距今不經不覺已經第5年了~

其實都真係唔明點解個時註冊同擺酒唔同一日搞埋既呢~

不過甘又幾好呀, 又多一天籍口黎食餐好既

但對郁爸黎講就唔多好了..

因為佢又要記多個日子

昨晚我問郁爸, 明晚去邊度慶祝食飯呀?

郁爸都係個句: 明晚慶d咩呀~~??

都預左佢唔會記得個日子, 但又only記得我曾經講左話:註冊紀念日唔慶祝既, 集中慶祝擺酒個日就ok.

郁爸又甘天真, 真係信我唔會慶祝註冊紀念日wo..

個時冇錢梗係話唔慶啦~~~

醒未呀~~郁爸~~~慶嫁~我咩狗屎垃圾紀念日都要慶嫁!!!

男人真係好funny既, 記日子對佢地黎講係存在著"特別障礙:

就正等如我計數同埋分左邊 & 右邊都有特別障礙甘..

連三叔, 三嬸都知道明天係我同郁爸既註冊紀念日, 但當事人之一既郁爸係完全無左件事既~

我記得註冊當天, 郁爸連張結婚證書都差d唔記得拎呀!!!! 就甘簽完放係台面就算...

講到最後, 我地就睇雜誌, 睇下去邊度食餐好慶祝好哪

最後決定去一間新開既鐵板燒食呀~~好好味呢~~~~~

而且仲撞到以前讀POLY既同學仔 WENDY佢地呢~

甘即係我個樣雖然肥左但無咩變呀~~佢地都仲認得我呢~~~

今餐食得好飽呢~~仲破介食左鵝肝TIM....(罪過罪過....但真係好肥美, 好好味......)

大滿足~~~~~

中午時, 我帶了郁郁B出去旺角拎執好的產後廿八方, 順便又食我至愛既DELIFRANCE啦~

我話先食薯仔沙律, 郁郁B又係甘話: 媽咪, 我想食呢個 (指住個法包)

我話: 食左沙律先

郁郁B: 我要食呢個!! 媽咪, 不如我地試下食呢個!!..

真係比佢激死...

食食下, 坐隔離台既哥哥, 都不禁讚郁郁B: 你個小朋友食野都幾乖WO

跟住哥哥再講左一句: 佢都幾食得嫁WO~

我即刻好無奈甘.....講左一句: 係呀, 佢幾食得嫁....

郁郁B仲好開心甘, 係甘話比人知佢有得飲朱古力, 又話朱古力好好味甘樣....

人地笑你你又唔知, 郁郁B你真係好樂天...

在朗豪坊食完DELIFRANCE後, 見到有甘得意既場景, 郁郁B都話要影D相WO

郁爸最鐘意既波鞋店

郁媽最鐘意去買平野既花園街

郁郁B最鐘意既小巴, 仲要有才嫁WO: 紅色無 "DO" (八達通), 綠色有 "DO"!!

所有人既最愛~~SPICY魚蛋~

大郁真係剩係比三叔一個剪佢D頭髮既, 剪頭髮既過程都不知幾乖, 坐得幾定呀~~~~

大郁剪完頭髮後, 我覺得佢好似變左另外一個人--崖上的波兒入面那個小男孩 (宗介)...

昨晚我訓到半夜, 突然間覺得隻左腳抽筋呀~~痛到我大叫~~~~

呀~~~~好痛呀~~~郁爸~~~我隻腳抽筋呀~~~~~~

郁爸馬上就好似教練甘起身幫我拉筋.

這樣我才舒緩到咋~~

所以我話郁爸幾甘重要呀~~~~~好彩郁爸係度咋!!!

這是大郁只有10個月大既時候去影樓影既全家福~

這是大郁2歲9個月時去影樓影的全家福~~

下年年尾, 我地會影埋有細郁加入的全家福四人組合~~~好期待~~~

對於郁爸份工都要返大陸...我都真係覺得好無奈..但又無理由因為甘樣, 叫郁爸唔做嫁..

我同郁郁B都好唔慣呀! 郁郁B成日問: 爸爸呢~~

我都只好答, 爸爸返工呀, 今晚先返黎...

真係好掛住你呢~郁爸~~你快D返黎啦~~~

今次郁媽的體重有63.7 KG, 比兩星期前重了1.2 KG, 增長好好WO

血壓都OK, 腳又冇水腫

下次產檢將會係9月1日, 這天是我第一天開始放的產假！

今次產檢仲要破天荒10:30就搞掂走得了~~~

甘早走得, 甘我就可以自己帶阿LI姐姐由屋企這裡搭一次小巴去太麻麻度啦~

因為之後個幾星期, 我都會叫阿LI姐姐下午就帶郁去太麻麻度過下日晨, 唔駛甘悶的~

原本既PLAN A 係由今天放假既三叔幫我湊郁去太麻度既 (因我冇預到自己甘快可做完產檢)

點知三叔渣渣, 唔肯起身~~

好彩有我呢個最強既BACK UP呢~~~

三叔唔肯起身, 我就11點度開始帶郁郁B去搭小巴, 過去太麻麻度飲茶, 時間尚早, 我都可以飲埋茶先返工~

後尾差不多12點度, 三叔終於訓醒了~~佢話而家過黎WO~~好野~~正好黎埋單呢~~哈~~

估唔到郁郁B甘奸既. 佢才身食緊一件牛肉腸粉, 未食完之際, 郁郁B既至愛"燒賣"就黎到啦~~

佢梗係第一時間唔想食牛肉腸粉, 而想即刻食燒賣啦~~

但我唔比佢甘樣做, 我要郁郁B食完件牛肉腸粉先可以夾燒賣..

郁郁B就係甘同我講: 腸粉好熱呀, 食唔到呀..

郁媽: 邊熱呀, 我食左好多件了!!!

擾攘左一陣, 三姑婆做架兩, 叫郁郁B將唔食既牛肉腸粉比姑婆食..

郁郁B第一時間就將件腸粉夾左比姑婆....

跟住我當然要兇啤郁郁B, 再同郁郁B講: 甘你唔好食燒賣啦!!!!

郁郁B立即以楚楚可憐既眼神望左我好耐,,

我唔SHOW佢, 佢就索性撲左係台面度, 等我地見唔到佢個樣, 扮到係人都覺得佢好唔開心甘...

三姑婆, 太麻 & 三叔都立即中哂招, 叫郁郁B食燒賣都叫唔切, 三姑婆仲夾埋燒賣比郁郁B..

然後, 我就見到郁郁B抬返起個頭, 根本一滴眼淚都沒有, 個樣係奸笑緊~~~~~~~

實在太可惡了~~~~

星期六時諗住同郁郁B用贈劵去睇叮噹的, 點知得返第一行三個位......最後冇睇呀, ONLY在戲院同巴斯光年影左幾張相..

影完大肚相, 就去左葵芳新都會廣場食郁媽最鐘意既DELIFRANCE~ 見到有FELIX公仔, 郁郁B雖然唔知係咩, 但都話要影相WO..

其實呢隻貓係冇錯既, 不過佢個名FELIX就令我想起人地個奸夫係叫呢個名...認真不愉快呀~~~

奸夫不如改名做CHICKEN BAR啦, 呢期興呀~~同埋呢個名襯佢多D呀~!