有時要做勞作, 有時要油顏色...

有時真係覺得好麻煩的呢...所以通常我地都唔記得左要做的..

今早嚇然發現郁郁B有張親子工作紙我仲未做WO...

死哪, 今天要交的了!!!

呢張工作紙要求我們一起找一些黑色的物件圖片, 剪貼在工作上, 可以係黑色的車, 衣服,,,,,WHATEVER吧~

我就係臨出門口個幾分鐘度, 係甘掀我之前買既日本雜誌, 隨便找了幾張黑色衣服及手袋的圖片, 快快手甘剪下貼在工作紙上~~

跟住分咐郁郁B今天返學時要帶回這張工作紙給趙老C啊~~

估唔到既係, 郁郁B好鐘意我幫佢做既工作紙呀~仲係甘拎住張工作紙唔肯放低, 連去公園都話要帶埋張工作紙, 郁郁B手拎住張工作紙, 雙眼發光甘, 不斷話好令呀~~~媽咪整得好令呀~~

郁郁B越係不斷的讚,,,我就越係內疚,,,,我做得甘馬虎,,,真係好對唔住郁郁B呢~~

因為郁郁B玩郁爸的手提電話時, 唔小心打左郁爸電話簿裡面既人..

所以一早, 郁爸就好嚴厲甘閙左郁郁B一餐好金既..

過左一陣, 先平伏返, 甘我就帶埋郁郁B, 約埋三嬸去公園行下

可惜公園因為天雨, 濕濕的冇得玩呢~~

唯有去食早餐啦~

今次食早餐我地竟然發現, 郁郁B唔鐘意飲熱杏霜呢~

郁郁B對熱杏霜既COMMENT係甘既 : 依~~好臭既~~唔食得嫁~~~

我地點氹郁郁B, 郁郁B都係唔肯飲....唯有放棄 (我自己都好唔鐘意熱杏霜個陣味的, 所謂己所不欲, 物施於人, 所以我都冇特別迫郁郁B飲..)

行完一輪街街, 有點累了, 返到家就想午睡一陣啦~~

郁郁B入我房搵返佢隻麥兜公仔, 跟住我就問佢: 訓覺係媽咪床定係郁郁B床??

郁郁B話: 郁郁B床！

甘我就比返隻麥兜佢, 叫佢返自己張床度訓覺豬

點知唔駛一陣, 郁郁B開我房門, 我見到郁郁BB個口就擔住支奶奶, 手就抱住麥兜公仔同埋佢個張好大既史迪仔被...

郁郁B執埋包袱黎我房訓覺豬...真係笑死人, 我問郁郁B做咩唔拎細張D個張POOH POOH被, 郁郁B話一定要史迪仔被WO..

小插曲:

前天郁郁B一隻手拎住豬仔, 另一隻手拎住將要掉落垃圾桶既紙巾..

點知去到垃圾桶前, 郁郁B唔小心將佢心愛既豬仔掉左落垃圾桶~~~~~

跟住我地梗係要將豬仔徹底甘洗乾淨及晾乾先可以比返郁郁B哪

之後幾天, 郁郁B都不斷問著我們豬仔既下落....

又話自己係唔小心先把豬仔掉左落去垃圾桶的~

郁郁B話: 紙巾唔要!! 豬仔要!! 但係豬仔跌左去垃圾桶!!!! 要洗白白!!

到而家, 郁郁B每天都有問住豬仔的情況的...

但郁爸話我地乃左野呀~~~

郁爸話原來張床唔移位好過移位WO,,,

個櫃比原先預的大左一D呀(預尺寸呢D野梗係唔會由我看哪, 我剩係負責揀款嫁咋..)

而家裝左個櫃係房, D櫃門唔夠位開呢~~

學郁郁B話事計 : 點算呢~!

睇黎真係要快D借個電鈚返黎, 等郁爸再努力多一次了..

今次工程仲要再大D呀, 因為可能要拆埋個櫃黎移位呀~~~~~

無奈我而家陀住細郁, 幫唔到手啦...

但郁爸都叫我先將郁郁B原本在膠櫃桶既衫先放左入衣櫃先. 到要轉位先再執出黎..

郁郁B昨晚係甘拉住我呀, 話要: 做野！

跟住就拖住我入佢房到搞個衣櫃哪

郁郁B係甘開D櫃門, 又係甘叫我 : 媽咪~~睇下~~~

由於郁爸昨晚又係要返放, 所以呢個時間, 佢把握機會訓覺.

甘執衣櫃既任務就落在我身上, 不過, 幸好, 我有位得力助手~~就係快要做哥哥既郁郁B啦~~~

我將郁郁B D 衫全新分類, D長袖及冬天衫就放入衣櫃上層位置

過程中, 郁郁B好努力甘幫忙~~

仲幫我將衣架遞比我, 我把外套套在衣架上, 再交回比郁郁B, 郁郁B站在衣櫃裡面, 幫我把套有衣服的衣服掛在衣櫃上~~

郁郁B好似好忙甘係廳同房兩邊走黎走去, 一時要幫我掉一些垃圾, 一時要幫我把吉出黎既膠櫃桶拎返出廳度~

真係一個好幫得手既哥哥呢~!!!

