好彩我早走左一步咋~~依太后個D駛死人既性格, 如果一早知道呢批貨要明早10就走, 佢一定叫我留夜D係度睇, 甚至叫我STAY一晚呀~~~

我敢寫包單佢地一定會甘樣安排, 唔係點叫做駛人唔駛本, 佢地最叻就係用到個人盡, 乾哂塘都唔肯放人嫁啦~~~死CHEAP精!!!

郁爸又走左去踢波, 今次又係同佢大佬個D FD一齊, 上次比人放過飛機都仲未知驚既~~~真係恨踢波恨到上哂腦, 今晚要返夜都仲要去踢, 捱病左返黎我比舊屎你食~~~~(我以前一病, 阿媽就會甘講)

只要返埋明天一日, 我就放五天假啦~~真係好開心呀~~

我一定要繼續KEEP住呢個甘開心既心情先得~~唔好為D無為人而生氣~~~

另,,,今晚郁郁B無啦啦MOU係梳化隔離, 正所謂, 鬼鬼鼠鼠偷蕃薯, 梗冇好野,,,果然, 比阿LI姐姐識串佢想痾屎,,

但係已經太遲了, 阿LI姐姐抱起佢時, 已經痾左一舊係地下, 褲仔又污糟哂哪~~~~~

阿LI姐姐就馬上抱郁郁B去廁所洗PAT PAT, 跟住再善後埋篤黃金..

其實,,,我有為篤黃金影到相的, 因為係廳度有篤黃金, 都真係好經典, 呢樣又係我第二時笑長大左既郁郁B既最佳武器之一~~~

不過我就唔POST上黎啦~~唔想整到我個日記都臭埋........