|
已經歲半有多既郁郁Ｂ，最近令郁媽最煩惱既就係， 郁郁Ｂ開始唔聽媽咪說話（其實好似唔聽左好耐哪．．．）呢排更加明顯！！
媽咪唔比佢做既事，做足之余，叫佢 ”ＮＯ”呀∼郁郁Ｂ仲會發返你脾氣，推開你∼你話死唔死．．．
實行又比郁郁Ｂ激餐死．．
郁郁Ｂ特別鐘意蝦阿ＬＩ姐姐．．好似今早之麻，我未起床，但已聽到係廳度既郁郁Ｂ係甘大叫，鬼殺甘嘈，都唔知佢講咩．．
跟住我起床出去廳度睇下郁郁Ｂ同姐姐搞物鬼．．．
但見到郁郁Ｂ ”ＭＯＵ”左係梳化後面既矮櫃上面，姐姐係甘叫佢返落去梳化，郁郁Ｂ采都冇采，繼續係個櫃上面玩．．
我見到甘樣，當然就要大喝一聲 ”喂！！！！”郁郁Ｂ就用０．０１秒既時間走返落去梳化度，仲好古惑甘望住我．．
唉．．．．．．．．郁郁Ｂ真係識得搵人黎蝦！！！！
我同阿ＬＩ姐姐講，如果郁郁Ｂ唔聽話，頑皮！就馬上打電話比我！
點知，今天下午，姐姐真係打比我，話郁郁Ｂ又坐左係個矮櫃上面玩．．．
就係甘，我就係公司，對住個電話甘樣罵郁郁Ｂ了．．．
慶幸既係，郁郁Ｂ聽到我係電話度話”你唔聽姐姐話，媽咪今晚返黎打你ＰＡＴ ＰＡＴ”佢都仲有Ｄ知驚，馬上走返落去梳化度．．
但係，以郁郁Ｂ甘樣膽生毛， 呢招唔知可以有效幾耐呢．．．
| 