昨晚三叔三嬸比我叫左黎食飯, 門鐘一響, 我請郁郁B幫忙去開門, 郁郁B一邊講: "BANK"個呢??, 一邊行去開門

郁郁B見到三叔同三嬸好開心~~

三叔三嬸問: 媽咪呢~?未放工呀??

郁郁B答: 唔係, 媽咪係度~~睇下~~~~(指住在房間的我)

之後郁郁B就係甘叫三叔三嬸入房睇個新櫃, 係甘講: 三叔~~睇下~~~三嬸~~睇下~~~~

睇黎個衣櫃變左景點呢...

平時郁郁B一見到郁爸或郁媽返黎, 就會馬上起身玩玩嫁啦~

點知昨晚郁郁B一反常態甘WO, 唔願起身, 甚至到左食飯時間, 都唔肯起身呢~~

我埋去問郁郁B, 食飯哪WO, 出黎食飯哪WO..

點知郁郁B竟然答:唔好...

我再講: 有湯湯飲WO (平時郁郁B最愛飲湯的了)

郁郁B: 唔好...

我問: 做咩唔食飯飯, 唔飲湯湯呀?

郁郁B: 我咳咳呀...

咳咳都可以食飯同飲湯嫁~~~~

但郁郁B都係唔肯出黎食飯同飲湯

最後郁郁B只肯出黎食左少少菜菜咋, 跟住又要求開奶奶。

飲完左一支奶奶, 又好似精神左D WO~(回魂奶!?)

就在廳度玩左一陣, 但係郁爸昨晚要返夜, 所以這段時間郁爸走左去訓覺, 冇人同郁郁B玩呢~~

郁郁B就係甘問: 爸爸呢??

我諗我都答左最少十次, 話爸爸訓緊覺豬...

到成10:30, 要郁郁B訓覺了, 點知佢又扭計要奶奶WO!!

我話: 你頭先物飲左LO!!!

郁郁B: 冇飲左呀, 要奶奶呀!!!

真係好無賴呀~~~~~飲左又唔認, 點可以飲甘多嫁!!!

我無就範開奶奶比佢呀, 因為頭先佢已經飲左一整支奶奶 240 ML嫁啦!!

郁郁B就大吵大閙甘叫媽咪~~我要奶奶~~

終於, 郁郁B嘈醒左可怕既郁爸了!!!

郁爸一過去郁郁B間房, 郁郁B就唔敢再出聲, 隔左一陣就訓左覺豬了....

無幾耐郁爸就去左返工了~~

我訓到半夜去洗手間時, 順道都會去望下郁郁B有冇"付"被的.

但今晚我見到的不只是"付"被LO, 係見到郁郁B反轉扒左係度, 下半身仲要係子母床個部份度！

好似比人整暈左甘..

於是就又抱郁郁B去我房度訓, 我當然要拎埋郁郁B張被仔, 仲有兩寶 ( 麥兜同豬仔公仔)

今早郁郁B醒醒地, 但我仲未好願起身, 郁郁B係甘同我講話要返去郁郁B床, 我每次都係講: 陣間先哪, 陣間先哪

過多左一陣, 郁郁B無啦啦起身, 仲自己執埋佢張被仔同兩寶 (好似執包袱甘), 甘我就唯有叫剛放工返黎既郁爸抱返郁郁B去佢自己張床度哪..

最搞笑既係, 郁郁B會自己執埋包袱返自己張床~~~真係好有手尾WO~

題外話

** 近排郁媽在聽蘇打綠的歌, 有一首叫做"無與倫比的美麗"既歌, 我一聽到這句歌詞 "我知道你才是這世界上無與倫比的美麗",

我就會覺得 "郁郁B是這世界上無與倫比的美麗", 我諗每個父母都是這樣想的吧~~

我又突然很感慨甘覺得, 我生命中最重要的男人, 將會好快就由兩個, 變為三個的了!!!!

真係...分身不暇呀~

所有接過郁郁B放學既人都知道這個程序不可少的, 有時三叔仲好慘甘, 比郁郁B迫佢一齊食麵包TIM..

但剛先姐姐打電話比我, 告訴我郁郁B今天沒有買包包呢.

郁郁B頭先跟彤彤一同放學回家, 彤彤問郁郁B: 你今天冇買包包既??

郁郁B 竟然答 : 係呀, 我咳咳呀!!

哈~~~~哈~~好好笑呀~~~~郁郁B竟然會知道自己因為咳咳而唔買麵包呀~~ (其實咳咳都可以以麵包咋..)

但郁郁B既對答真係好好笑呀!!!!好像個大人甘呀~~