由於大郁join唔到12:00那一班, 所以就要阿LI姐姐12:00時帶午餐給大郁, 留在學校跟老C一起吃飯. 跟住1:00就上興趣班甘

2:00放學, 我喂完細郁食奶, 就去接大郁了, 主要我唔想大郁覺得自從細郁出左世, 媽咪就唔再接佢放學甘

我仍然十分喜歡湊大郁返學放學的, 但早上實在太累, 唯有接放學吧~~

之前郁爸在細郁出世時, 已說過要買份玩具送比大郁, 當作為細郁送比大郁既見面禮.

但到現在都一直未買到

於是我在接大郁放學時, 經過玩具店, 就揀選左一份 叮噹火車組合...都幾貴嫁, 要248元...銀包既錢剛好買左呢份玩具就無哂錢了.......

點知去到學校附近, 就撞到大郁同學仔的媽咪, 佢地又話比我知, 大郁要留堂....

我即刻話: 唔係呀麻~

去到學校, 利老C話大郁要罰留堂一陣

我即刻問: 大郁又打人呀?? (昨天SO老C話大郁諗住同人玩, 會郁手拍下人, 但同學仔唔鐘意, 就投訴大郁佢打人.....)

利老C話大郁唔係打人, 之不過剛才佢玩非洲鼓時, 超級興奮, 超級開心, 坐唔定, 老C叫佢返埋位坐, 都唔理...

所以就捉左大郁去照肺LO.......

呢隻仔真係......

次次我去接放學, 都梗有人投訴佢既.....

兩個寶貝

不過, 上一次大郁對埋身食人奶表現十二分抗拒,

再加上前幾年乳房有纖維增生, 使到一些乳線閉塞, 跟起人奶時, 真係超痛呀!!!!

令郁媽好灰心,, 所以堅持唔到喂人奶

今次細郁就唔同了, 郁媽抱佢埋身喂母乳, 佢都好合作呢~~

雖然喂母乳好痛, 但只要細郁肯食, 再痛D都唔緊要!!

之前幾天, 一天裡面, 大約只有一次是細郁埋身食的, 因為之前唔知係咪上奶未上得好好, 所以就算我喂左細郁個幾鐘頭母乳, 佢轉個頭又肚餓, 又要補奶粉比佢.

但今天早上, 我又捉細郁埋身食母乳, 今次都係喂左一個鐘左右, 但今次細郁好似好滿足甘訓返, 冇再表現到好肚餓甘WO

我就覺得, 今次係我第一次用人奶喂飽左細郁呀~~~~

真係太好了~~~~

 在醫院, 細郁中氣十足

大郁接左細郁返屋企, 表現得超級興奮~~

大郁抱住細郁

大郁話比哂D玩具細郁

令郁媽很苦惱呢...

無錯, 叫大郁一起幫忙照顧, 是一個很有效的教導大郁愛鍚細郁既方法...

但....大郁實在太過熱心了...

無論何時何刻, 都說要幫忙...但有些時候, 的確是他無法幫忙的麻...

例如, 郁媽要抱細郁埋身喂人奶時, 大郁都嚷著要幫忙....究竟我喂人奶, 大郁可幫d咩野忙呀!!!!

就算是喂奶樽, 我都係想快快手手喂完奶可做其他野的, 但大郁又話要幫忙, 甘就要比佢抱住細郁, 我係旁邊扶住, 大郁拎住奶樽, 我又要係旁邊扶住, 仲累過自己喂...

幫細郁沖涼, 真係好想趁大郁訓左先做. 但有時都係預唔口岩時間, 就會好煩, 大郁咩都話要幫手...但細郁沖涼時, 床上面有好多野, 又棉花捧, 又酒精, 又清水, 又棉花球, 又尿片, 又濕紙巾...大郁一爬上床來, 所有野即時打"射"哂..........

細郁一哭, 大郁話要去抱細郁, 大郁邊會夠力抱起細郁....但又不斷嚷著要抱....

大郁現時令我最激氣的是, 每次我叫佢做一野, 例如你執返d玩具甘哪.

叫一次, 兩次, 三次都佢都好似聽唔到既, 係要我好大聲甘好惡甘叫佢"執玩具!!!!!!!!!"

大郁先肯去執....真係好勞氣......

郁爸放埋明天星期日的假期, 星期一就要返工了...

剩下我孤軍作戰, 應付大郁 & 細郁, 細郁都好應付d, 食完就訓, 訓完就食..

但對住大郁..., 真係唔知死幾多細胞呀!~!!!

間唔時我媽仲要上埋黎...大郁做左d唔應該做既野, 例如之前學左d姑婆講 "玩野!" 我地一聽到已好嚴肅甘同大郁講唔可以講呢d說話, 唔可以學姑婆講野!!!!

但大郁有時仍然會講, 每次佢一講, 我地就會話佢, 要佢知道呢d說話係唔講得既..

但我媽係度. 聽到大郁講"玩野"仲開心度係甘笑, 真係激到我好嬲！

幸好, 下星期二大郁學校就會開始有一些興趣班, 可以令到大郁遲兩個小時才放學！特別感謝幫我插位的利老c!!!!

雖然每個月會駛多左一千元左右, 不過因為有學劵的關係, 其實都係同之前要比既錢差唔多..

有得揀, 我都想大郁返全日班呀. 可惜大郁間學校沒有全日班咋...

大郁成日要抱細郁..唔比佢抱又唔得...但細郁似乎都唔多ENJOY比大郁抱..

跟住仲要喂埋奶....

細郁都係好奸甘既...

細郁訓覺POST好搞笑...

大郁將好多玩具堆在細郁身上, 叫細郁玩玩具 WO...

希望從今以後, 我地四為一體~~

大郁錫細郁, 郁爸鍚郁媽~~~

今天又係要到健康院的日子, 再檢查下細郁的黃疸指數

今次既指數都係合格的, 醫生說細郁各方面都好好~~

不過講到食個方面, 都係大郁叻d~~

當年大郁食奶超快, 仲每次都一定食得哂所有既奶奶~

細郁係呢方面就渣DD了~

希望隨著細郁慢慢長大, 食野方面都進步返D, 甘先有郁家既風範嫁麻!!!

不過食多食少都唔緊要, 最緊要細郁要健健康康!!

細郁難得張開雙眼的情景

細郁好多頭髮

細郁的"虎穴"

頭髮好似都係曲的.

三仔爺有計傾

但這兩天都忙要去健康院 (循例檢查), 細郁的黃疸指數合格, 唔算太高, 而且醫生說只要細郁肯食, 肯痾大便, 好快就d黃疸就會退的了.

細郁同大郁最大的分別, 就係食個方面...

細郁食奶有點慢, 唔同大郁5分鐘唔夠就飲完奶奶...

所以喂細郁飲奶都真係要有耐性d, 因為每次就算係喂奶粉的, 都會用上半個鐘度, 食一陣, 要掃一陣風, 再食一陣, 又要掃一陣風, 總之食野就似足郁媽甘慢, 甘滋陰~~

如我們所料, 大郁對於細郁這位新成員, 有超強勁既好奇心~

表現度好開心, 好錫細郁~~

大郁放學時,  會買個包包, 然後急不及待的在回家的路上就會話要食包包, 永遠唔肯話留返回到家才食包包的.

但昨天大郁放學後, 買左個包包, 竟然唔肯在路上食, 仲同姐姐講, 要返屋企食, 要同細佬一齊食!!!

聽到姐姐講返比我知呢件事, 真係好安慰呢~~~~~~~~

大郁你好乖呀~~~希望你一直要keep住甘錫細佬呀!!