果然如我們所料, 坐係度食飯, 你眼望我眼....成日有DEAD AIR呢..

跟住又行貨地每個人逐個問X'MAS有咩做...真係行貨到爆燈呀~~~~~~

不過, 醉翁之意不在酒~

X'MAS既現金抽獎才是我們心中個杯茶...幾甘驚今年連呢個都CUR埋呀~~~

好彩今年都係有既~~

而且仲加左一個問答環節, 有問公司好簡單既問題, 亦有難GAG題...

郁媽好勁呢~~個個諗到爆頭既難GAG題, 郁媽都答到呢~~每答到一條, 有一封利是(裡面是100元一封的~)

郁媽總共答對左四條問題, 有四封利是收到呢~~

跟住到左重點抽現金環節, 郁媽好灰呢, 抽到10號, 即係第十個(尾二)出去抽利是的...

大獎既三千元已經比人抽哂了...

到我尾二, 得返一封係一千, 一封係二千既, 機會係50/50..

終於~~我抽到二千元呢~~~~YEAH~~

三年來我每年都係抽到二千元的~~勁呢~~~~~

一抽完獎就馬上想撇啦~~~

郁爸今晚仲要去搵大牛補鐘, 因為三叔結婚個晚, 郁爸都要幫手揸車呢~~

我返到屋企, 郁郁B已經訓左了,,,我一整天都冇見過郁郁B呀....

先搭車去中環, 再係交易廣場轉30X去數碼港...

數碼港真的好大....仲要大會比個張通告既地址係唔口岩既, 又話係四座, 原來二座先口岩....行到我地死死下甘先去到會場..

原來會場搞緊個兒童遊樂場甘, 好多大型既吹氣滑梯個D比小朋友玩, 當然係要錢嫁啦~~

數碼港果然係一個非富則貴人住既地方, 係個度玩個遊戲最少要兩張遊戲劵, 一張遊戲劵要10元嫁~~仲要玩得3分鐘咋, 駛唔駛甘貴呀!!!!

好彩郁郁B參加左那個CATWALK SHOW, 大會送了兩張遊戲劵,比郁郁B玩, 再加上好多遊戲都要夠1米高既小朋友先可以玩, 所以今次我地忍得住, 冇大出血呀~~~哈~

去到登記處, 姐姐們都好鐘意郁郁B呢, 仲係甘問郁郁B扮什麼主題...

但郁郁B今次冇扮野呀, ONLY 著CASUAL WEAR咋~

初賽時的照片 (大會提供的照片)

初賽時, 郁郁B既表現都唔夠放. 而且又沒有特別既打扮...我仲以為佢實入唔到決賽

但竟然又比郁郁B入到決賽WO....

郁郁B在決賽中表演好出色, 插住褲袋出黎好型仔呢~~~哈

仲有令女姐姐同郁郁B影相呢

郁郁B笑得好衰呢

今次契媽仲特登老遠甘入黎數碼港度捧郁郁B場呢~~

初賽的短片：

決賽的短片：

對於郁郁B來說, 雖然佢未必知道聖誕節係咩, 但係郁郁B就好鐘意唱聖誕歌~

今次我地派出既係記者係郁爸

10:30 返到學校, 今天是不用穿校服的, 郁爸就幫郁郁B穿了SHARP醒的便服

一返到去, 郁郁B就入去左大禮堂度, 同其他既同學仔排排坐, 一齊練習唱聖誕歌啦~~

練左成大半個鐘之後, 校長就叫左郁爸個D家長入去大禮堂入面, 欣賞小朋友既 "求其大合唱" , 下面既片段裡面, 見到郁郁B係唔識唱既, ONLY係度做手勢已好開心~~簡直係12分投入呀~~~

郁爸話聽佢地唱歌都聽左成個鐘嫁...唱黎唱去都係個兩三首歌.....

