罰..

這兩個結果, 都不是我希望見到的, 所以, 我和郁爸都達成共識, 就是盡量不要施行體罰..包括打PAT PAT, 打手仔..

有時, 對住郁郁B呢件極品, 叫極佢唔好搣手指, 佢都係要搣, 搣到D手指就黎流血甘....見狀, 真係佛都有火！忍唔住要打下佢手仔!!!

但, 每次閙完郁郁B, 打完佢手仔, 我內心都覺得很內疚

畢竟郁郁B是個三歲都未夠的BB. 是否應該對他有耐性多一點, 不要動不動就罵他呢...

我又忘記了行為糾正是用"讚", 而不是"罵"

睇黎郁媽我還有一段日子要努力呢..

唯有自己對自己說句 "努力, 加油!!慢慢黎, 今日做得唔好, 明天做好D!!"