我抱住郁郁B入去同郁爸一齊睇電腦, 點知郁爸突然話"做咩阿仔隻手流血嫁~~"

我一望, 見到郁郁B左手的食指流緊血,,,而且仲唔少TIM...

我地馬上抱郁郁B去廁所用清水沖下隻手指先, 見到手指上既傷口係割傷甘既.

都唔知佢幾時整親, 又冇哭, 又冇叫,

洗完傷口, 我地想按住傷口, 以壓力止血, 但郁郁B郁黎郁去, 好難按得住, 而且郁爸話小朋友血壓偏高, 都較難止血(呢點我唔知係咪真的..)總之就按左好耐都仲有血標出黎啦~~

真係好驚呀, 我地大人平時按一陣都會止左血嫁啦, 但郁郁B就按左好耐先止到血, 止左血之後,我地用棉花棒查左小小藍藥水上去傷口度, 再用藥水膠布包住.

但一包左藥水膠布, 郁郁B就係甘攪個膠布位, 好唔鐘意有D野痴住隻手指甘...

幫郁郁B包好膠布個一刻, 我先放心下來咋.

今次係郁郁B第一次的流血事件, 真係又嚇到我呢~~鼻哥窿都冇肉呀~ (其實只係好少事咋)

平靜下來, 就查下究竟郁郁B玩左D咩攪到流哂血甘哪..

係血案現場, 我地就發現兩個紙盒仔, 呢兩個盒仔D邊都好利下嫁, 我地有理由相信呢兩個盒仔就係令到郁郁B受傷流血既原凶~~

好野~甘快就破左案了~

好啦~其實昨晚三叔仲幫郁郁B剪左個新髮型嫁~~大家睇下型唔型仔~~可唔可愛~~~

三叔開始用機D DDDDDD郁郁B前面個撮頭髮啦~

好快就攪掂, 因為我地係趁郁郁B剛剛訓醒仲係呆呆地既時候剪的, 所以過程係勁順利的~~

耳仔上面既頭髮都修剪埋呢~~唔駛撩住耳仔啦~

郁郁B好懷疑自己個新髮型呢....型唔型嫁..?

郁媽: 簡直就型仔過陳豪啊~~~

聽完郁媽既說話, 郁郁B既自信即刻返哂黎~~~ "我係型仔~~~~"