雖然係悶左幾粒鐘, 但見完客之後, 老闆帶左我地去紅磡火車站隔離個間酒店既日本餐廳食飯

老闆一坐低就話個度既定食好抵食

我睇下個餐牌, 一個定食都成200元wo, 甘都叫抵食...?

老闆都叫定食, 我就諗住照跟哪

點知, 阿KEN竟然睇完哂個MENU之後, 就甘ORDER左個魚生飯 (定魚MENU裡面係冇呢個魚生飯既)

睇住阿KEN個魚生飯魚生多到滿瀉甘.....仲食得不知幾甘滋味..

反觀我的定食...得幾舊飯, 幾舊唔記得係咩既野, 總之食完都唔係好飽甘既..

重點都唔係呢度,

重點係, 返到公司, 阿KEN就係甘話我蠢~~因為個魚生飯成300幾元的~~~佢話我竟然唔跟佢點魚生飯, 卻走去食個百多元既定食~反正都係老闆請既~~

係甘笑我..

我亦覺得我自己真係蝕得好緊要！因為真係無物幾何有機會去個度食飯, 仲要唔駛自己錢去食!!!!!

終於, 皇天不負有心人!!!

半年之後, 明天！！我又有機會跟佢地出去見客啦~

唔知係咪都會去返個度食LUNCH呢~~~~~~

係既話, 唔駛諗~~~唔該~~~~我要魚生飯!!!!!!!!!