但對於郁郁B黎講, 記得三首歌既動作小小, 已經係好叻叻嫁啦~~

坐在郁郁B旁邊既都係郁郁B既同班同學~~郁郁B右手邊既男仔係郁郁B既死黨黎嫁, 郁爸話郁B會拖住佢呢位死黨的~

唱歌唱到11點度, 就出去球場度玩遊戲, 不過郁郁B尚細, 都未係好識玩個D遊戲, 但係郁郁B都係好開心啦~~

玩完遊戲返去食小小茶點先~

老師在派三文治前比其他小朋友之前, 都會問下個位小朋友"食唔食三文治呀?"

但老師去到郁郁B面前, 就直接比左件三文治郁郁B, 仲要講左一句 "比咩你都食嫁啦~~哈".......

睇黎老師真係好了解郁郁B...

食完茶點, 就開始起行搭大巴去黃埔既冒險樂園度玩玩啦~~

係兩小時內機動遊戲任玩的, 但由於郁郁B都係太細個啦, 裡面其實冇物野口岩佢玩,,,係得波波池呀, 坐車仔呀個D佢可以玩....

下年吧~~下年郁郁B就好多野都可以玩嫁啦~~~~

玩到3點多, 就回程返屋企了, 郁郁B累到在大巴上都訓著左覺豬LU~~~

觀課時間是3:00-4:00, 但郁媽好心急！

2:45左右已經到左學校門口了, 仲未有其他家長黎到呢~

係窗戶裝下郁郁B上課既情況先~

郁郁B個班約有10個小朋友度, 依~~老師係度講緊故仔WO..大家都好乖甘坐定定係地上, 聽老師講故仔

但有一個小朋友係度行黎行去既.....OH~~行黎行去個位, 原來就係郁郁B呀~~~~~

跟住就見到另一位老師, 馬上走過去攬住郁郁B, 唔比佢周圍行黎行去哪...

唔怪得之前成日都見到郁郁B比人攬住啦...原來就係因為佢坐唔定....唔係老師特別鐘意佢呀~~~~~~

終於夠3:00啦~~老師叫我地D 家長入去啦~

首先校長派一份觀課表格比我地, 跟住就同我地講, 陣間入到去課室睇小朋友上課, 如果小朋友見到媽咪要痴住既話, 唔好夾硬推開佢, 甘上下老師會叫小朋友返埋黎玩玩甘就冇事,

如果媽咪夾硬推開小朋友, 只會令小朋友更加要痴住, 哭得更加利害..

一聽到呢度...我根本知道郁郁B唔會發生D甘既事..係唔會痴住我既..

跟住小朋友轉課室或去邊, 媽咪都可以跟住去.

觀課至到4:00, 就會出返黎傾下計.

講完, 馬上入去郁郁B上緊堂既課室先~~

一入去, 郁郁B原來上緊普通話堂呢~~

老師全程都講普通話嫁, 逐個要求小朋友講普通話"老師午安"

最得意既係, 小朋友應完老師後, 老師會用手上既搖鼓拍一拍小朋友既頭仔, 跟住小朋友會發出"喔噢~~"甘樣~~~

好似下面既短片裡面甘樣~~真係好可愛呀~~~

跟住老師會同小朋友唱下普通話既歌仔"兩只老虎", 郁郁B 手勢同表情就做足, 但唱歌都未能夠成句唱到, 最多都係唱到個句歌詞最後的兩個字~

唱完歌仔, 老師用普通話講故仔, 當中是很互動的, 好似故事裡面"貓兒說你好~~", 老師就會向每一位小朋說"里巧~"小朋友亦會回答說"里巧~"

貓兒要吃蘋果~~老師會問"水SHAN痴砰過??", 每位小朋友都要說一次"咼 SHAN 痴", 跟住小朋友就作狀甘拎個蘋果放入口甘~~

上完普通話堂, 到左排隊去廁所既時間啦~~

郁郁B帶我參觀男小朋友廁所呢~~

老師問郁郁B有冇"WE WE", 郁郁B話冇,,,

但隔左一陣, 郁郁B好似表演甘, 係郁媽面前, 自己除褲仔, 手扶全廁所板就WE WE比郁媽睇

郁媽曾經問郁郁B, 駛唔駛媽咪幫你手除褲仔呀~~

郁郁B都答 "唔要幫!!"

