郁郁B都好開心呢~~見到郁爸今天整天都冇返工, 留係屋企, 仲同郁郁B去買腸粉TIM

買完腸粉, 郁郁B仲同郁爸講: 不過我地去買汁汁呀(涼茶), 我地買大D呀~~

真係開心死郁郁B了~~

到左下午收甘D大陽, 我地就出發去左九龍灣德福行街街, 郁爸同我都買左D TEE, 郁郁B就買左對波鞋...甘樣又駛左成千元了..

跟住我有去食最鐘意既"掉利返"

之後隔左唔夠一個鐘, 又去食郁爸鐘意既車仔麵

由於郁郁B開始眼訓既關係, 我地8點幾就返屋企了~~

估唔到N班都會有成績表呢..

原來郁郁B係學校既時候, 同係屋企既時候係兩個人黎嫁~~~

係學校時, 係好乖的~~油顏色油得好令, 冇物出界的..

但係屋企呢, 油顏色油兩下就話比我知佢油完...真係比佢激死..好彩那些油顏色既圖畫係郁媽在公司PRINT的, 唔係就真係多多錢買都唔夠佢SIDE啦~!!!

老C仲話郁郁B係貪玩豬..

而且有時都令到D老C好頭痛的..

因為老C初時編郁郁B去藍組, 甘叫郁郁B要坐在藍色的地墊上,

但郁郁B個PAT PAT又會痴左埋去綠組..

老C問郁郁B係咪想去綠組呀?

郁郁B話係

老C就順下郁郁B意思, 把他調去綠組..

點知, 郁郁B無幾耐又話要去紅組...

總之就三組都去均哂啦....

今次見老C, 又有郁郁B既畫冊同埋工作紙FILE比返我睇, 最緊要就係仲有隻DVD比返我, 就係郁郁B上堂情況既相片黎既~~

大家去我FB度就會睇到的了~~

總括黎講, 老C對郁郁B既評語係: 好學好問, 樂於助人...(跟住唔記得左了..)總之唔係太差既評語啦..

懷孕前的重量是 50 KG (110 LBS)

現在我個肚有39", 比上個月多左一寸。

姑娘雖然話我未算超重, 但都叫我要注意一下了, 唔好用豬骨黎煲湯, 又叫我食少D雪糕..但而家天氣甘熱...點忍呀....

姑娘幫我摸肚時, 話細郁的頭仔已經係下面, 好似速勢待發, 準備出世甘哪WO~

我都唔執輸, 走佬袋已經執得七七八八了, 又有郁郁B幫手做野麻, 我放D野入袋時, 佢又幫我拎返出黎..真係比佢激死！

今日做完產檢, 都成12:15分, 拿拿聲去茶餐廳食左個快餐, 爭取到多一次同郁郁B返學!!

同郁郁B去到學校門口, 等著排隊洗手時, 排前面的是郁郁B既同學"晨晨"

晨晨無啦啦指住我個肚話: 你個肚甘大既, 你肚痛呀???

我話: EE 唔係肚痛, 係EE個肚入面有BB係度游緊水水呢！

晨晨再話：游水水!?? 物好痛LO!!

我話: BB游水水唔痛嫁, 好開心嫁WO..

晨晨仍然話：好痛啊~~~~~

我真係無話可說, 估唔到郁郁B既同學都係甘UNKNOWN既..我好後悔解釋得甘長盡, 總之話EE肥, 所以個肚先甘大就算哪...

郁爸呢排晚上都要開工, 我好似做緊單親媽咪甘..

我話已經買左初生BB尿片, 郁爸竟然話: 做咩唔等埋佢先買, 可以幫我手拎..

我話: 等你得閒陪我去買時, 細郁都出左世了..

郁爸連星期六/日都要開工, 邊有時間陪我買細郁的物品呀..

我都係自己顧自己的了..

郁郁B星期一有兩聲咳, 帶左佢去睇醫生, 晚上食藥時,,,比佢激死左..

郁郁B由細到大, 我地都叫藥水做"甜甜", 昨晚如常甘叫郁郁B食甜甜哪..

點知郁郁B無啦啦話: 我唔食甜甜!! 我要食藥藥!!!!!

我話: 甜甜即係藥藥黎嫁, 乖啦~~快D食甜甜啦~~

郁郁B都係話: 我唔食甜甜!! 我要食藥藥!!!!!

我話: 呢D就係藥藥, 快D食啦~~

郁郁B都係話: 呢D唔係藥藥！係甜甜黎既!! 我唔食甜甜, 我要食藥藥!!!!!

又有一次, 我叫姐姐煮烏冬比郁郁B食.

郁郁B話：我唔食烏冬, 我要食麵麵！

我話: 係哪, 係哪, 食麵麵啦~ (靜雞雞叫姐姐照煮烏冬比郁郁B)

姐姐把煮好的烏冬拎出黎, 放在郁郁B面前.

郁郁B講左一句：烏冬黎既!!?

我話: 麵麵黎嫁!!

跟住郁郁B都係照食左個碗烏冬...

管理處D人又話冷氣冇問題, 只係要搵專心洗下冷氣機, D冷風先出到黎, 而洗一部冷氣機, 要800元.

洗哂全公司既冷氣機要4800元...對上一次洗冷氣機係5年前既事..

兩個賤精太后就當咩都睇唔到, 尤我地焗, 尤我地熱..., 因為佢地間房仲要涼爽, 直頭凍得滯..

點知今天仲衰,,,直頭全棟大廈既冷氣都壞埋...

30幾度先黎壞冷氣....我地仲要係頂樓...真係熱到想死, 氣都透唔到呀!!!!!!!

而家唯有靠住公司個幾把風扇吹住...但吹出黎既都係熱風.....

我就黎溶啦~~~~~~~~~~~~~~

如果而家作動, 我都隨時要入產房生細郁的了, 不過當然就未足月啦 (醫院叫足37週既bb既算足月的)

上個星期五, 終於搵到最佳的TIMING, 將產假紙遞比太后,

由於張產假證明書係政府醫院寫比我的, 佢地仍然都係依著DAY ONE計LAST PERIOD既預產期 9月16日黎寫.

所以我同公司申請產假時, 前二就係9月2日開始放, 不過我覺得9月1日開始會易D計, 所以我假紙度都寫9月1日開始

而我係出面私家照超聲波既預產期則為9月10日的, 所以正確黎講,我係放前10天呢~~

不過放前幾都唔緊要啦~只希望細郁出世後, 我可以有多D時間照顧佢~

記得上次生郁郁B時, 我都係放前二的, 但郁郁B遲到左兩天先出世, 我悶足16天呀~~

今次就算細郁未出世, 要照顧郁郁B已經分身不閒了, 所以我應該唔會甘悶嫁啦..

因為而家郁郁B真係超痴我呀~~!!

初時仲擔心郁郁B會ONLY跟姐姐, 唔肯跟我呢個媽咪, 原來又係白擔心的~~

郁郁B係感受到我既母愛的~~HEHE~

而家沖涼, 刷牙, 換衫, 訓覺...ETC..都係搵我一齊的,,,,