WE WE完, 郁郁B係自己優返好褲仔的

郁媽頓時覺得郁郁B真係大個仔左好多呢~!!!!!!

去到廁所, 轉到去另一個課室, 郁郁B熟哂地頭甘去拎玩具玩

但老師話郁郁B今日要貼三角型紙仔WO

跟住郁郁B就好乖甘坐係椅子上, 同郁媽一起把三角型既彩色紙仔, 塗上漿糊, 貼在畫紙上~~

郁郁B仲拎住呢幅同郁媽一齊合作做既三角型抽象畫合照TIM~

貼完三角形, 郁郁B就馬上走去拎玩具玩玩啦~~

玩左一陣玩具, 到左郁郁B最開心既食茶點時間啦~~

去到食茶點既課室, 郁郁B飛快甘坐去自己既坐位上

郁郁B自己攝好手巾仔, 拎好杯仔及濕毛巾仔, 就等食啦

今日係食通粉呢~~派通粉之前, 係要祈禱的,

郁郁B就掛住玩匙, 都冇正經甘祈禱既..

係甘叫老師快D比通粉佢 " 師~~粉~~" (老師, 我要通粉)

郁郁B係佢個台6個人裡面最快食完, 跟住要求添食既小朋友, 老師都話佢好食得.....

好彩係任食嫁咋.....

就係甘, 觀課既一小時好快就夠鐘了..

老師叫家長出去禮堂度, 睇下有冇咩問題甘..

跟住就同郁郁B放學返屋企了

總括而言, 郁郁B已經完全習慣左學校既生活, 而且每天都好期待返學呢~~

雖然講野方面仍然未多, 但冇計啦, 郁郁B係細仔 (即係年尾出世既BB), 進度係慢少少,

不過返左學之後, 講野已經多左好多嫁啦~~

今次既觀課, 令我終於明白郁郁B係屋企時成日指手畫腳, 原來係度唱緊歌仔黎嫁~~~~笑死人~!!

聖誕小小model catwalk show詳情：

日期：2009年12月20日

地點：數碼港4座平台

初賽時間：下午12時（參加者請於早上11時至11時30分到4座平台she mom接待處登記 ，she mom接待處將於11時開始運作。）

決賽：下午2時（初賽勝出者請於下午1時30分到she mom接待處登記）

內容：由家長為寶寶自由裝扮造型，20名於初賽勝出的寶寶將可參加決賽，競逐5個獎項，包括最具聖誕氣氛造型、最型爆寶寶、最有潛質模特兒、最具魅力寶寶及最有儀態寶寶。每位參賽的寶寶均可獲發she mom證書一張，以示鼓勵。

交通：你可乘搭私家車、公共巴士或小巴抵達數碼港，有關交通工具的詳情，可參考以下網址 http://www.cyberport.com.hk/misc/cyberportmap/tw/GIS_index. htm。

郁郁B應該會以下面是但一個造型參賽:

1. 花仔LOOK

2. 朦眼LOOK

3. 街坊人字拖LOOK

4. 謝四哥LOOK

5. 穿長靴的郁 LOOK

唔知郁郁B以那一個造型去好呢~~???

郁郁B SCHOOL LIFE~

黎啦~~學校既無聊習作黎啦~~今次係要整聖誕吊飾~

今次係郁爸負責整既吊飾, 都OK WO, 比想像中好~~~

學校派返黎養既石竹, 為左令花花快高長大, 郁郁B會親吻佢嫁~

郁郁B FAMILY & FDS

呢個係細佬佬....個樣都係好好笑, 而且都係好大份既~

郁郁B參加爽爽 (最前面那位小朋友)既一才生日會~~

最開心既係, 郁郁B可以食到佢手上面既薯條..

掛住食

都係掛住食

去到一個海港得一個既海港城, 都係掛住食

食呀食

比郁爸沒收左冇得食..

又有得返食~

好開心有得食~~